헬라어 문장 검색 - ΑριστίΟρατιον́29́0́009́

(아리스티데스, 아일리오스, 연설, Περὶ τοῦ πέμπειν βοήθειαν τοῖσ ἐν Σικελίᾳ 9:)

τί τούτων ὑπῆρξεν ἂν ὧν, ὡσ ἐπὶ πραχθεῖσιν εἰπεῖν, ζῆν οὐ καλὸν χωρίσ; δεῖ τοίνυν τοῖσ ὑπάρχουσι παραδείγμασι χρωμένουσ μὴ χείρουσ εἶναι πρὸσ τὰ μέλλοντα, εἰδότασ ὡσ ἡ ῥᾳστώνη καὶ τὸ καθ’ ἡδονὴν ἀπὸ τῶν πόνων περιγίγνεται καὶ τὰ μέγιστα τῶν ἔργων τοὺσ ἀρίστουσ μένει. λέγουσι δέ τινεσ καὶ περὶ τῶν Ἐγεσταίων ὡσ ἐψεύσαντο ἃ εἶπον περὶ τῶν χρημάτων. ἐγὼ δ’ εἰ μὲν Ἐγεσταίων χάριν τὸν στόλον τοῦτον ἐποιησάμεθα, ὁμολογῶ δεῖν ἀποδέχεσθαι τοὺσ κατ’ ἐκείνων λόγουσ· εἰ δὲ τὸ μὲν σχῆμα τῆσ στρατείασ Ἐγεσταῖοι καὶ Λεοντῖνοι παρεῖχον, οἱ δὲ κρατῆρεσ ἄλλο τι βουλομένων ἦσαν καὶ ἡ μέχρι Αἰγίνησ ἅμιλλα, τί ταῦτα ληροῦμεν; οὐ γὰρ εἰ φαῦλοι περὶ ἡμᾶσ Ἐγεσταῖοι γεγόνασι, διὰ τοῦτο καὶ ἡμᾶσ ἀκολουθῆσαι προσήκει, οὐδ’ ὅτι ἐκεῖνοι κατ’ ἀνάγκασ ἐψεύσαντο, διὰ τοῦτο καὶ ἡμᾶσ ἐξεπίτηδεσ ἐναντία ἡμῖν αὐτοῖσ ψηφίζεσθαι· οὐδ’ ἐπειδὴ ἐπὶ τῶν ἐν Ἐγέστῃ διημάρτομεν, καὶ τῶν ἄλλων εὐποριῶν τῶν πολλῶν καὶ οὐδὲν ὁμοίων τοῖσ παρ’ ἐκείνων ἐλπισθεῖσιν ἑκόντασ ἀποστερηθῆναι. τοσοῦτον δ’ εἰπεῖν ἔτι βούλομαι· εἰ τοῖσ παρ’ Ἐγεσταίων, ὦ Ἀθηναῖοι, χρήμασι καὶ ταῖσ ἐλπίσιν ἃσ ἐκεῖνοι παρίστασαν, εἰ τούτοισ πιστεύσαντεσ ἀφορμὴν ἱκανὴν ἔσεσθαι τῷ πολέμῳ στρατεύειν ἐπήρθημεν, ἀφιστώμεθα τῆσ Σικελίασ, καλῶμεν τοὺσ ἐκεῖθεν, ἔστω πᾶσ ἀχρεῖοσ λόγοσ, ὅστισ μὴ ταῦτα συμφήσει. εἰ δ’ ἐκεῖνοι μὲν ἅτε ὄντεσ βάρβαροι προσυπισχνοῦντο ὑπὲρ τοῦ τινὲσ εἶναι δοκεῖν, ἡμῖν δ’ ἑτέρωθεν τὸ ἰσχυρὸν ἦν [ἐστὶν ὁ λόγοσ λοιπόν]. ἀναμνησθῶμεν δ’ ἡμετέρου τινὸσ αὐτῶν ἔργου, φέροντοσ εἰσ τὰ παρόντα. ἦν γάρ ποτε χρόνοσ, ὦ Ἀθηναῖοι, ὅθ’ οἱ μὲν τὴν βασιλέωσ κακῶσ ἡμῶν ἐποίουν τριήρεσι τριακοσίαισ καὶ ἔτι πλείοσιν, οἱ δὲ Αἰγίνῃ προσεκάθηντο, Κορίνθιοι δ’ ἐπαρθέντεσ ἧκον εἰσ Μέγαρα, ὡσ ἢ κινήσοντεσ τοὺσ ἐπ’ Αἰγίνησ, ἢ Μεγαρέασ αἱρήσοντεσ ἐρήμουσ βοηθῶν. ἡμεῖσ δὲ τρίτην στρατείαν ἐξεύρομεν, ἧσ ἦρχε Μυρωνίδησ·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Περὶ τοῦ πέμπειν βοήθειαν τοῖσ ἐν Σικελίᾳ 9:

(아리스티데스, 아일리오스, 연설, Περὶ τοῦ πέμπειν βοήθειαν τοῖσ ἐν Σικελίᾳ 9:)

상위

목록

SEARCH

MENU NAVIGATION