헬라어 문장 검색 - ΑριστίΟρατιον́22́

(아리스티데스, 아일리오스, 연설, Προσφωνητικόσ Σμυρναϊκός)

ἐβουλόμην ἂν, ὦ θαυμάσιε, μάλιστα μὲν τὴν πόλιν οἱάν κατέλιπεσ τοιαύτην φανῆναι· εἰ δὲ μὴ, παρὼν αὐτὸσ ποιεῖσθαι τοὺσ λόγουσ, ἵν’ ἀμφοτέρωσ ἐκέρδαινον, σοί τε συνὼν καὶ τῆσ νῦν ἀνιούσησ ἡμῖν πόλεωσ ἀπολαύων τὰ γιγνόμενα. ἐπεὶ δ’ οὕτω συμβέβηκεν, οὐ τοῦ γε παντὸσ εἴργεσθαι καλῶσ ἔχειν ὑπέλαβον, ἀλλ’ ἴχνοσ γέ τι φωνῆσ ἡμετέρασ σοί τε γενέσθαι γνωρίσαι καὶ τοῖσ παροῦσι τῶν Ἑλλήνων ὅσοι τε πολῖται καὶ ὅσοι ξένοι.

ἑώρασ ἀγοράν τε θεῶν ἑστίαν καὶ λιμένασ, τῇ μὲν κυκλουμένουσ τὴν πόλιν, τῇ δὲ ὑπὸ τῆσ πόλεωσ μέσουσ ἐχομένουσ· ὅλωσ μὲν γὰρ ἔμοιγε σχεδὸν εἰσ ἔθοσ καθέστηκεν ἀπόντι πανηγυρίζειν, ἐπειδή γε ὁ θεὸσ ταύτην ἄγει. ὁ δὲ νυνὶ λόγοσ καὶ πάνυ μοι κατὰ καιρόν ἐστιν. ἐπεὶ γὰρ καὶ τῆσ ἀνελπίστου φήμησ ἀφικομένησ πρῶτοσ ὑπὲρ τῆσ πόλεωσ ἐμνήσθην πρὸσ τοὺσ πάντα ἀρίστουσ βασιλέασ διατρίψασ οὐ πλέον μιᾶσ νυκτὸσ, εἰκόσ τοι καὶ περὶ τῶν εἰσ εὐφημίαν ἡκόντων οὕτωσ ἔχειν ὡσ ἐμαυτῷ προσηκόντων. τὰ μὲν οὖν παλαιὰ μέμνησαι κατὰ τὴν πρώτην ἀκούσασ ἀρχὴν, ἣν τῷ πατρὶ συνῆρχεσ, Διόσ τινα γένεσιν καὶ χορείασ Κουρήτων καὶ Ταντάλου καὶ Πέλοποσ οἰκισμὸν τῆσ πρώτησ πόλεωσ ἐν τῷ Σιπύλῳ γενομένησ καὶ διαβάσεισ Πέλοποσ ἐνθένδε εἰσ τὴν πρότερον μὲν Ἀπίαν, Πελοπόννησον δὲ ἀπ’ ἐκείνου κληθεῖσαν· ἀφ’ οὗ τρίτοσ ἔγγονοσ βασιλεὺσ κοινὸσ τῆσ Ἑλλάδοσ γενόμενοσ κατέλυσε τὴν τῶν βαρβάρων ἀρχήν. δευτέρων δὲ εὐφημιῶν Θησεύσ τε ἀρχηγέτησ καὶ Σμύρνα ὄνομα τῇ πόλει ταύτῃ, καὶ γένοσ Ἀττικὸν, καὶ Ιὤνων ὕστερον ὡσ εἰσ οἰκείαν εἴσοδοσ, καὶ τρίτη δὴ θέσισ καὶ κατοίκισισ τὸν Ἀλέξανδρον, οὗ δύο ταῦτα κάλλιστα καὶ μέγιστα μνημεῖα, ἥδε τε ἡ πόλισ καὶ ἡ τοῦ Νείλου πρόσοικοσ. τοιαῦτα ἤκουσασ καὶ τριήρησ τισ ἦν δεικνυμένη μὲν Διονυσίοισ, ὑμνουμένη δ’ ἐν τοῖσ Κατάπλοισ, σύμβολον νίκησ παλαιᾶσ, ἣν ἐνίκων Σμυρναῖοι βακχεύοντεσ Χίουσ ὅπλοισ καὶ ναυσὶ πεφραγμένουσ. ἅ γε μὴν ὀφθαλμὸσ ἐξηγεῖτο καὶ οὐ μῦθοσ ἔτι οὐδὲ λόγοι λογοποιῶν τε καὶ ποιητῶν, ἀλλὰ καὶ αὐτὸσ Ὅμηροσ παρὼν ἀσφαλέστερον ἂν ἡγήσαιτο σιωπᾶν ἢ λέγειν περὶ αὐτῶν. καὶ ναῶν κάλλη καὶ περιβόλουσ, ἐξ ἴσου τῇ τε φύσει καὶ τέχνῃ κεκοσμημένα, καὶ πάντα δὴ τὸν κόσμον τῶν ὁρ́μων ὡσ ἐξήρτηντο ἀλλήλων·

