헬라어 문장 검색 - ΑριστίΟρατιον́23́0́008́

(아리스티데스, 아일리오스, 연설, Ιἑροὶ λόγοι α# 8:)

ἠσίτησα δή. ἡ δὲ ἐπιοῦσα ἀλουσίασ πάλιν ἦν. τρίτῃ φθίνοντοσ ἐδόκουν ἐφθαρμένησ μοι τῆσ τροφῆσ συμβουλεύεσθαι περὶ λουτροῦ Ζωσίμῳ τῷ τροφεῖ καὶ ἐρωτᾶν εἰ δέοι πλείω λούσασθαι. τὸν δὲ οὐ συμφῆσαι. μετὰ δὲ τοῦτο λελοῦσθαί γε καὶ τῆσ γαστρὸσ φαύλωσ ἔχειν, καὶ φάναι πρὸσ τὸν Ζώσιμον, ἔδει γὰρ ἠσιτηκέναι; καὶ τὸν εἰπεῖν, ἔδει· ἠσίτησα αὖθισ. καὶ τῆσ ἐπιούσησ ἤμουν πάλιν εἰσ ἑσπέραν. ἦν δὲ τὸ ὄναρ ὡσ ὀστοῦ γε ἐγκειμένου καὶ δέον ἐκβαλεῖν, ἔννοια δὲ καὶ αἵματοσ ἀφαιρέσεωσ ἀπὸ τῶν σφυρῶν· καὶ ἐποίησα οὕτω καὶ προῆλθον οὐ πολύ. Ληναιῶνοσ νουμηνίᾳ ἐδόκουν ἐν τῷ Ἀδριανείῳ κεχρῖσθαι μὲν, λελοῦσθαι δ’ οὔ· ὡσ δ’ ἐπανελθεῖν, φάναι πρόσ τινα τῶν φίλων ὅτι οὐ λουσαίμην, ἀλλὰ χρισαίμην· τὸν δὲ, καὶ γὰρ ἐγὼ, φάναι, κέχρισμαι μόνον. ἀλουσία ἡμερῶν ἕξ. δευτέρᾳ ἐδόκουν ἐν τῷ ἱερῷ εἶναι τοῦ Ἀσκληπιοῦ ὄρθριον εὐθὺσ ἐξ ὁδοῦ ποθὲν ἥκων, καὶ χαίρειν ὡσ ταχέωσ ἀνεῴγνυτο. ἐδόκουν δὲ καὶ τοὺσ παῖδασ ᾄδειν τὸ ἀρχαῖον ᾆσμα, οὗ ἡ ἀρχή ἐστι Δία τὸν πάντων ὕπατον κλῄζω· καὶ εἶναι ἐν ἐκείνῳ τῷ μέρει τοῦ ᾄσματοσ πολὺ γὰρ πολύ μοι τὸ μέσον βιότου μέλπειν τε θεοὺσ ἔν τ’ εὐφροσύναισ ἦτορ ἰαίνειν τοιῷδ’ ὑπὸ παιδονόμῳ. ὥστ’ ἐθαύμαζον ὡσ αὐτόματον τὸ ᾆσμα εἰσ μέσον ἧκε. πάλιν δὲ ὡσ γενεθλίων προσιόντων προπέμπειν εἰσ τὸ ἱερὸν τοὺσ οἰκέτασ ἀποκομίζοντασ δή τινα καὶ ἅμα γράμματα ἐγγράφειν ἐπ’ αὐτῶν ὧν ἀπεκόμιζον· καὶ φιλοτεχνεῖν ὑπὲρ συμβούλου ἀγαθοῦ ὅπωσ χορηγήσειεν ὅσων ἔδει τῷ λόγῳ. τρίτῃ λύχνων εἰσφορά τισ ἐφαίνετο εἰσ τὸ ἱερὸν ὑπὸ τοῦ θυρωροῦ κατ’ εὐχὴν ὑπὲρ ἐμοῦ καὶ ἐμεῖν ἔδει, ἤμεσα. πέμπτῃ θεοῖσ ἐδόκουν εὔχεσθαι, τὰ μὲν οἷσ εἰώθα κοινῇ, πάλιν δὲ ἰδίᾳ Διὶ καὶ Ἄρει καὶ θεοῖσ οἳ Συρίαν ἔχουσι· καὶ παραπλήσια τἀκεῖ τοῖσ οἴκοι κατὰ τὴν οἴκησιν ἐφαίνετο. καὶ μετὰ τοῦτο ἐγίγνετο ἡ πρόσοδοσ ἡ πρὸσ τὸν αὐτοκράτορα, ἐπεπόμφειν δὲ ὡσ τὸν ἐν τῇ Συρίᾳ τότε αὐτοκράτορα, καὶ συνέβη καλῶσ. ἑβδόμῃ ἔν τινι ἀποδυτηρίῳ βαλανείου Χαρίδημον ἰδεῖν τὸν ῥήτορα τὸν ἐκ Φοινίκησ φαιδρόν τε καὶ ἄρτι λελουμένον, καὶ φάναι δὴ πρὸσ αὐτὸν ἅμα τῇ προσρήσει οὑτωσὶ, ὅτι πρῳαίτερον λούσαιτο·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Ιἑροὶ λόγοι α# 8:

(아리스티데스, 아일리오스, 연설, Ιἑροὶ λόγοι α# 8:)

상위

목록

SEARCH

MENU NAVIGATION