헬라어 문장 검색 - ΑριστίΟρατιον́29́0́002́

(아리스티데스, 아일리오스, 연설, Περὶ τοῦ πέμπειν βοήθειαν τοῖσ ἐν Σικελίᾳ 2:)

οὐ γὰρ πλέον γε οὐδὲν, σὺν θεοῖσ εἰρῆσθαι, φοβοῦμαι. ποῦ γὰρ ἂν ἢ τὸ παρατείχισμα τοῦτο τὸ νῦν ἐνοχλοῦν ἐξῳκοδόμητο, μὴ τῆσ ἐκ Λακεδαίμονοσ βοηθείασ ἐπελθούσησ; ἢ τὴν βοήθειαν μὴ ὅτι ταύτην, ἀλλά τινα σχολὴν τοῦ μεταπέμψασθαι Συρακόσιοι πότ’ ἂν ἔσχον, εἴ τισ ἢ τότε ἐξ ἀρχῆσ ἐπέκειτο, ἢ παραγιγνομένην γε οἱ ταχθέντεσ ἐκώλυον, εἰ προῄσθοντο καὶ μὴ παρεῖσάν τι τοῖσ ἡμετέροισ, ἐξ ἴσου τῶν ἐν Σικελίᾳ; νῦν δὲ τὰ μὲν βραδυτὴσ ἑνὸσ ἀνδρὸσ καὶ δυοῖν, τὰ δὲ καιροῦ τύχη βουλεύεσθαι περὶ τῶν ἑτοίμων ἡμᾶσ πεποίηκεν· ἐπεὶ τοῖσ γε ὅλοισ ὁπόσῳ τινὶ κρείττουσ γεγενήμεθα καὶ Νικίασ αὐτὸσ μαρτυρεῖ. τίνοσ οὖν ἕνεκα ταῦτα λέγω νῦν; οὐ κατηγορίασ ἕνεκα Νικίου, οὐδ’ ὅτι ἧττον ἔχει τὰ πράγματα ὡσ ἔχει, εἴθ’ οὕτωσ εἴθ’ ἑτέρωσ ἐνταῦθα ἐλήλυθεν, ἀλλ’ ὅτι παμπόλλῳ πρόσ γε τὸ μέλλον διαφέρει. εἰ μὲν γὰρ ὅλωσ ἡμῶν ὑπερεῖχον οἱ πολέμιοι, κἂν αὐτὸσ ὤκνουν· ἐπεὶ δ’ ἐν ἅπασι καὶ πανταχοῦ κεκρατήκαμεν αὐτῶν καλῶσ ποιοῦντεσ, τά γ’ ἐν μέρει ταῦτ’ ἔνι δή που τοῦ λοιποῦ καὶ φυλάξασθαι καὶ διορθώσασθαι. ἐνθυμηθῶμεν δὲ ὡσ πόλλ’ ἄττα τῶν ἐκεῖ πραγμάτων ἐστὶν οὐκ ἐῶνθ’ ἡμᾶσ ἀποστῆναι. πρῶτον μὲν, ὦ Ἀθηναῖοι, καὶ πᾶσιν ἰδεῖν κοινότατον τὸ μὴ χρῆναι καταλύειν τὰ δεδογμένα, μηδ’ ὥσπερ παῖδασ ῥᾳδίωσ μὲν ἐπιθυμοῦντασ, προχείρωσ δὲ καταλείποντασ. ἴσωσ μὲν γὰρ καὶ παρὰ τουτοισὶ Μεγαρεῦσι καὶ Βοιωτοῖσ καὶ πᾶσιν ὅσοι μικρὰσ ἢ μείζουσ πόλεισ οἰκοῦσιν ἰσχυρὸν τὸ δεῖν τοῖσ ἐγνωσμένοισ ἐμμένειν, καὶ πέρασ εἶναι τῶν ἀμφισβητησίμων ἁπάντων τὸ ψηφίσασθαι, οὐ μὴν οὐδέσι μᾶλλον ἢ ὑμῖν τοῦτο προσῆκον φανεῖται. ὅσῳ γάρ ἐστε σοφώτατοι τῶν Ἑλλήνων αὐτοί τε ἐφ’ ὑμῶν αὐτῶν ἄριστοι λογίσασθαι τὰ δέοντα καὶ ἑτέρου λέγοντοσ κρῖναι τοσούτῳ πλέονοσ κληρονομεῖν ἀνάγκη τῆσ αἰσχύνησ, εἴ τι φαίνοισθε λύοντεσ ὧν ἐγνώκατε. δεῖ γὰρ δυοῖν θάτερον, ἢ τὸ πρῶτον ψηφιζομένουσ ἔξω τοῦ φρονεῖν εἶναι δοκεῖν, ἢ τὰ δεύτερα ἁμαρτάνειν. καὶ μὴν οὐδ’ ἐκεῖνό γ’ ἔστ’ εἰπεῖν, ὡσ ἄρα ὀλίγοι περὶ τούτων ἐξ ἀρχῆσ ἐγένοντο λόγοι παρ’ ἡμῖν, ἢ μιᾶσ ἡμέρασ μέρει μικρῷ τὸ πᾶν ἐπετρέψαμεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Περὶ τοῦ πέμπειν βοήθειαν τοῖσ ἐν Σικελίᾳ 2:

(아리스티데스, 아일리오스, 연설, Περὶ τοῦ πέμπειν βοήθειαν τοῖσ ἐν Σικελίᾳ 2:)

상위

목록

SEARCH

MENU NAVIGATION