Aristides, Aelius, Orationes, Ιἑροὶ λόγοι δ# 13:

(아리스티데스, 아일리오스, 연설, Ιἑροὶ λόγοι δ# 13:)

καὶ τὸν μὲν ἐν τῷ ἑτέρῳ κεῖσθαι, ἐν τῷ ἑτέρῳ δὲ αὐτὸσ κείσεσθαι. ἐπιστὰσ δὲ καὶ προκύψασ ἀπολαύειν εὐωδίασ θαυμαστῆσ θυωμάτων, καὶ τούτων τὰ μὲν τῆσ ἐκείνου θήκησ εἶναι, τὰ δὲ ἐμοὶ προσαποκεῖσθαι. χαίρειν τε οὖν καὶ συμβάλλεσθαι ὡσ ἄρα ἀμφότεροι τὸ ἄκρον λάχοιμεν, ὁ μὲν τῆσ ἐν τοῖσ ὅπλοισ δυνάμεωσ, ἐγὼ δὲ τῆσ ἐπὶ τοῖσ λόγοισ. καὶ προσέτι γε κἀκεῖνο εἰσελθεῖν με, ὅτι οὗτόσ τε ἐν Πέλλῃ γένοιτο, πρᾶγμα τοσοῦτον, ἐπ’ ἐμοί τε οἱ τῇδε φιλοτιμήσοιντο. τοιαῦτα καὶ ἀκοῦσαι καὶ ἰδεῖν ἔδοξα καὶ πρὸσ ἐμαυτὸν εἰπεῖν τε καὶ συλλογίσασθαι, τὰ μὲν ὡσ παρὰ τῷ Διὶ, τὰ δ’ ὡσ ἐν Ἀσκληπιοῦ πρὸ τῆσ οἰκίασ. τὰ δ’ ἐντεῦθεν ἤδη, εἰ μὲν θέμισ, εἰρήσθω καὶ γεγράφθω, εἰ δὲ μὴ, τοσοῦτον σοὶ μελήσειε, δέσποτα Ἀσκληπιὲ, ἐπὶ νοῦν ἀγαγεῖν μοι διαγράψαι παντὸσ δυσκόλου χωρίσ. πρῶτον μὲν ὤφθη τὸ ἕδοσ τρεῖσ κεφαλὰσ ἔχον καὶ πυρὶ λαμπόμενον κύκλῳ, πλὴν τῶν κεφαλῶν· ἔπειθ’ οἱ θεραπευταὶ προσειστήκειμεν, ὥσπερ ὅταν ὁ παιὰν ᾄδηται· σχεδὸν δὲ ἐν πρώτοισ ἐγώ. κἀν τούτῳ νεύει ἔξοδον ὁ θεὸσ, ἔχων ἤδη τὸ ἑαυτοῦ σχῆμα ἐν ᾧπερ ἕστηκεν. οἵ τε δὴ οὖν ἄλλοι πάντεσ ἐξῄεσαν κἀγὼ μετεστρεφόμην ὡσ ἐξιὼν, καὶ ὁ θεόσ μοι τῇ χειρὶ προδείκνυσι μένειν. κἀγὼ περιχαρὴσ τῇ τιμῇ γενόμενοσ καὶ ὅσον τῶν ἄλλων προὐκρίθην ἐξεβόησα, εἷσ, λέγων δὴ τὸν θεόν. καὶ ὃσ ἔφη, σὺ εἶ. τοῦτο τὸ ῥῆμα ἐμοὶ, δέσποτ’ Ἀσκληπιὲ, παντὸσ ἀνθρωπίνου βίου κρεῖττον, τούτου πᾶσα ἐλάττων νόσοσ, τούτου πᾶσα ἐλάττων χάρισ, τοῦτ’ ἐμὲ καὶ δύνασθαι καὶ βούλεσθαι ζῆν ἐποίησε. καὶ ταῦτα μὲν ἡμῖν εἰρηκόσι μηδὲν ἔλαττον εἰή τῆσ πρόσθεν τιμῆσ παρὰ τοῦ θεοῦ. λόγον δέ ποτε ἤκουσα τοιόνδε φέροντα εἰσ λόγουσ καὶ ὁμιλίαν θείαν. ἔφη χρῆναι κινηθῆναι τὸν νοῦν ἀπὸ τοῦ καθεστηκότοσ, κινηθέντα δὲ συγγενέσθαι θεῷ, συγγενόμενον δὲ ὑπερέχειν ἤδη τῆσ ἀνθρωπίνησ ἕξεωσ· καὶ οὐδέτερόν γε εἶναι θαυμαστὸν, οὔτε ὑπερέχειν θεῷ συγγενόμενον οὔθ’ ὑπερσχόντα συνεῖναι θεῷ. καὶ μὴν τοὔνομά γε ὁ Θεόδωροσ οὕτωσ ἐπωνομάσθη μοι.

상위

Aristides, Aelius (아리스티데스, 아일리오스)

목록

일치하는 문장이 없습니다.

SEARCH

MENU NAVIGATION