καὶ τὸ δὴ μέγιστον σύμβολον τῆσ πόλεωσ, τὴν διὰ πάντων ὁμολογίαν καὶ μουσικὴν ἕν τι τὸ πᾶν σῶμα ἀποφαίνουσαν, ὥσπερ ἂν εἰ κατὰ τὸν μῦθον τὸν περὶ τοῦ Θηβαίων τείχουσ λεγόμενον πρὸσ λύραν καὶ κιθάραν ἡρ́μοστο ἐξ ἀρχῆσ. εἰε͂ν. τὰ μὲν δὴ παλαιά τε καὶ οὐ παλαιὰ, ἀλλὰ χθέσ τε καὶ πρώην ὡσ εἰπεῖν ἔτι φαινόμενα τοιαῦτα μὲν ἤκουσασ, τοιαῦτα δὲ ἐθεάσω. ἀκίνητον δὲ οὐδὲν, φασὶ, τῶν ἐν ἀνθρώποισ· ἀλλὰ καὶ γῆ θάλατταν δέχεται καὶ θάλαττα ἠπειροῦται· καὶ πόλεισ αἱ μὲν κατὰ γῆσ ἔδυσαν, αἱ δ’ ὑπὸ ῥευμάτων οὐρανίων τε καὶ παντοίων ἠφανίσθησαν. ἴδιον γὰρ τοῦ θνητοῦ γένουσ αἱ μεταβολαὶ, καὶ πολλὰ τὰ θαύματα τοῦ χρόνου. καὶ δὴ καὶ τῇ ἡμετέρᾳ πόλει τοσοῦτον νικώσῃ συνέβη τρόπον τινὰ ὀλισθεῖν· οὗ δὴ καθαρῶσ ἐξεφάνη ὅσοσ τισ ὁ παρ’ αὐτῆσ τῆσ Ἀσίασ κόσμοσ ἦν, λέγω δὲ οὐχὶ τὴν μέχρι Μαιάνδρου πηγῶν, οὐδ’ ὅσην ὁ τῶν ἡγεμόνων ὑμῶν κλῆροσ ὁρίζεται, ἀλλ’ ἣν ἐξ ἀρχῆσ Ἕλληνεσ προσεῖπον Ἀσίαν, προσηγόρευον δὲ καὶ ἤπειρον διαφερόντωσ αὐτὴν τῶν τριῶν. ἀλλ’ ὅ γ’ ἐβουλόμην εἰπεῖν, ἅμα γὰρ τῷ πτώματι συμβάντι πάντα ἐδόκει γεγυμνῶσθαι, καὶ πᾶσ τισ ὥσπερ ὀφθαλμὸν ἐζήτει σώματοσ. λέγω δὴ τὸ μὲν προσκροῦσαι κατὰ τὴν κοινὴν ἁπάντων ἀνθρώπων τύχην καὶ φύσιν τῇ πόλει συμβῆναι, τὰ δ’ ἐφεξῆσ τῆσ ἀγαθῆσ ἤδη καὶ τὴν πόλιν ἐξ ἀρχῆσ λαχούσησ εἶναι. ὅτε γὰρ ἦν καιρὸσ, πρὸσ χεῖρα ὤρεξε, τοιούτουσ ἔχων τοὺσ τῶν ὅλων προστάτασ, οἳ πάντων μὲν ἥκιστα ἔμελλον περιόψεσθαι κειμένην, πάντων δὲ μάλιστα προθυμήσεσθαι οὐκ ἀναστῆσαι μόνον, ἀλλὰ καὶ πρὸσ ὑπερβολὴν ἆραι, τὰ δὴ νῦν πάντα τελεῖται, φησὶν ὁ παῖσ τοῦ Μέλητοσ. καὶ μὴν τήν γε εὐγένειαν τοῦ δήμου, μὴ γὰρ πάνθ’ ἡμῖν ἔστω περὶ τῶν οἰκοδομημάτων, τίσ οὐκ ἂν ἠγάσθη καὶ ἐθαύμασεν; οὔτε γὰρ ἐξεπλάγη πρὸσ τὴν συμφορὰν, παραμυθίαν τε οὐκ ἐζήτησεν, οὐδ’ ἀνέμεινε καλλίω τῆσ παρὰ τῶν βασιλέων ἅμα ἔργῳ καὶ λόγῳ γιγνομένησ.

