헬라어 문장 검색 - ΑριστίΟρατιον́23́0́015́

(아리스티데스, 아일리오스, 연설, Ιἑροὶ λόγοι α# 15:)

ὥσθ’ ὅταν ἐνθυμηθῶ τοῦ ἐκ τοῦ συμποσίου Σωκράτουσ ἐν Λυκείῳ διημερεύοντοσ, μηδὲν ἐλάττω μοι προσήκειν οἰέσθαι τῆσ περὶ ταῦτα καρτερίασ τε καὶ δυνάμεωσ χάριν εἰδέναι τῷ θεῷ. τοσαῦτα μὲν τὰ παρὰ τοῦ ἤτρου. ὅμοιον δὲ τῷ περὶ τὸ ἦτρον συνέβη καὶ τὸ τοῦ φύματοσ πολλοῖσ ἔτεσι πρότερον. ὁ μὲν γὰρ θεὸσ προὔλεγεν ἐκ πολλοῦ δεῖν ὕδερον φυλάττεσθαι, καὶ ἄλλα τε ἔδωκεν ἀλεξιφάρμακα καὶ ὑποδήματα Αἰγύπτια, οἷσπερ οἱ ἱερεῖσ χρῆσθαι νομίζουσι. καὶ δὴ καὶ ἔδοξεν αὐτῷ τὸ ῥεῦμα ἀπάγειν κάτω. καὶ γίγνεται φῦμα ἀπ’ ἀρχῆσ οὐδεμιᾶσ φανερᾶσ τὸ μὲν πρῶτον οἱο͂ν ἄν τῳ καὶ ἄλλῳ γένοιτο, ἔπειτα προῆλθεν εἰσ ὄγκον ἐξαίσιον, καὶ ὅ τε βουβὼν μεστὸσ ἦν καὶ πάντα ἐξῴδει, καὶ ὀδύναι παρηκολούθουν δειναὶ καὶ πυρετὸσ ἔστιν ἃσ ἡμέρασ. ἐνταῦθα οἱ μὲν ἰατροὶ πάσασ φωνὰσ ἠφίεσαν, οἱ μὲν τέμνειν, οἱ δὲ ἐπικάειν φαρμάκοισ, ἢ πάντωσ δεῖν ὑπόπυον γενόμενον διαφθαρῆναι. ὁ δὲ θεὸσ τὴν ἐναντίαν ἐτίθετο, ἀντέχειν καὶ τρέφειν τὸν ὄγκον· καὶ δηλαδὴ οὐχ αἱρ́εσισ ἦν ἢ τῶν ἰατρῶν ἀκούειν, ἢ τοῦ θεοῦ. ὁ δὲ ὄγκοσ ἔτι ἐπὶ μᾶλλον ᾔρετο καὶ ἦν ἀπορία πολλή. τῶν δὲ φίλων οἱ μὲν ἐθαύμαζον τὴν καρτερίαν, οἱ δὲ ἐνεκάλουν ὡσ λίαν ἅπαντα ἐπὶ τοῖσ ὀνείρασι ποιουμένῳ, τινὲσ δὲ καὶ ὡσ ἄτολμον ἐπῃτιῶντο, ἐπειδὴ οὐ παρεῖχον τέμνειν οὐδ’ αὖ φαρμάκων ἠνειχόμην. ὁ δ’ αὖ θεὸσ διὰ τέλουσ ἀντεῖχε, κελεύων φέρειν τὸ παρόν· πάντωσ γὰρ αὐτὸ ὑπὲρ σωτηρίασ εἶναι, εἶναι γὰρ τοῦ ῥύματοσ τούτου τὰσ πηγὰσ ἄνω, τοὺσ δὲ κηπουροὺσ τούτουσ οὐκ εἰδέναι τοὺσ ὀχετοὺσ ᾗ χρὴ τρέπειν. συνέβαινε δὴ θαυμαστά. ἐγένοντο γὰρ μῆνεσ τέτταρεσ μάλιστα τῆσ διατριβῆσ ταύτησ. ἐν δὲ τούτοισ κεφαλὴ μὲν οὕτω κούφη καὶ τὰ ἄνω τῆσ κοιλίασ, ὡσ ἂν μάλιστά τισ εὔξαιτο· ἔτι δὲ οἱο͂ν πανήγυρισ ἦν κατὰ τὴν οἰκίαν. οἱ γὰρ φίλοι τὰ πρῶτα τῶν τότε Ἑλλήνων ὄντεσ ἀπήντων ἀεὶ καὶ συνῆσάν μοι κατὰ τοὺσ λόγουσ αὐτόθεν ἐκ κλίνησ τοὺσ ἀγῶνασ ποιουμένῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Ιἑροὶ λόγοι α# 15:

(아리스티데스, 아일리오스, 연설, Ιἑροὶ λόγοι α# 15:)

상위

목록

SEARCH

MENU NAVIGATION