Aristides, Aelius, Orationes, Ιἑροὶ λόγοι δ# 5:

(아리스티데스, 아일리오스, 연설, Ιἑροὶ λόγοι δ# 5:)

οὗτοσ καὶ τὸ πρόβλημα ἦν ὁ προβαλών· καὶ ἦν γε τὸ πρόβλημα τοιόνδε· μέμνημαι γὰρ, ἅτε καὶ πρῶτον λαβών· Ἀλεξάνδρου, φησὶν, ἐν Ἰνδοῖσ ὄντοσ συμβουλεύει Δημοσθένησ ἐπιθέσθαι τοῖσ πράγμασιν. εὐθὺσ μὲν οὖν ἐδεξάμην τὴν φήμην τὸν Δημοσθένη τε αὖθισ λέγοντα καὶ τοὺσ λόγουσ ὄντασ περὶ τῆσ ἡγεμονίασ. καὶ μικρὸν ἐπισχὼν ἠγωνιζόμην, καὶ τά τε δὴ τῆσ ἄλλησ δυνάμεωσ ἦν οἱᾶ θεοῦ παρασκευάζοντοσ, καὶ ἔδοξεν ὁ τοῦ ἐνιαυτοῦ χρόνοσ οὐ σιωπῆσ, ἀλλ’ ἀσκήσεωσ εἶναι. ἀρχὴ μὲν οὖν αὕτη τῆσ μελέτησ τῶν λόγων ἡμῖν ἐγένετο, καὶ οὕτωσ ἐπανήλθομεν. ἐγίγνετο δὲ καὶ ἄλλα πολλὰ εἰσ ταυτὸν φέροντα, καὶ τὸ δὴ μάλιστα ἐπιρρῶσαν τοιόνδε ἦν. Ῥώσανδροσ ἦν τῶν φιλοσοφούντων καὶ ἄλλωσ περὶ τὴν τοῦ θεοῦ θεραπείαν ἐπιμελήσ· οὗτοσ ἐδόκει μοι παρ’ ἀνδρὸσ φιλοσόφου τῶν ἐπιφανῶν ἀρτίωσ διηγγελμένου παρὼν ἑστάναι πρόσθεν τῆσ κλίνησ, οἱο͂ν ἔνθεόσ τε καὶ σφόδρα ἐσπουδακώσ· ἔπειτα λέγειν περὶ τῶν λόγων τῶν ἐμῶν εἰσ ὅσον προβεβηκότεσ εἰε͂ν, μνησθῆναι μὲν δὴ Πλάτωνοσ καὶ Δημοσθένουσ, ἐφ’ οἷσπερ ἐμνήσθη ἑκατέρου· ἀκροτελεύτιον δ’ ἐπιθεῖναι, παρῆλθεσ ἡμῖν τῷ ἀξιώματι τὸν Δημοσθένη, ὡσ μηδ’ αὐτοῖσ ἄρα τοῖσ φιλοσόφοισ εἶναι ὑπερφρονῆσαι. τοῦτο τὸ ῥῆμα πᾶσαν ἐμοὶ τὴν ὕστερον φιλοτιμίαν ἐξῆψε, τοῦτ’ ἐποίησε πᾶν ὅ τι ποιοίην περὶ λόγουσ ἔλαττον εἶναι τοῦ δέοντοσ νομίζειν. καὶ μέντοι καὶ ὕπαρ αὐτὸσ ἐπεσφραγίσατο ὁ θεόσ. μετὰ γὰρ τὴν νύκτα ἐκείνην, ἣ τὸν ὄρθρον ἦγεν, εὐθὺσ μελέτην ἐποιούμην, κατ’ ἀρχὰσ ἔτι τῶν χρόνων ὥσπερ λέγω· καὶ οἱ παρόντεσ οὐδέν πω τοῦ ὀνείρατοσ προπεπυσμένοι, τῶν δὲ λόγων ἀκροώμενοι τότε πρῶτον, μάλιστα δὴ τοῦτο ἐπεσημήναντο τὸ ἀξίωμα. καὶ τοῦτο πλεῖστον ἦν αὐτοῖσ τοῦ θορύβου. χρόνῳ δ’ ὕστερον εἰσ τὸν Ῥώσανδρον φέρον τοιόνδε μοι γίγνεται. ἐδόκουν ἐν Διὸσ Ὀλυμπίου χωρίῳ κατὰ δή τινα διατριβὴν ἤτοι πρὸσ ἐμαυτὸν διανοηθῆναι ἤ τινα δεικνύναι μοι καὶ φράζειν ὡσ ὁ Ῥώσανδροσ δύναται δηλοῦν τὸν θεὸν, καὶ τὴν ἀπόδειξιν αὐτοῦ ποιεῖσθαι διὰ γραμμῆσ τινοσ ὥσπερ οἱ γεωμέτραι, γράψαντα δύ’ ἑξῆσ ὀνόματα ἐπὶ τῆσ γῆσ ἐξ ἴσου, τὸ μὲν Ῥώσανδροσ, τὸ δὲ ἕτερον Θεόδοτοσ·

상위

Aristides, Aelius (아리스티데스, 아일리오스)

목록

일치하는 문장이 없습니다.

SEARCH

MENU NAVIGATION