헬라어 문장 검색 - ΑριστίΟρατιον́23́0́002́

(아리스티데스, 아일리오스, 연설, Ιἑροὶ λόγοι α# 2:)

πρᾶξιν δέ τινα αὐτοῦ μίαν ἀπολαβοῦσα, οἶμαι, διηγεῖται πρὸσ τὸν Τηλέμαχον καὶ Μενέλεων· κἀγὼ πάντα μὲν οὐκ ἂν εἴποιμι τὰ τοῦ σωτῆροσ ἀγωνίσματα, ὅσων ἀπέλαυσα εἰσ τήνδε τὴν ἡμέραν. καὶ οὐκέτ’ ἐνταῦθα τὸ τοῦ Ὁμήρου προσθήσω, οὐδ’ εἴ μοι δέκα μὲν γλῶσσαι, δέκα δὲ στόματ’ εἰε͂ν· μικρὸν γὰρ τοῦτό γε. ἀλλ’ οὐδ’ ἂν εἰ πᾶσαν ὑπερβαλοίμην τὴν ἐν ἀνθρώποισ δύναμίν τε καὶ φωνὴν καὶ γνώμην, οὐκ ἄν ποτε οὐδ’ ἐγγὺσ αὐτῶν ἀφικοίμην. ἀλλὰ καὶ ὅσοι πώποτε τῶν φίλων ἐδεήθησαν ἢ προὔτρεψαν εἰπεῖν καὶ συγγράψαι περὶ αὐτῶν, οὐδενὶ πώποτε ἐπείσθην, φεύγων τὸ ἀδύνατον. ἐδόκει γάρ μοι παραπλήσιον εἶναι ὥσπερ ἂν εἰ διὰ παντὸσ τοῦ πελάγουσ ὕφαλοσ διεξελθὼν εἶτ’ ἠναγκαζόμην ἀποδιδόναι λόγον πόσοισ τισὶ τοῖσ πᾶσι ῥοθίοισ ἐνέτυχον καὶ ποίασ τινὸσ τῆσ θαλάττησ παρ’ ἕκαστον αὐτῶν ἐπειρώμην καὶ τί τὸ σῶζον ἦν. ἑκάστη γὰρ τῶν ἡμετέρων ἡμερῶν, ὡσαύτωσ δὲ νυκτῶν, ἔχει συγγραφὴν, εἴ τισ παρὼν, ἢ τὰ συμπίπτοντα ἀπογράφειν ἐβούλετο, ἢ τὴν τοῦ θεοῦ πρόνοιαν διηγεῖσθαι, ὧν τὰ μὲν ἐκ τοῦ φανεροῦ παρὼν, τὰ δὲ τῇ πομπῇ τῶν ἐνυπνίων ἐνεδείκνυτο, ὅσα γε δὴ καὶ ὕπνου λαχεῖν ἐξῆν· σπάνιον δ’ ἦν ὑπὸ τῶν περὶ τὸ σῶμα τρικυμιῶν. ταῦτ’ οὖν ἐνθυμούμενοσ ἐγνώκειν παρέχειν ὡσ ἀληθῶσ ὥσπερ ἰατρῷ τῷ θεῷ σιγῇ ποιεῖν ὅ τι βούλεται. νῦν δὲ ὡσ ἔσχε τὸ τοῦ ἤτρου δηλῶσαι πρὸσ ὑμᾶσ βούλομαι. λογιοῦμαι δὲ ἕκαστα πρὸσ ἡμέραν. ἦν μὲν γὰρ Ποσειδεὼν μὴν, ἴστε οἱού χειμῶνοσ· ἔκαμνε δὲ ὁ στόμαχοσ τὰσ νύκτασ καὶ ἀγρυπνίαι ἦσαν ὑπερφυεῖσ, ὥστε οὐδὲ τὰ βραχύτατα πέττειν ἦν. αἰτία δ’ οὐχ ἥκιστα ἡ συνέχεια τῶν χειμώνων, ἣν οὐδὲ κέραμοσ οὐδεὶσ ἐνέγκαι ἐλέγετο· ἐπεὶ καὶ ὁ ἱδρὼσ ἔστη πάντα τοῦτον τὸν χρόνον, πλὴν ὅσα λουμένῳ. δωδεκάτῃ δὲ τοῦ μηνὸσ ἀλουσίαν προστάττει ὁ θεὸσ καὶ τῇ ὑστεραίᾳ τὸ αὐτὸ τοῦτο καὶ τῇ μετ’ ἐκείνην. ταύτασ τρεῖσ ἡμέρασ ἑξῆσ διήγαγον παντελῶσ ἀνιδρωτὶ νύκτα καὶ ἡμέραν, ὥστε μηδὲ χιτωνίσκου δεῆσαι μεταλαβεῖν, καὶ οὔπω πρόσθεν ἐμαυτοῦ ῥᾴονοσ ᾐσθόμην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Ιἑροὶ λόγοι α# 2:

(아리스티데스, 아일리오스, 연설, Ιἑροὶ λόγοι α# 2:)

상위

목록

SEARCH

MENU NAVIGATION