헬라어 문장 검색 - ΑριστίΟρατιον́23́0́011́

(아리스티데스, 아일리오스, 연설, Ιἑροὶ λόγοι α# 11:)

καί τινα ἐπελθεῖν τῶν ἐκ τοῦ ἱεροῦ τοῦ Διὸσ τοῦ Ὀλυμπίου, διεξιέναι δὲ πρὸσ αὐτὸν, ὡσ ὀνειράτων μοι γεγονότων παρὰ τοῦ θεοῦ, καὶ κελεύειν ὑπηρετῆσαι. ὁ δὲ καὶ αὐτὸσ ἔφη γεγενῆσθαι ὄναρ αὑτῷ, λαβόντα σκέλοσ χοίρειον ἐγκοιμίσαι ἐν Ἀσκληπιοῦ, σκευάσαντα ὥσπερ ἐγὼ εἰώθα χρῆσθαι. μετὰ δὲ τοῦτο ὡσ ἐν Περγάμῳ ἐδόκουν στέφανον πέμπειν τῷ θεῷ τῶν μακρῶν, οἵ εἰσιν οὓσ ἰδίᾳ τῷ Ἀσκληπιῷ κομίζουσι, προστάξασ τῷ ἀποκομίζοντι ‐ εἶναι δ’ αὐτὸν Ἀγαθίωνα ‐ ἐπαναφέρειν μοι παρὰ τοῦ νεωκόρου ἕτερον. ὡσ δ’ ἐπανήνεγκε, παραθέσθαι αὐτὸν ὡσ ἔτυχον κατακείμενοσ ἐκ δεξιᾶσ. ἐπὶ δὲ τούτοισ ἔδοξα εἶναι μὲν ὅπου δὴ, ἀναστὰσ δὲ ζητεῖν τὴν τροφόν· τὴν δὲ κατ’ ἀντίθυρον οἰκεῖν μου· καί τινα ἀποκρίνασθαι ὡσ ἐναντιωμάτων τινῶν αὐτῇ γεγονότων, πρίν γε δὴ καὶ κατιδεῖν αὐτήν τε προσάγουσαν τὴν τροφὸν καὶ τὴν σύντροφον τὴν Καλλιτύχην ἑπομένην. φέρειν δὲ τὴν τροφὸν τὸ μὲν πρῶτον εἴκασα ὡσ μῆλα, ἔπειτα ἦν ὠὰ ἑφθὰ τρία περιγεγλυμμένα, ὥσπερ μέλλοντοσ ἤδη ἐσθίειν. κομίζουσα δὲ ἔφη οἱᾶ δὴ τὰ ἀπὸ ἀγροικίασ. κἀγὼ ἐθαύμασά τε καὶ εἶπον ὅτι κατὰ θεὸν ἥκοι τὰ ὠά· ἐκέλευσε γὰρ, ἔφην, ὁ θεὸσ τήμερον ὠῷ χρήσασθαι καὶ φυλλίοισ καὶ παραθέσθαι στέφανον παρὰ τοῦ θεοῦ. ἐποίησα ταῦτα. ὁ δὲ στέφανοσ ἦν ἐκ τοῦ ἱεροῦ τοῦ Διὸσ Ἀσκληπιοῦ. ἀλουσία δὲ καὶ διὰ πολλῶν ἐδηλοῦτο. ἐνάτῃ ἐπὶ δέκα ἐδόκουν ἐν τοῖσ βασιλείοισ διατρίβειν, τὴν δ’ ἐπιμέλειαν καὶ τιμὴν τῶν αὐτοκρατόρων εἰσ ἐμὲ θαυμαστὴν καὶ ἀνυπέρβλητον εἶναι διὰ πάντων ἑξῆσ ὧν ἔπραττον. μόνῳ γὰρ ἅπαντα γίγνεσθαι ὧν οὐδὲ μικρὸν ἄλλῳ τῳ. καὶ τοῦτο μὲν δὴ ἔνδον συνδιατρίβειν τε καὶ συνοικεῖν, οὐδενὸσ ἄλλου τῶν σοβαρῶν παρόντοσ· αὖθισ δ’ αὖ περιῆγόν με ἅμα ἑαυτοῖσ· ἀπιέναι δ’ αὐτοὺσ ὄρυγμά τι σκεψομένουσ ὃ ἐτύγχανον περιβαλόμενοι τῇ πόλει, τοῦ μὴ τὸ ὕδωρ ἐμπῖπτον κακουργεῖν· οὗ δὴ καὶ τὸν χοῦν ὁρᾶν ἐκβαλλόμενον. θαυμαστὰ δὴ καὶ παρὰ τὴν πορείαν ἐνεδείκνυτό μοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Ιἑροὶ λόγοι α# 11:

(아리스티데스, 아일리오스, 연설, Ιἑροὶ λόγοι α# 11:)

상위

목록

SEARCH

MENU NAVIGATION