Aristides, Aelius, Orationes, Πανηγυρικὸσ ἐν Κυζίκῳ περὶ τοῦ ναοῦ 10:

(아리스티데스, 아일리오스, 연설, Πανηγυρικὸσ ἐν Κυζίκῳ περὶ τοῦ ναοῦ 10:)

οἱ μὲν τοίνυν χαρακώματα καὶ τείχη προσλαμβάνοντεσ μικροῖσ τισι καὶ θνητοῖσ ὡσ ἀληθῶσ ἐπαύξουσι τὰσ ἀρχὰσ, οἱ δὲ ἀρετῆσ καὶ δικαιοσύνησ καὶ φιλίασ, οὕτω λαμπρὰ καὶ θαυμαστὰ πᾶσιν ἐξενεγκόντεσ ὁρᾶν παραδείγματα, οὗτοι τὴν νίκην ὡσ ἀληθῶσ ἐκ θεῶν κέκτηνται, οὗτοι τῷ ἀθανάτῳ στεφάνῳ κεκόσμηνται, τούτουσ καὶ θεῶν φίλουσ ὥσπερ ἀλλήλων εἰκὸσ εἶναι καὶ ἀνθρώπων εὐεργέτασ καθαρῶσ νομίζεσθαι. ὥσπερ γὰρ οἱ γράφειν ἀγαθοὶ διὰ τῶν πινάκων τῶν ὑπὲρ κορυφῆσ μεθ’ ὑπερβολῆσ δεικνύουσι τὰ γράμματα ὡσ μέγιστα καὶ ὡσ κάλλιστα γραφόμενοι τοῖσ παισὶ μιμεῖσθαι τὸ εἰσ δύναμιν τὴν ἑαυτῶν, οὕτωσ οὗτοι τὰ κάλλιστα τῶν ἐν ἀνθρώποισ διὰ τοῦ μεγίστου τῶν παραδειγμάτων ἐξέφηναν, ὥστ’ ἔχειν ἕκαστον εἰσ δύναμιν εἶναι μιμεῖσθαι καὶ καθάπερ διδασκάλων τῶν βασιλέων ἀπολαύειν εἰσ τὰ αὑτῶν πράγματα. ποῖαι ταῦτα Σεσώστριδοσ στῆλαι δύναιντ’ ἂν ὑπερβαλέσθαι, ἃσ ἐκεῖνοσ ἐπ’ ἀμφοτέραισ ἵστη περιιὼν, μᾶλλον δὲ τούτων ἐγγὺσ εἶναι δόξαι; τίσ ἀνθρώπων ἅμα τοσοῦτόν τε ἐνίκησε καὶ οὕτω λυσιτελῆ τοῖσ νικωμένοισ; καὶ γάρ τοι τοῖσ μὲν ἄλλοισ ὁ φόβοσ οἰκειοῖ τοὺσ ἀρχομένουσ, ὑπὲρ δὲ τούτων εὐχαὶ καὶ χάριτεσ κοιναὶ παρὰ πάντων οὐκ εὐπρεπείᾳ μόνον εἰσ τὸ μέσον γιγνόμεναι, ἀλλ’ ἀπὸ τοῦ καθαρωτάτου τῆσ γνώμησ. εἰσέρχεται δὲ ἔμοιγε καὶ τὰ τῶν δύο τῶν σωτήρων θεῶν, οἳ τὴν γῆν ἅπασαν κατειληφότεσ σώζουσι κοινῇ καὶ συνεργάζονται, παρ’ ἀλλήλουσ τε πέμποντεσ καὶ τὰσ εὐεργεσίασ τὰσ παρ’ ἑαυτῶν καὶ τὰσ παρὰ τῶν ἀνθρώπων εὐχαριστίασ κοινὰσ ποιούμενοι· παρ’ οἷσ τίνασ μᾶλλον τούτων εἰκὸσ εὐδοκιμεῖν, ἢ τίνασ ἐν πλείονι τῆσ σωτηρίασ εἶναι λόγῳ, οἵτινεσ ὥσπερ προφῆται καὶ μίμημα τῆσ ἐκείνων γνώμησ γεγόνασι, τὴν καλλίστην φιλίαν ἐπ’ ὠφελείᾳ τοῦ κοινοῦ τῶν ἀνθρώπων συνθέμενοι γένουσ; ἄξιον οὖν τοῖσ μὲν θεοῖσ χάριν εἰδέναι, τοῖσ δὲ βασιλεῦσι συγχαίρειν τε καὶ συνεύχεσθαι, μακαρίζειν δ’ αὑτοὺσ τοῦ χρόνου, καὶ πρὸσ τῷ μακαρίζειν ἀπολαύειν τῆσ ἀρχῆσ τὰ γιγνόμενα.

상위

Aristides, Aelius (아리스티데스, 아일리오스)

목록

일치하는 문장이 없습니다.

SEARCH

MENU NAVIGATION