헬라어 문장 검색 - ΑριστίΟρατιον́30́0́005́

(아리스티데스, 아일리오스, 연설, Εἰσ τὸ ἐναντίον 5:)

πότερον τῷ τὰ οἰκεῖα βεβαίωσ καρποῦσθαι; ἀλλ’ οὕτω γ’ εἰή τοῖσ πολεμίοισ. ἀλλὰ τῷ πλήθει τῶν ὁπλιτῶν καὶ ἱππέων; ἀλλὰ φοβοῦμαι μὲν εἰπεῖν, ἐξάγομαι δὲ, ἐξελύσαμεν, ὦ Ἀθηναῖοι, τὸν κατάλογον καὶ τὰσ συντάξεισ πέρα τοῦ καιροῦ διεσείσαμεν. ἃ γὰρ εἰσ τὴν σωτηρίαν ὑπάρχειν ἀποκείμενα χρῆν τῇ πόλει, ταῦτ’ ἀπολέξαντεσ ὑπὲρ τῆσ τῶν Ἐγεσταίων καὶ Λεοντίνων σκιᾶσ εἰσ τὰ πρὸσ ἑσπέραν τῆσ οἰκουμένησ ἀπεστείλαμεν, καὶ τῆσ παροιμίασ οὐ πόρρω θέομεν τὰ νῦν· ἐπιθυμίᾳ γὰρ τῶν πλειόνων καὶ ἀπόντων ‐ ἀλλ’ ἐάσω τὸ βλάσφημον ‐ ἀλλ’ ὅπωσ γε μὴ στερηθῶμεν τῶν ὄντων, τοῦτο οὐκ ἂν ἁμαρτεῖν οἰόμαι προσθείσ. οὐ μιμησόμεθα, ὦ Ἀθηναῖοι, τοὺσ ἰατροὺσ, οἳ τὰ ἐν τοῖσ σώμασι ῥεύματα οὐκ ἐῶσι περαιτέρω χωρεῖν, ἀλλὰ τὸ φλεγμαῖνον ἴσχουσι, πρὶν εἰσ ἅπαντα τὸν ὄγκον χυθῆναι· οὐ σωφρονιοῦμεν τὰσ ἄγαν ὁρμὰσ, ἀλλ’ ὁρωμένου τοῦ προτέρου κακοῦ τὰ δεύτερα προσθήσομεν καὶ βαρυνοῦμεν τὰ πράγματα ἑτέροισ ἵπποισ καὶ ἑτέροισ ἀνδράσι καὶ χρήμασι, καὶ συμποριοῦμεν τροφὴν τῷ πολέμῳ κακὴν, ὥσπερ εἴ τινεσ πυρκαϊᾶσ ἡμμένησ ἀμελήσαντεσ σβεννύναι ξύλα καὶ φορυτὸν καὶ ὕλην συμφέροιεν, ὡσ τούτῳ τὸ πῦρ ἐπισχήσοντεσ; μὴ ὑμεῖσ γε, ὦ Ἀθηναῖοι, μηδὲν ἀβέλτερον πάθητε μηδὲ ἐξαπατήσητε ὑμᾶσ αὐτοὺσ, ὥσπερ οἱ τοὺσ ὀφθαλμοὺσ συγκλείοντεσ, ὅπωσ μὴ ὁρῶσιν ἃ μὴ θέλουσιν. ἀλλ’ ἰδόντεσ οἷ πρόεισι τὰ πράγματα, ἑώσ ἔτι καιρὸσ καὶ κύριοι τῆσ βουλῆσ καθέστατε, ἐπίσχετε καὶ μὴ βούλεσθε δυοῖν ὁδοῖν τὴν μὲν καθ’ ὑμῶν ἰδεῖν, τὴν δὲ ὑπὲρ ὑμῶν ἀγνοεῖν. οὐδὲ γὰρ νῦν ἐνδείᾳ σωμάτων καὶ τῆσ ἄλλησ παρασκευῆσ οὕτω διατέθειται τὰ πράγματα, ἵν’ ὡσ ἀγεννέστερον αὐτοῖσ ἐγχειρήσαντασ ἡμᾶσ αὐτοὺσ καταμεμφώμεθα, ἀλλ’ ἕνεκα μὲν στόλου λαμπρότητοσ καὶ περιουσίασ ἅπαντα πέπρακται, τῇ τύχῃ δὲ ἐπταίκαμεν καὶ τῷ προεῖσθαι τὸ μέγιστον τῶν πλεονεκτημάτων, τοῦτο δ’ ἦν ὁ καιρὸσ, καὶ τῷ μὴ ἐπιστῆναι ταῖσ Συρακούσαισ ἐν ἀκμῇ τοῦ φόβου, πρὸσ ταῦτα καὶ Νικίου καὶ ὅτου τισ βούλεται κατηγορείτω· οἱ δ’ οὖν καιροὶ προεῖνται, καὶ οὐχ οἱο͂́ν τε ἀναλαβεῖν αὐτοὺσ, οὐδ’ ἂν δὶσ τοσούτουσ ἀποστείλωμεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Εἰσ τὸ ἐναντίον 5:

(아리스티데스, 아일리오스, 연설, Εἰσ τὸ ἐναντίον 5:)

상위

목록

SEARCH

MENU NAVIGATION