Aristides, Aelius, Orationes, Ιἑροὶ λόγοι δ# 17:

(아리스티데스, 아일리오스, 연설, Ιἑροὶ λόγοι δ# 17:)

τοιαῦτ’ ἄττα ἑκατέρωθεν ἐλέγετο. μετὰ δὲ ταῦτα ἐδόκουν τοὺσ μὲν πορεύεσθαι, αὐτὸσ δὲ συνεξιέναι μετ’ αὐτῶν, καὶ ἐπειδὴ γιγνόμεθα πρὸσ τῇ πυλίδι, οὗ ἡ ἐκτροπὴ πρὸσ τὸ ἱερόν ἐστι, τοὺσ μὲν βαδίζειν εὐθὺ τοῦ ἱεροῦ, αὐτὸσ δὲ ἀπαλλαττόμενοσ δεξιοῦσθαί τε αὐτοὺσ καὶ χάριν ἔχειν, ὅτι πανταχοῦ κοσμοῖεν καὶ μέλοι πάντωσ αὐτοῖσ τῶν ἐμῶν. ὃν μὲν οὖν τρόπον εὐθὺσ εὐδοκίμησε τὰ γράμματα ἀναγιγνωσκόμενά τε εἰσ πάντασ ὑπ’ αὐτοῦ τοῦ ἡγεμόνοσ καὶ περιμάχητα πᾶσιν ὄντα λαβεῖν, καὶ ἃ πρὸσ ταῦτα ἀντεπέστειλε καὶ οἱᾶ τελευτῶν, ἐπειδὴ τῆσ ἀρχῆσ ἐξῄει, τῇ μὲν ἴσωσ ἀλαζονίαν ἔχειν ἂν δόξειε διηγουμένῳ διὰ τὰσ ὑπερβολὰσ τῶν ἐν αὐτοῖσ ἐνόντων, τῇ δ’ ὥσπερ μικρότησ τισ ἂν εἰή διατρίβειν ἐπὶ τούτοισ, μετὰ τὰσ παρὰ τῶν θεῶν τιμάσ. ἀλλ’ ἅ γ’ εἰσ τὸν παρόντα ἔφερε λόγον, τοιαῦτα μάλιστα ἐγένετο. καὶ ταῦτα μὲν τῶν ἄνω χρόνων ἐστὶν, ἐπεὶ δ’ ἐνταῦθα ἐγεγόνειν τοῦ λόγου καὶ πρὸσ τὰσ ἄλλασ ἔμελλον εὐεργεσίασ τοῦ θεοῦ τρέψεσθαι καὶ γράψειν ἐφεξῆσ τὰσ ἐπὶ τῶν ἄλλων ἡγεμόνων καὶ πραγμάτων γενομένασ, ὄναρ μοι γίγνεται μεταξὺ τῆσ γραφῆσ, εἰσ ταῦτα φέρον πωσ πάλιν. εἶχε δὲ οὑτωσί. ἔδοξα λέγειν ἔν τισιν ἐνδεικνύμενοσ αὐτοῖσ μεταξὺ τῶν λόγων ὧν ἠγωνιζόμην καλέσαι τὸν θεὸν ὡδὶ λέγων, δέσποτα Ἀσκληπιὲ, εἰ μὲν ὑπερέχω τε λόγοισ καὶ πολὺ ὑπερέχω, ἐμοὶ μὲν ὑγίειαν, τοῖσ βασκάνοισ δ’ εἶναι ῥήγνυσθαι. καὶ ταῦτά τε ὡσ ὄναρ τυγχάνειν ἑορακὼσ καὶ γενομένησ ἡμέρασ βιβλίον τι λαβὼν ἀναγιγνώσκειν· εὑρεῖν οὖν ἐνόντα ἅπερ ἐφθεγξάμην. θαυμάσασ δὲ πρὸσ Ζώσιμον εἰπεῖν, θέασαι ἃ λέγειν ἐδόκουν ὄναρ εὑρίσκω γεγραμμένα ἐν τῷ βιβλίῳ. οὕτω δὴ καὶ ταῦτα καινὰ παλαιοῖσ προσετέθη· εἰ δὲ τῆσ γνώμησ τοῦ θεοῦ τετυχήκαμεν αὐτὸσ ἂν εἰδείη καλῶσ. τὰ μὲν περὶ τοὺσ λόγουσ καὶ ὡσ κατέστησεν ἡμᾶσ ἐξ ἀρχῆσ εἰσ αὐτοὺσ καὶ ψῆφον ὁποίαν τινὰ ἤνεγκε περὶ αὐτῶν καὶ ὅσα εἰσ τοῦτο φέροντα ἐχρημάτιζε, καὶ τοὔνομα ὡσ πρὸσ τῷ ἀρχαίῳ τὸν Θεόδωρον προσέθετο, καὶ περὶ τῆσ αὑτοῦ φύσεωσ ὁποῖ’ ἄττα ἔδειξε, καὶ ὅσα τοῦ τύπου τούτου, πάντα μὲν οὐδ’ ἐγγὺσ εἴρηται, ὅσα δὲ ἦν ἔναυλα καὶ ἀφ’ ὧν ἔξεστι περὶ τῶν ἄλλων τεκμαίρεσθαι.

상위

Aristides, Aelius (아리스티데스, 아일리오스)

목록

일치하는 문장이 없습니다.

SEARCH

MENU NAVIGATION