헬라어 문장 검색 - ΑριστίΟρατιον́23́0́017́

(아리스티데스, 아일리오스, 연설, Ιἑροὶ λόγοι α# 17:)

ὁ δ’ ἐν τούτῳ ἀναθεῖ ὀπίσω εἴσ τι χωρίον ἡμέτερον δεῆσάν τι καὶ μετ’ οὐ πολὺ ἔκαμνε. συνέβαινε δὲ κἀμοὶ τοῦ τε στομάχου καὶ τῆσ ὑπερώασ καὶ κεφαλῆσ ὅλησ καὶ σύμπαντοσ τοῦ σώματοσ οὕτωσ ἔχειν ὥστε ἐπ’ ἔσχατον ἐλθεῖν, καὶ τῆσ τε τροφῆσ ἀπεκεκλείμην καὶ ὅ τι προσείμην παραχρῆμα ἐφθείρετο, καὶ ἀναπνεῖν οὐκ ἦν καὶ ἡ δύναμισ καθῄρητο. ἀπείχομεν δὲ ἀλλήλων σταδίουσ μάλιστα εἴκοσι καὶ ἑκατόν. συνέβαινεν οὖν ἡμῖν πυνθανομένοισ ὡσ ἔχοιμεν ἑκάτεροι πολὺ μᾶλλον οἷσ ἠκούομεν ἢ τοῖσ αὐτῷ παροῦσιν ἑκάτερον βαρύνεσθαι. φανέντοσ δὲ τοῦ θεοῦ λαμβάνομαι τῆσ κεφαλῆσ ἐπαλλὰξ τοῖν χεροῖν, καὶ λαβόμενοσ ἐδεόμην σῶσαί μοι τὸν Ζώσιμον. ἀνένευσεν ὁ θεόσ. πάλιν οὖν τὴν αὐτὴν λαβὴν λαβόμενοσ ἐδεόμην ἐπινεῦσαι. αὖθισ ἀνένευσε. τὸ τρίτον παραλαβὼν ἐπειρώμην πεῖσαι ἐπινεῦσαι· ὁ δὲ οὔτε ἀνένευσεν οὔτε ἐπένευσεν, ἀλλ’ εἶχε δι’ ἴσου τὴν κεφαλὴν καί μοι λέγει ῥήματα ἄττα, ἃ χρὴ λέγειν ἐν τοῖσ τοιούτοισ, ὡσ ἀνύσιμα· ἁγὼ μνημονεύων οὐκ οἶμαι δεῖν ἐκφέρειν εἰκῆ. ἔφη δ’ οὖν ὅτι ἐπαρκέσει τούτων λεχθέντων· ἓν δ’ ἦν αὐτῶν, φύλαξον. τί οὖν ἀπέβη αὐτῷ μετὰ ταῦτα; πρῶτον μὲν ἀνίσταται παρ’ ἐλπίδασ ἐξ ἐκείνησ τῆσ νόσου ὁ Ζώσιμοσ, καθαρθείσ γε διὰ πτισάνησ καὶ φακῆσ, προειπόντοσ ἐμοὶ τοῦ θεοῦ ὑπὲρ αὐτοῦ, ἔπειτα ἐπεβίω μῆνασ τέτταρασ· ὥστε ἐνετύχομέν τε ἀλλήλοισ καὶ συνεωρτάσαμεν, γενομένησ γε κἀμοὶ παρὰ τοῦ θεοῦ βοηθείασ πολλῆσ καὶ συνεχοῦσ καὶ παράδοξα ἐχούσησ. ὧν ἓν ἦν λειποψυχοῦντα καὶ παντελῶσ ἀπορούμενον ποιῆσαι μέλη, γάμον τε κορωνίδοσ καὶ γένεσιν τοῦ θεοῦ, καὶ τὴν στροφὴν ὡσ ἐπὶ μήκιστον ἀποτεῖναι· καὶ ἐποίησα τὰ ᾄσματα ἐφ’ ἡσυχίασ οὑτωσὶ καὶ κατ’ ἐμαυτὸν ἐνθυμηθεὶσ, καὶ πάντων ἤδη λήθη ἦν τῶν δυσχερῶν. καὶ δὴ καὶ κλύσματι χρήσασθαι ἐπετάχθην. ὥσθ’ ὁ μὲν ἰατρὸσ οὐκ ἐθάρρει προσφέρειν, ὁρῶν τὴν λεπτότητα τοῦ σώματοσ καὶ τὴν ἀδυναμίαν, ἀλλ’ ἡγεῖτο ὥσπερ αὐτόχειρ ἔσεσθαί μου· ἐγὼ δ’ ἔπεισα μόλισ καὶ παραχρῆμα ἀνήνεγκα. τροφὴν δὲ ἔδωκε λάχανα ἄγρια, ἃ καὶ πέψιν καὶ δύναμιν παρέσχε μοι τινά.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Ιἑροὶ λόγοι α# 17:

(아리스티데스, 아일리오스, 연설, Ιἑροὶ λόγοι α# 17:)

상위

목록

SEARCH

MENU NAVIGATION