헬라어 문장 검색 - ΕπιξτέΩορκσ́03́08́

(에픽테토스, Works, book 1, Ὅτι αἱ δυνάμεισ τοῖσ ἀπαιδεύτοισ οὐκ ἀσφαλεῖσ.)

Καθ’ ὅσουσ τρόπουσ μεταλαμβάνειν ἔστι τὰ ἰσοδυναμοῦντα ἀλλήλοισ, κατὰ τοσούτουσ καὶ τὰ εἴδη τῶν ἐπιχειρημάτων τε καὶ ἐνθυμημάτων ἐν τοῖσ λόγοισ ἐκποιεῖ μεταλαμβάνειν. οἱο͂ν φέρε τὸν τρόπον τοῦτον·

εἰ ἐδανείσω καὶ μὴ ἀπέδωκασ, ὀφείλεισ μοι τὸ ἀργύριον· οὐχὶ ἐδανείσω μὲν καὶ οὐκ ἀπέδωκασ· οὐ μὴν ὀφείλεισ μοι τὸ ἀργύριον. καὶ τοῦτο οὐδενὶ μᾶλλον προσήκει ἢ τῷ φιλοσόφῳ ἐμπείρωσ ποιεῖν.

εἴπερ γὰρ ἀτελὴσ συλλογισμόσ ἐστι τὸ ἐνθύμημα, δῆλον ὅτι ὁ περὶ τὸν τέλειον συλλογισμὸν γεγυμνασμένοσ οὗτοσ ἂν ἱκανὸσ εἰή καὶ περὶ τὸν ἀτελῆ οὐδὲν ἧττον. Τί ποτ’ οὖν οὐ γυμνάζομεν αὑτούσ τε καὶ ἀλλήλουσ τὸν τρόπον τοῦτον;

ὅτι νῦν καίτοι μὴ γυμναζόμενοι περὶ ταῦτα μηδ’ ἀπὸ τῆσ ἐπιμελείασ τοῦ ἤθουσ ὑπό γε ἐμοῦ περισπώμενοι ὅμωσ οὐδὲν ἐπιδίδομεν εἰσ καλοκἀγαθίαν.

τί οὖν χρὴ προσδοκᾶν, εἰ καὶ ταύτην τὴν ἀσχολίαν προσλάβοιμεν;

καὶ μάλισθ’, ὅτι οὐ μόνον ἀσχολία τισ ἀπὸ τῶν ἀναγκαιοτέρων αὐτὴ προσγένοιτ’ ἄν, ἀλλὰ καὶ οἰήσεωσ ἀφορμὴ καὶ τύφου οὐχ ἡ τυχοῦσα. μεγάλη γάρ ἐστι δύναμισ ἡ ἐπιχειρητικὴ καὶ πιθανολογική, καὶ μάλιστ’ εἰ τύχοι γυμνασίασ ἐπιπλέον καί τινα καὶ εὐπρέπειαν ἀπὸ τῶν ὀνομάτων προσλάβοι.

ὅτι καὶ ἐν τῷ καθόλου πᾶσα δύναμισ ἐπισφαλὴσ τοῖσ ἀπαιδεύτοισ καὶ ἀσθενέσι προσγενομένη πρὸσ τὸ ἐπᾶραι καὶ χαυνῶσαι ἐπ’ αὐτῇ.

ποίᾳ γὰρ ἄν τισ ἔτι μηχανῇ πείσαι τὸν νέον τὸν ἐν τούτοισ διαφέροντα, ὅτι οὐ δεῖ προσθήκην αὐτὸν ἐκείνων γενέσθαι, ἀλλ’ ἐκεῖνα αὐτῷ προσθεῖναι;

οὐχὶ δὲ πάντασ τοὺσ λόγουσ τούτουσ καταπατήσασ ἐπηρμένοσ ἡμῖν καὶ πεφυσημένοσ περιπατεῖ μηδ’ ἀνεχόμενοσ, ἄν τισ ἅπτηται [τι] αὐτοῦ ὑπομιμνῄσκων, τίνοσ ἀπολελειμμένοσ ποῦ ἀποκέκλικεν;

Τί οὖν; Πλάτων φιλόσοφοσ οὐκ ἦν;

‐ Ἱπποκράτησ γὰρ ἰατρὸσ οὐκ ἦν; ἀλλ’ ὁρᾷσ πῶσ φράζει Ἱπποκράτησ. μή τι οὖν Ἱπποκράτησ οὕτω φράζει, καθὸ ἰατρόσ ἐστιν; τί οὖν μιγνύεισ πράγματα ἄλλωσ ἐπὶ τῶν αὐτῶν ἀνθρώπων συνδραμόντα;

εἰ δὲ καλὸσ ἦν Πλάτων καὶ ἰσχυρόσ, ἔδει κἀμὲ καθήμενον ἐκπονεῖν, ἵνα καλὸσ γένωμαι ἢ ἵνα ἰσχυρόσ, ὡσ τοῦτο ἀναγκαῖον πρὸσ φιλοσοφίαν, ἐπεί τισ φιλόσοφοσ ἅμα καὶ καλὸσ ἦν καὶ φιλόσοφοσ;

οὐ θέλεισ αἰσθάνεσθαι καὶ διακρῖναι κατὰ τί οἱ ἄνθρωποι γίνονται φιλόσοφοι καὶ τίνα ἄλλωσ αὐτοῖσ πάρεστιν;

ἄγε εἰ δ’ ἐγὼ φιλόσοφοσ ἤμην, ἔδει ὑμᾶσ καὶ χωλοὺσ γενέσθαι; τί οὖν; αἴρω τὰσ δυνάμεισ ταύτασ;

μὴ γένοιτο· οὐδὲ γὰρ τὴν ὁρατικήν. ὅμωσ δ’, ἄν μου πυνθάνῃ τί ἐστιν ἀγαθὸν τοῦ ἀνθρώπου, οὐκ ἔχω σοι ἄλλο εἰπεῖν ἢ ὅτι ποιὰ προαίρεσισ [φαντασιῶν].

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Epictetus, Works, book 1, Ὅτι αἱ δυνάμεισ τοῖσ ἀπαιδεύτοισ οὐκ ἀσφαλεῖσ.

(에픽테토스, Works, book 1, Ὅτι αἱ δυνάμεισ τοῖσ ἀπαιδεύτοισ οὐκ ἀσφαλεῖσ.)

상위

목록

SEARCH

MENU NAVIGATION