헬라어 문장 검색 - ΑριστίΟρατιον́23́0́004́

(아리스티데스, 아일리오스, 연설, Ιἑροὶ λόγοι α# 4:)

καὶ ἅμα ταῦτα λέγοντεσ εἰσῄειμεν εἴσω. ὡσ δὲ ἐγενόμεθα οὗ ἡ ἀγαθὴ τύχη καὶ ὁ ἀγαθὸσ δαίμων ἐπιστάντεσ, ἔτι διελεγόμεθα. καί τινα τῶν ὑπηρετῶν ἰδὼν τῶν περὶ τὸ ἱερὸν ἠρόμην ὅπου ὁ ἱερεὺσ εἰή. ὁ δ’ ἔφη, ἐξόπισθε τοῦ νεώ· καὶ γὰρ εἶναι περὶ λύχνουσ ἤδη τοὺσ ἱεροὺσ, τάσ τε δὴ κλεῖσ ἀνακομίζειν τὸν νεωκόρον· καὶ τυχεῖν ἐν τούτῳ κλεισθὲν τὸ ἱερὸν, οὕτω μέντοι ὥστε καὶ συγκεκλεισμένου εἴσοδόν τέ τινα λείπεσθαι καὶ τὰ ἔνδον ὁρᾶσθαι. προσῆλθόν τε δὴ ταῖσ θύραισ καὶ ὁρῶ ἄγαλμα ἕτερον ἀντὶ τοῦ παλαιοῦ κατηφέσ. θαυμάζοντι δέ μοι καὶ ζητοῦντι τὸ ἀρχαῖον οὗ εἰή, προσφέρει τισ, καὶ οὐδ’ αὐτὸ πάνυ ἔδοξα γνωρίσαι, προσεκύνησα δ’ οὖν σπουδῇ. μετὰ δὲ ταῦτα περιελθόντεσ ἐντυγχάνομεν τῷ ἱερεῖ καὶ ἠρχόμην ἐγὼ πρὸσ αὐτὸν λόγου τοιοῦδε· ἐμοὶ καὶ ἐν Σμύρνῃ ὀνείρατα ἐγίγνετο διαλεχθῆναί σοι περὶ τοῦ ἱεροῦ, καὶ νομίσασ τὸ πρᾶγμα μεῖζον εἶναι ἢ κατ’ ἐμὲ ἐσιώπησα· καὶ νῦν ἔναγχόσ μοι περὶ αὐτῶν τούτων γεγένηται. καὶ ἅμα ἐν νῷ εἶχον λέγειν περὶ τοῦ τὸ ἕδοσ εἰσ τὴν ἀρχαίαν χώραν καταστῆσαι. περιπατοῦντοσ δέ μου ἀποπίπτει τὸ διάβαθρον τοῦ ἑτέρου ποδὸσ, καὶ ὁ ἱερεὺσ ἀνελόμενοσ προσφέρει. κἀγὼ τῆσ μὲν τιμῆσ ἕνεκα ἥσθην, βουλόμενοσ δὲ αὐτὸν οἱο͂ν ἀμείβεσθαι καὶ δεξιοῦσθαι κύψασ λαμβάνω. κἀν τούτῳ ταῦρόσ τισ ἐπῄει μοι κατ’ αὐτὰσ τὰσ ἀκοὰσ τοῦ θεοῦ. κἀγὼ ἐδεδοίκειν τε καί πωσ ἐπειρώμην φυλάττεσθαι. ὁ δ’ ἄλλο μὲν οὐδὲν ἔδρασεν, ὑπὸ δὲ τὸ γόνυ τὸ δεξιὸν ἐνέθλασεν. ὁ δὲ Θεόδοτοσ σμίλην τινὰ λαβὼν ἀνεκάθαρεν· ὥστε ἔμελλον πρὸσ αὐτὸν ἐρεῖν ὅτι σὺ αὐτὸ ἐποίησασ ἕλκοσ. ταῦτ’ ἦν τὰ φανθέντα καὶ ἐνταῦθα ἔληξεν ὁ φόβοσ καὶ ἐγένετο ὑπὸ τὸ γόνυ τὸ δεξιὸν ἑλκύδιον ἄνθρακι ἐοικὸσ, καὶ ἐδόκει ἀγαθὸν εἶναι πρὸσ τὰ ἄνω. δεκάτῃ δ’ ὑστέρᾳ ἐδόκουν ἐσθῆτα ἔχειν ἱερέωσ καὶ αὐτὸν παρόντα ὁρᾶν τὸν ἱερέα· ἐδόκουν δὲ καὶ τῶν ἐπιτηδείων τινὰ ὑποχωλεύοντα ἰδὼν ἐκ τῶν περὶ τὴν ἕδραν φάναι πρὸσ αὐτὸν ὅτι ταῦτα ἡσυχία θεραπεύοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Ιἑροὶ λόγοι α# 4:

(아리스티데스, 아일리오스, 연설, Ιἑροὶ λόγοι α# 4:)

상위

목록

SEARCH

MENU NAVIGATION