헬라어 문장 검색 - ΑριστίΟρατιον́29́0́012́

(아리스티데스, 아일리오스, 연설, Περὶ τοῦ πέμπειν βοήθειαν τοῖσ ἐν Σικελίᾳ 12:)

καὶ μὴν οὐ μόνον τοὺσ ἐκεῖθεν δέοσ ἐστὶν ἐπισπάσασθαι, ἀλλὰ καὶ τοὺσ ἐνταῦθα μηκέθ’ ὅσον πρότερον δοκεῖν ἀξίουσ εἶναι. ἀγανακτῶ δ’ ἔγωγε, εἰ Πελοποννήσιοι μὲν οὐκ ἀποκνήσουσι ναῦσ ἑτέρασ πληροῦν ὑπὲρ τῶν ἐν Σικελίᾳ, ἡμεῖσ δ’ ὑπὲρ ἡμῶν αὐτῶν οὐ τολμήσομεν. καὶ τῶν μὲν στρατηγῶν φυγὴν κατέγνωμεν Πυθοδώρου καὶ Σοφοκλέουσ, καὶ τὸν τρίτον αὐτῶν χρήματα ἐπραξάμεθα, ὅτι ἀνέστρεψαν ἐκ Σικελίασ καὶ μετέσχον τῶν ἐκεῖ σπονδῶν, αὐτοὶ δὲ τοσαύτην στρατιὰν ἄπρακτον ἀνάξομεν, ἣν οὐ κατὰ σπονδὰσ δεήσει κομισθῆναι, ἀλλ’, αἰσχύνομαι μὲν εἰπεῖν, φεύγουσα δὲ ὀφθήσεται. καίτοι ὅταν, ὦ Ἀθηναῖοι, τοὺσ τειχήρεισ φεύγωμεν, καὶ ὅταν ἐκ νήσου δραπετεύωμεν, κέρδοσ τὴν σωτηρίαν ἡγούμενοι, ποῦ λοιπὸν ἰσχυριούμεθα; ἢ τίσ λοιπὸν ἔσται πόλεμοσ; οὐκ ἀναμνησθησόμεθα, ὦ Ἀθηναῖοι, τῆσ ἡμέρασ ἐκείνησ ἐν ᾗ τὰσ ναῦσ ἀπεστέλλομεν παιᾶνασ ᾄδοντεσ καὶ κρατῆρασ ἱστάντεσ καὶ πομπὴν καὶ χάριν ἔργων τετελεσμένων ἀπομιμούμενοι; οὐκ αἰσχυνούμεθα τουτονὶ τὸν ἥλιον, εἰ δυοῖν οὕτωσ ἀνομοίων ἡμῖν ἔσται μάρτυσ, τότε μὲν τοσαύτησ λαμπρότητοσ καὶ ὑπερηφανίασ, νῦν δὲ ταπεινότητοσ; ποῖα λάφυρα κομίζοντασ, ὦ Ἀθηναῖοι, δεξόμεθ’ αὐτοὺσ, ἢ ποῖα χαριστήρια τῶν ἔργων τοῖσ θεοῖσ, ἢ ποίουσ ἐπινίκουσ ἅμ’ αὐτοῖσ ἐνταῦθα ᾀσόμεθα; ἢ ποίαν ἅμιλλαν ἁμιλλήσονται πρὸσ ἀλλήλουσ ἀναπλέοντεσ, ὁμοίαν τῇ πρώην; οὐ γὰρ ἄλλο γε οὐδὲν ἢ σιωπῇ καὶ τῶν κελευσμάτων κομισθήσονται, μόνον οὐκ αἰσχυνόμενοι τὴν θάλατταν. εἶτα τοὺσ μὲν ἐν τοῖσ γυμνικοῖσ ἀγῶσι πρὸ ὡρ́ασ ἀπαγορεύοντασ καὶ παρ’ ἀξίαν μικροῦ μισοῦμεν, ἄλλωσ τε κἂν πρὸσ αὐτῷ τῷ στεφάνῳ ποιήσωνται τὴν ἀπόρρησιν· αὐτοὶ δ’ ἀγῶνα τοσοῦτον ἀράμενοι καὶ μικροῦ πάντα κατειργασμένοι συγκεκλεικότεσ Συρακοσίουσ, ἔχοντεσ τὴν Σικελίαν, μόνον οὐκ ἐν ταῖσ χερσὶ τὸν στέφανον, εἶτα ἀπορρίψομεν; μὴ δῆτα, ὦ Ἀθηναῖοι. εὖ γὰρ ἴστε, ὀφθῆναι μόνον ἀρκέσει τοῖσ δευτέροισ καὶ πάντ’ οἴχεται τὰ Συρακοσίων πράγματα· καὶ τοσοῦτον ἀπολαύσονται τοῦ Γυλίππου, ὅσον μακροτέραν αὐτοῖσ γε γεγενῆσθαι τὴν πολιορκίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Περὶ τοῦ πέμπειν βοήθειαν τοῖσ ἐν Σικελίᾳ 12:

(아리스티데스, 아일리오스, 연설, Περὶ τοῦ πέμπειν βοήθειαν τοῖσ ἐν Σικελίᾳ 12:)

상위

목록

SEARCH

MENU NAVIGATION