ὥστε ὁ τοῦ πένθουσ αὐτῷ καιρὸσ ἑορτή τισ ἐγεγόνει. καὶ μὴν τά γ’ ἐπὶ τούτοισ ἡμεῖσ μὲν ἀκοῇ γιγνώσκομεν, σὺ δ’ ὁρῶν κἂν ἑτέροισ αὐτὸσ ἐξηγοῖο. ἐοίκε γὰρ οὐ πόρρω πεπραγέναι τοῦ μυθολογήματοσ ἡ πόλισ τοῦ περὶ τὸν ἀρχηγέτην αὐτῇ λεχθέντοσ. οἶσθ’ ὅτι φασὶν οἱ ποιηταὶ τὸν Πέλοπα κατὰ μέλη τμηθέντα ἑψηθέντα ἐν λέβητι συντεθῆναι πάλιν ἐξ ἀρχῆσ ἐκ τοῦ λέβητοσ, ἐλλείποντοσ δὲ τοῦ ὤμου σχεῖν ἐλεφάντινον ἀντὶ τοῦ παλαιοῦ· καὶ φασὶ τὸ ἔργον Δήμητροσ γενέσθαι. ὣσ δὲ καὶ τῇ πόλει μετ’ ἐκεῖνον τὸν λέβητα, ὃσ αὐτῇ πάντα ἐπέφλεξεν, ἡ δευτέρα σύστασισ εἰσ θαυμαστήν τινα ἐλήλυθε κάλλουσ περιουσίαν, ὥσπερ τοῦ Ποσειδῶνοσ ἐξεπίτηδεσ τῇ τριαίνῃ κινήσαντοσ αὐτὴν, ἵν’ ἴδοι καλλίονα ἢ πρὸ τοῦ· οἱο͂́ν τι καὶ περὶ Θετταλίαν λέγεται φιλανθρωπεύσασθαι, τὴν διασφάγα ποιήσασ τῶν Τεμπῶν ἕνεκα τῷ Πηνειῷ. καὶ γάρ τοι πρότερον μὲν οὐδ’ εἰσ ἐπίνοιαν ὑπερβολῆσ ἐλθεῖν ἦν, ἀλλ’ ἐδόκει παράδειγμα κάλλουσ ἡ πόλισ εἶναι, νυνὶ δ’ ἐξηλέγχθημεν ἄρα οὐκ ὀρθῶσ δοξάζοντεσ. τότε μὲν γὰρ τὰσ ἄλλασ πόλεισ, νῦν δ’ αὐτὴ σχεδὸν ὡσ εἰπεῖν ἑαυτὴν νενίκηκε· καί μοι δοκεῖ προσόμοιον τῇ μητροπόλει παθεῖν. μνησθήσομαι δ’ εἰκόνοσ οὐ μυθώδουσ, ἀλλ’ ἀναγκαίασ πιστεῦσαι. ἐκείνη τε γὰρ ἐμπρησθεῖσα ὑπὸ τοῦ Πέρσου καὶ πάντα τρόπον διαφθαρεῖσα ἐπέδωκεν ἁπανταχῆ, τῇ τε πόλει κέρδοσ τὸ σύμπτωμα, ὑπὸ τοιαύτησ χειρὸσ ἐγείρεται πάντη σεμνοτέρα καὶ ὑψηλοτέρα καὶ στεγανωτέρα, καλοῦμεν δὲ Ἀδράστειαν, καλῶν δὲ ὄντων ἁπάντων τῶν ὁρωμένων τούτων κόσμων ἕτερον μείζω προσείληφεν. οἰκισταὶ γὰρ αὐτῆσ οἱ πάσασ τὰσ πόλεισ ὑφ’ ἑαυτοὺσ ἔχοντεσ, οὓσ οὔτε φιλανθρωπίᾳ οὔτε ἔργων ἀποδείξεσιν οὐδείσ πω νενίκηκεν· ὧνπερ οἶμαι καὶ μόνων ἦν κρεῖττόν τι τῆσ τότε Σμύρνησ ἐξευρεῖν. τοιαύτη τισ ἡμῖν τῆσ τύχησ ἡ περὶ τὴν πόλιν γέγονε παλινῳδία. καὶ δὴ τῇ τε Ιὠνίᾳ καλῶσ ὁ στέφανοσ σέσωσται ἥ τε Ἀσία τὸ πρόσχημα κεκόμισται. παράδειγμα δὲ τῶν ἀνελπίστων τὰ τῆσ πόλεωσ γέγονε πράγματα, ὡσ οὔτ’ ἐξ οὐρίων θέουσιν οὐδὲν ἀπώμοτον οὔτε λυθείσησ τῆσ νεὼσ ἀνέλπιστον τὸ μὴ οὐ κρεῖττόν τι συμβήσεσθαι.

