헬라어 문장 검색 - ΑριστίΟρατιον́23́0́014́

(아리스티데스, 아일리오스, 연설, Ιἑροὶ λόγοι α# 14:)

τὸν δὲ ἐνδείξασθαι ὅτι εἰδείη, καὶ εἰπεῖν ὅτι ἐγώ τοι ἀνέμενον μετὰ πάντα ταῦτα ἃ οὗτοι ποιοῦσι, φλεβοτομίᾳ χρῆσθαι· τὸ γὰρ ἄλγημα τοῦ νεφροῦ ἐστι καὶ ἡ ἀσιτία δὲ, ἔφη, νόθοσ τισ ἔξοδόσ ἐστι τοῦ πυρὸσ διὰ τοῦ στήθουσ διεξιοῦσα. καὶ ἅμα ταῦτα αὐτοῦ λέγοντοσ ἐκ τοῦ πρόσθε δύο σπινθῆρεσ ὤφθησαν. κἀγὼ ἔβλεψα πρὸσ τὸν Θεόδοτον θαυμάσασ, καὶ σύμβολον ἐποιησάμην τοῦ λόγου, καὶ ἠρόμην αὐτὸν ὅ τι εἰή ταῦτα. ὁ δὲ ἔφη ἀπὸ τοῦ πυρὸσ τούτου, δείξασ τί μοι παρακείμενον. ἀφυπνιζόμην τε δὴ καὶ εὑρ͂ον ἐκείνην τὴν ὡρ́αν οὖσαν, ᾗπερ ἔδοξα τὸν Θεόδοτόν μοι διαλέγεσθαι, καὶ φίλοι παρῆσαν ἐντευξόμενοι. ταῦτα δὴ ἐφάνθη τὰ ὀνείρατα, ἰατροῦ τε ἥκοντοσ καὶ παρεσκευασμένου βοηθεῖν ὅσα ἐπενόει. ὡσ δὲ ἤκουσε τῶν ὀνειράτων, αὐτόσ τε ὑπεχώρει νοῦν ἔχων τῷ θεῷ καὶ ἡμεῖσ ἐγνωρίζομεν τὸν ἀληθινὸν καὶ προσήκοντα ἡμῖν ἰατρὸν, καὶ ἐποιοῦμεν ἃ ἐπέταξε. νὺξ εὔφοροσ ἤδη παντελῶσ καὶ πάντα ἀνώδυνα. ὕστερον δὲ στέαρ τε χήνειον ἔδωκεν, ἐπὶ τῷ νεωκόρου Ἀσκληπιακοῦ σχήματι, καὶ ἐπερέσθαι τὸν θεὸν, ᾧ τὴν ἀγορὰν ἐν τῷ Μυσίῳ πεδίῳ ποιοῦσιν· εἴσεσθαι γὰρ παρ’ ἐκείνου περὶ ὧν ἂν δέωμαι. καὶ ὁ θεὸσ ἀνεῖλε μηδὲν ἔσεσθαι δυσχερέσ. τὸ μὲν οὖν τῶν ἀλουσιῶν τί τισ ἂν λέγοι; ἤδη γὰρ καὶ πέντε ἐτῶν συνεχῶσ ἐγένοντό μοι καὶ προσέτι μηνῶν, ὅσα γε μὴ χειμῶνοσ ὡρ́ᾳ θαλάττῃ ἢ ποταμοῖσ ἢ φρέασιν ἐκέλευσε χρήσασθαι. ὡσ δ’ αὕτωσ καὶ τὸ τῆσ καθάρσεωσ τῆσ ἄνω σχεδὸν εἰσ δύο ἔτη συνέβη καὶ δύο μῆνασ ἑξῆσ, ὁμοῦ καὶ κλύσμασι καὶ φλεβοτομίαισ, ὅσασ οὐδείσ πω ἠρίθμησε, καὶ ταῦτα ἐν ἀκαρεῖ τροφῆσ καὶ ταύτησ ἀναγκαστῆσ. ἀλλὰ τάσ γε ἀσιτίασ αὐτὰσ ἁπάσασ καὶ τὰσ ἔτι τούτων πρότερον καὶ μετὰ τοῦτο γενομένασ ἡμῖν ἐν τῷ χειμῶνι τούτῳ σχεδὸν διημερεύσαμεν περὶ λόγουσ, γράφοντέσ τε καὶ λέγοντεσ καὶ τὰ γεγραμμένα ἐξετάζοντεσ· καὶ παρετείναμεν οὐκ ἔλαττον ἢ εἰσ μέσασ νύκτασ τὰ πλείω· ἔπειτα ἐφ’ ἑκάστῃ τῇ ἐπιούσῃ πράξαντεσ ἂν πάλιν τὰ εἰωθότα οὕτω τροφὴν ᾑρούμεθα ὅσην δὴ, καὶ ὅτε γε ἐπὶ τῷ ἐμέτῳ ἀσιτία ἐγκατέλαβε, τοῦτο ἦν τὸ παραμυθησάμενον, ἡ περὶ ταῦτα ἀσχολία τε καὶ διατριβή·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Ιἑροὶ λόγοι α# 14:

(아리스티데스, 아일리오스, 연설, Ιἑροὶ λόγοι α# 14:)

상위

목록

SEARCH

MENU NAVIGATION