헬라어 문장 검색 - ΠολψβίΗιστορί06́037́

(폴리비오스, Histories, book 6, chapter 35)

Τὰ δὲ περὶ τὰσ νυκτερινὰσ φυλακὰσ οὕτωσ οἰκονομεῖται παρ’ αὐτοῖσ. τὸν μὲν στρατηγὸν καὶ τὴν τούτου σκηνὴν ἡ παρακοιτοῦσα σημαία φυλάττει, τὰσ δὲ τῶν χιλιάρχων καὶ τοὺσ τῶν ἱππέων οὐλαμοὺσ οἱ διατεταγμένοι κατὰ τὸν ἄρτι λόγον ἐξ ἑκάστησ σημαίασ.

ὁμοίωσ δὲ καὶ παρ’ ἕκαστον τάγμα πάντεσ ἐξ ἑαυτῶν τιθέασι φυλακήν·

τὰσ δὲ λοιπὰσ ὁ στρατηγὸσ ἀποτάττει. γίνονται δ’ ὡσ ἐπίπαν τρεῖσ φυλακαὶ παρὰ τὸν ταμίαν, καὶ παρ’ ἕκαστον τῶν πρεσβευτῶν καὶ συμβούλων δύο.

τὴν δ’ ἐκτὸσ ἐπιφάνειαν οἱ γροσφομάχοι πληροῦσι, παρ’ ὅλον καθ’ ἡμέραν τὸν χάρακα παρακοιτοῦντεσ ‐ αὕτη γὰρ ἐπιτέτακται τούτοισ ἡ λειτουργία ‐ ἐπί τε τῶν εἰσόδων ἀνὰ δέκα ποιοῦνται τούτων αὐτῶν τὰσ προκοιτίασ.

τῶν δ’ εἰσ τὰσ φυλακὰσ ἀποταχθέντων ἀφ’ ἑκάστου φυλακείου τὸν τὴν πρώτην μέλλοντα τηρεῖν εἷσ ἐξ ἑκάστησ σημαίασ οὐραγὸσ ἄγει πρὸσ τὸν χιλίαρχον ἑσπέρασ·

ὁ δὲ δίδωσι τούτοισ πᾶσι ξυλήφια κατὰ φυλακήν, βραχέα τελέωσ, ἔχοντα χαρακτῆρα.

λαβόντεσ δ’ οὗτοι μὲν ἐπὶ τοὺσ ἀποδεδειγμένουσ ἀπαλλάττονται τόπουσ. Ἡ δὲ τῆσ ἐφοδείασ πίστισ εἰσ τοὺσ ἱππεῖσ ἀνατίθεται.

δεῖ γὰρ τὸν πρῶτον ἰλάρχην καθ’ ἕκαστον στρατόπεδον ἑνὶ τῶν οὐραγῶν τῶν αὑτοῦ παραγγεῖλαι πρῲ παράγγελμα τοιοῦτον, ἵνα τέτταρσιν οὗτοσ ἐμφανίσῃ νεανίσκοισ τῶν ἐκ τῆσ ἰδίασ ἴλησ πρὸ ἀρίστου τοῖσ μέλλουσιν ἐφοδεύειν. μετὰ δὲ ταῦτα τῷ τῆσ ἐχομένησ ἴλησ ἡγεμόνι δεῖ τὸν αὐτὸν ἀφ’ ἑσπέρασ παραγγεῖλαι διότι τούτῳ καθήκει τὰ περὶ τῆσ ἐφοδείασ φροντίζειν εἰσ τὴν αὔριον.

τοῦτον δ’ ἀκούσαντα παραπλησίωσ ταὐτὰ δεῖ ποιεῖν τοῖσ προειρημένοισ εἰσ τὴν ἐπιοῦσαν ἡμέραν·

ὁμοίωσ δὲ καὶ τοὺσ ἑξῆσ. οἱ δὲ προκριθέντεσ ὑπὸ τῶν οὐραγῶν ἐκ τῆσ πρώτησ ἴλησ τέτταρεσ, ἐπειδὰν διαλάχωσι τὰσ φυλακάσ, πορεύονται πρὸσ τὸν χιλίαρχον, καὶ γραφὴν λαμβάνουσι πόσου καὶ πόσασ ἐφοδεῦσαι δεῖ φυλακάσ.

μετὰ δὲ ταῦτα παρακοιτοῦσιν οἱ τέτταρεσ παρὰ τὴν πρώτην σημαίαν τῶν τριαρίων·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 6, chapter 35

(폴리비오스, Histories, book 6, chapter 35)

상위

목록

SEARCH

MENU NAVIGATION