헬라어 문장 검색 - ΑριστίΟρατιον́23́0́005́

(아리스티데스, 아일리오스, 연설, Ιἑροὶ λόγοι α# 5:)

ἐπετάχθη καὶ ἔμετοσ διὰ πολλῶν· καὶ ἦν αὕτη πέμπτη ἀλουσιῶν ἑξῆσ. ἄξιον δὲ καὶ τὸ πάρεργον τῶν ὀνειράτων εἰπεῖν. ἐδόκουν γὰρ ὡσ ἐπὶ τῇ εἰωθυίᾳ μελέτῃ τῶν λόγων Δημοσθένη τινὰ μεταχειρίζεσθαι καὶ λέγειν δὴ πρὸσ τοὺσ Ἀθηναίουσ ὡσ ἐκεῖνοσ ὤν· ὑμεῖσ μὲν οὖν διὰ τοῦ κήρυκοσ ἐρωτᾶτε τίσ ἀγορεύειν βούλεται, ἐγὼ δὲ ὑμᾶσ ἡδέωσ ἂν ἐροίμην τίσ ὑμῶν βούλεται πράττειν. ἡ κωμῳδία γε τὸ λοιπόν ἐστιν, ἔλεγον δὲ ἀναφέρων εἰσ τοὺσ Τελμισσέασ τοῦ Ἀριστοφάνουσ ὡσ ἐκεῖ λόγῳ τισ ἠγωνίζετο, ἔργῳ δὲ οὔ. ἐνάτῃ δὲ ἐδόκουν ὡσ ἐν Σμύρνῃ περὶ ἑσπέραν προσιέναι τῷ ἱερῷ τοῦ Ἀσκληπιοῦ τοῦ ἐν τῷ γυμνασίῳ, προσιέναι δὲ μετὰ Ζήνωνοσ, καὶ εἶναι τὸν νεὼν μείζω τε καὶ ἐπειληφότα τῆσ στοᾶσ ὅσον ἐστὶ τὸ ἐστρωμένον. ἅμα δὲ καὶ ὡσ περὶ προνάου τούτου διενοούμην. προσευχομένου δέ μου καὶ ἀνακαλοῦντοσ τὸν θεὸν ὁ Ζήνων οὐδὲν ἔφη προσηνέστερον, λέγων δὴ καὶ αὐτὸσ τὸν θεὸν, καταφυγήν τε καὶ τοιαῦτα ὠνόμαζε. περιεσκόπουν δὲ, ὡσ ἐν τῷ προνάῳ δὴ τούτῳ, ἀνδριάντα ἐμαυτοῦ· καὶ τότε μέν γε ὡσ ἐμαυτοῦ ὄντα ἑώρων, πάλιν δὲ ἐδόκει μοι εἶναι αὐτοῦ τοῦ Ἀσκληπιοῦ μέγασ τισ καὶ καλόσ. ταῦτα καὶ ὡσ ὄναρ μοι φανθέντα αὖθισ διηγεῖσθαι πρὸσ αὐτὸν τὸν Ζήνωνα· καὶ ἐδόκει σφόδρα ἔντιμον τὸ τοῦ ἀνδριάντοσ εἶναι. αὖθισ δὲ αὖ τὸν ἀνδριάντα ἑώρων, ὡσ ἐν τῇ στοᾷ τῇ προμήκει τοῦ γυμνασίου. περὶ δὲ βαλανείου τοιάδε ἔδοξα. πρῶτον μὲν ὡσ μεταξὺ ἀνατριβόμενοσ εἰσελθεῖν εἴσ τι βαλανεῖον τῶν ἰδιωτικῶν· ἔπειτα φάναι ὡσ ἔλαθον ἐμαυτὸν εἰσελθὼν, ἀλούτων ἡμερῶν ἤδη. ἔπειτα ἐδόκει μοι παραθαρρύνειν Φοῖβοσ παρὼν, ὥστε καὶ εἰσ τὸ ὕδωρ εἰσέβαινον ἀνυπόπτωσ ἤδη. αὖθισ δὲ ἐδόκουν πρὸσ αὐτῷ τῷ Ἀσκληπιῷ νεανίσκον τινὰ τῶν γυμναστικῶν ἔτι ἀγένειον περὶ βαλανείων διαλέγεσθαι, τὰ μεγάλα δὴ ἐπαινοῦντα καὶ τοιαύτασ τινὰσ τὰσ ἀπολαύσεισ τοῦ βίου τιθέμενον. δείξασ οὖν αὐτῷ τὴν θάλατταν ἠρόμην εἰ καὶ ἐνταῦθα ἄμεινον λοῦσθαι, ἢ ἐν μικρῷ. ἐν μικρῷ, ἔφη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Ιἑροὶ λόγοι α# 5:

(아리스티데스, 아일리오스, 연설, Ιἑροὶ λόγοι α# 5:)

상위

목록

SEARCH

MENU NAVIGATION