Μέλητα δὲ κοσμεῖν ἑτέροισ τὰ νῦν παρίημι· καίτοι μέγιστόσ γε αὐτὸσ αὑτῷ κόσμοσ ἐστὶν ὁρώμενοσ, ᾧ γε καὶ θέροσ καὶ χειμὼν τὸν αὐτὸν ἔχει λόγον, καὶ οὔτε ἐξ ὄμβρων ποτὲ ὕβρισεν οὔτε αὐχμοῖσ εἶξεν, ἀλλ’ ὥσπερ ἄλλο τι τῶν ἀκινήτων, ἓν μὲν σχῆμα, μίαν δὲ χρόαν τὸν ἀεὶ σώζει χρόνον. καὶ μὴν οὐ πλάνησ γε ὁ Μέλησ οὐδ’ οἱο͂σ ἀποφοιτᾶν, ἀλλ’ ἐοίκεν ἐραστῇ τινι τῆσ πόλεωσ οὐ τολμῶντι μακροτέραν ἀπογίγνεσθαι, ἅτε, οἶμαι, ἄσβεστον μὲν αὐτῆσ τὸν ἔρωτα, ἄσβεστον δὲ τὴν φυλακὴν ἔχων. ὥστε αὐτόθεν ὁρμηθεὶσ αὐτοῦ καὶ παύεται, παρατείνασ κώλῳ τινὶ τῆσ πόλεωσ ἑαυτόν. ταυτὶ μὲν οὖν ὥσπερ οἱ νυμφόληπτοι δυνάμει τινὶ τῶν Νυμφῶν αὐτῶν ἐοίκα προσμελῳδῆσαι περὶ τὸν Μέλητα, οὐχ οὕτω προθέμενοσ. ἔδει δὲ ἴσωσ καὶ τοῖσ παισὶν ὥσπερ ἄλλην τινὰ μοῖραν τοῦ λόγου σωθῆναι. τιθείη δ’ ἄν τισ καὶ τοῦτ’ εἰσ ἀγαθὸν σύμβολον σέ τε ἡμῖν ἐπὶ τὰσ πόλεισ ἥκειν καὶ τὴν περίοδον οὕτω συμβαίνειν, ὥστε σὲ τὴν πατρῴαν ἀρχὴν ἀκριβῶσ ἀνανεώσασθαι ταῖσ περὶ τὴν Σμύρναν διατριβαῖσ. τῆσ γὰρ πόλεωσ ὁ καιρὸσ πολὺσ, νικῴη δὲ τὰ τῆσ ἀγαθῆσ τύχησ πανταχῆ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Προσφωνητικόσ Σμυρναϊκός

(아리스티데스, 아일리오스, 연설, Προσφωνητικόσ Σμυρναϊκός)

상위

목록

SEARCH

MENU NAVIGATION