Aristides, Aelius, Orationes, Περὶ τοῦ πέμπειν βοήθειαν τοῖσ ἐν Σικελίᾳ 11:

(아리스티데스, 아일리오스, 연설, Περὶ τοῦ πέμπειν βοήθειαν τοῖσ ἐν Σικελίᾳ 11:)

αὐτὴ γὰρ ἑαυτὴν σώζει. ὥσπερ γὰρ ἐν τοῖσ ἰδίοισ οἴκοισ ἑνὶ μὲν καὶ δυοῖν οἰκέταιν χαλεπὸν χρήσασθαι, οἱ δὲ πολλοὶ κατὰ ἀλλήλων ὑπάρχουσιν, οὕτω κἀν ταῖσ δυναστείαισ τὸ πλῆθοσ τῶν δεδουλωμένων βεβαιοῖ τὴν ἰσχὺν τοῖσ προειληφόσι· πάντεσ γὰρ ἐν κύκλῳ δεδίασιν ἀλλήλουσ. οὕτω δὴ καὶ ἡ Σικελία τοῖσ ἐνταῦθ’ ἡμῖν οὖσι προσγενομένη αὐτή τε διὰ τούτων σωθήσεται καὶ τἀνταῦθα ἀκριβώσει καὶ σύνδεσμοσ, εἰ χρὴ τἀληθὲσ εἰπεῖν, τῆσ ἀρχῆσ καθεστήξει. χειρωθέντεσ γὰρ ἄνθρωποι πολλοὶ καὶ παντοδαποὶ γένοσ, οὐχ ἕξουσιν ἀποστροφὴν, ἀλλὰ πᾶν τὸ μὴ περαιτέρω τοῦ παρόντοσ κακὸν ὥσπερ ἑρ́μαιον ἡγήσονται τοῖσ ὅλοισ ἀπειπόντεσ. ἀλλ’ ἐνταῦθα γὰρ ἤδη τῶν φόβων εἰήμεν· ἐγὼ δὲ ἑτέρουσ ἐγγυτέρω τούτων ὁρῶ, τὸ ναυτικὸν εἰ κινήσαιμεν, ὦ Ἀθηναῖοι, νῦν ἐκ Σικελίασ. καὶ οὐκ ἐκ τῶν Βάκιδοσ χρησμῶν οὐδ’ Ἀμφιλύτου μαθεῖν δεῖ με, ἀλλ’ αὐτὸσ εὖ εἰδὼσ ὑμῖν προλέγω Συρακοσίουσ καὶ Σελινουντίουσ καὶ πάντασ τοὺσ ἐκεῖθεν πολεμίουσ δεῦρ’ ἥξοντασ, ἂν αὐτοὺσ καλέσωμεν. τούτουσ γὰρ οὐχ ἧττον καλοῦμεν ἢ τοὺσ ἡμετέρουσ αὐτῶν, ἂν ἅ τινεσ κελεύουσι ψηφιζώμεθα. οὐ γὰρ ἐξαρκέσει Συρακοσίοισ, εἴ γε μηδὲν πεπόνθασιν, ἀλλὰ τοῦτο μὲν τῇ τύχῃ καὶ Λακεδαιμονίοισ λογιοῦνται τοῖσ ἀφῃρημένοισ, ἡμᾶσ δὲ ἐχθροὺσ μὲν ὁμοίωσ ὥσπερ ἂν εἰ παρεστησάμεθα αὐτοὺσ, δυνατὸν δ’ εἶναι νῦν μόνωσ ἀμύνασθαι, κρινοῦσι. καίτοι θαυμαστὸν εἴ τισ, ὦ Ἀθηναῖοι, τὸ μὲν ἐν τῷ Συρακοσίων λιμένι τριήρεισ ἡμετέρασ εἶναι φοβερὸν κρίνει τῇ πόλει, τὸ δὲ τὰσ τῶν Συρακοσίων καὶ τῶν συμμάχων εἰσ τὸν Πειραιᾶ καταπλεῦσαι, τοῦθ’ ὥσπερ σωτήριον τοῖσ πράγμασι προσδοκᾷ. εἰ μὲν γὰρ ἔστι τισ ἡμῖν ἐγγυητὴσ, ὡσ ἐκεῖνοι τὴν ἡσυχίαν ἄξουσι, καὶ οὐκ ἐθελήσουσι τὴν αὐτὴν ἀποδοῦναι χάριν Λακεδαιμονίοισ ἧσπερ οὗτοι νῦν ὑπῆρξαν εἰσ αὐτοὺσ, ἐφ’ ἡμῖν εἶναι νομίζωμεν ὁπότερ’ ἂν βουλώμεθα τούτων. εἰ δ’ οὐχ οὕτω φευξόμεθα αὐτοὺσ, ὡσ μὴ ὅποι ποτ’ ἂν ἡμῖν ἐπίωσιν, ἐνταῦθα ἀναγκαίωσ ἔχειν ἀμύνασθαι, τί τὴν Ἀττικὴν ταραχῆσ ἐμπίπλαμεν ἀμελήσαντεσ τῆσ Σικελίασ; καὶ τί μεθίσταμεν ἐνταῦθα τὸν πόλεμον, ἐξὸν κατέχειν ἐκείνουσ, ὅπωσ μήθ’ ἑκόντεσ μήτ’ ἄκοντεσ προί̈ωσι τῆσ αὑτῶν; ἢ τὸ μὲν ἡμᾶσ βουλεύεσθαι περὶ ἐκείνων δυσχερὲσ, τὸ δ’ ἐκείνοισ ἐγγενέσθαι περὶ ἡμῶν οὐκέτ’ ἔσχατον ἁπάντων;

상위

Aristides, Aelius (아리스티데스, 아일리오스)

목록

일치하는 문장이 없습니다.

SEARCH

MENU NAVIGATION