헬라어 문장 검색 - ΑριστίΟρατιον́29́0́007́

(아리스티데스, 아일리오스, 연설, Περὶ τοῦ πέμπειν βοήθειαν τοῖσ ἐν Σικελίᾳ 7:)

ἔτι δ’ οὓσ ἂν κομίζωμεν αὐτῶν ἐν ταῖσ ναυσὶν, οὐχ ἕξουσιν ἐκεῖ ποιεῖν ὃ νῦν ἐνταῦθα, ἀλλ’ ὥσπερ νῦν πρὸσ τοὺσ πολεμίουσ ἀπέρχονται κρατοῦντασ τῆσ χώρασ, οὕτωσ ἐκεῖ γε κρατούντων τῆσ χώρασ πάλιν ἡμῶν καὶ τῶν πολεμίων ταυτὸν τοῦθ’ ὅπερ ἡμεῖσ ἐνταῦθα πεπονθότων, οὐχ ἕξουσιν ὅπωσ μεταστήσονται, ἀλλ’ ἔκ γε τῶν εἰκότων οἱ παρ’ ἐκείνων μᾶλλον ὡσ ἡμᾶσ ἀφίξονται. χωρὶσ δὲ τούτων οὐκ εἴ τι τῶν πάντων ἢ μεῖζον ἢ ἔλαττον ὑπομενοῦμεν, τοῦτο σκεπτέον, ἀλλ’ εἰ ταῦτα πάντα ὑπὲρ μεγάλων καρτερήσαιμεν, καὶ τὸν μισθὸν παρὰ τῶν πραγμάτων κομιούμεθα. πολὺ γάρ τοι βέλτιον οἶμαι τοῖσ ὕστερον χρηστοῖσ λῦσαι τὰ νῦν δυσχερῆ ἢ ταῦτά τε μή πω δύνασθαι κἀκείνων ἐθελοντὰσ ἀποστῆναι. ὅλωσ δὲ παντὶ τῷ σχήματι τοῦ πολέμου συμβαῖνόν ἐστιν ἡ πρὸσ τὴν Σικελίαν ἐξαγωγὴ τῶν πραγμάτων. εἰ μὲν γὰρ τοῦτον τὸν τρόπον ἡμῖν ἐδέδοκτο πολεμεῖν πρὸσ Λακεδαιμονίουσ, ὃν ἐκεῖνοι προὐκαλοῦντο, ἄλλοσ ἂν ἦν λόγοσ· νῦν δὲ τί ἡμῖν ἔδοξεν ἀπ’ ἀρχῆσ; ἐκείνουσ μὲν ἐμβάλλειν ἐᾶν, αὐτοὺσ δὲ ταῖσ ναυσὶ χρῆσθαι, καὶ τῆσ μὲν γῆσ δῃουμένησ μὴ προτιμᾶν, πολλὴν ἔχοντασ τὴν ἄλλην, τῇ Πελοποννήσῳ δ’ ἐγκεῖσθαι, ὡσ οὐ τὸ τοῖσ πρὸ ποδῶν μάχεσθαι τοῦτο σῶσον τὰ πράγματα, ἀλλὰ τὸ τὰσ ἔξω δυνάμεισ κακοῦν αὐτῶν. μὴ τοίνυν ἧττόν τι τοῖσ ὅλοισ συμφέρειν νομίσητε τἀν τῇ Σικελίᾳ κατεργασθέντα ἢ τὸ πλεῖν περὶ Πελοπόννησον, μηδ’ ἄλλωσ ἂν ἄμεινον τοὺσ ἐκ Δεκελείασ ἀπαγαγεῖν ἢ τὰσ ἔξωθεν ἀφορμὰσ αὐτῶν εἰ παρελοίμεθα. εἰ γὰρ μήτε πέμπειν εἰσ Σικελίαν ἕξουσι μήθ’ ὑποδέχεσθαι τῶν ἐκεῖθεν μηδὲν, ὑμῖν δ’ αὖ διὰ χειρὸσ ἅπαντα ταῦτα καταστήσεται, οὐκ ἔσθ’ ὅπωσ ἂν ἄμεινον καταλυθεῖεν οὐδ’ ὅπωσ ἂν μᾶλλον ἀπορήσαιεν ὅ τι χρήσαιντο. καὶ μὴν εἰ τὸν Ἑλλήσποντον περὶ πλείονοσ τῆσ Ἀττικῆσ ποιούμεθα τῆσ σιτοπομπίασ ἕνεκα, πόσῳ τοῦ γε Ἑλλησπόντου Σικελίαν εἰκόσ; ὁ μέν γε τῶν ἐκ τοῦ Πόντου πλοίων τὴν παραπομπὴν ἡμῖν ἔχει, ἡ δ’ ἀντ’ ἀμφοῖν τῶν χωρίων τούτων γίγνεται·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Περὶ τοῦ πέμπειν βοήθειαν τοῖσ ἐν Σικελίᾳ 7:

(아리스티데스, 아일리오스, 연설, Περὶ τοῦ πέμπειν βοήθειαν τοῖσ ἐν Σικελίᾳ 7:)

상위

목록

SEARCH

MENU NAVIGATION