헬라어 문장 검색 - Πλυταρ́Τηεμιστ́27́

(플루타르코스, Θεμιστοκλῆς, chapter 27)

Θουκυδίδησ μὲν οὖν καὶ Χάρων ὁ Λαμψακηνὸσ ἱστοροῦσι τεθνηκότοσ Ξέρξου πρὸσ τὸν υἱὸν αὐτοῦ τῷ Θεμιστοκλεῖ γενέσθαι τὴν ἔντευξιν· Ἔφοροσ δὲ καὶ Δείνων καὶ Κλείταρχοσ καὶ Ἡρακλείδησ, ἔτι δ’ ἄλλοι πλείονεσ, πρὸσ αὐτὸν ἀφικέσθαι τὸν Ξέρξην. τοῖσ δὲ χρονικοῖσ δοκεῖ μᾶλλον ὁ Θουκυδίδησ συμφέρεσθαι, καίπερ οὐδ’ αὐτοῖσ ἀτρέμα συνταττομένοισ. ὁ δ’ οὖν Θεμιστοκλῆσ γενόμενοσ παρ’ αὐτὸ τὸ δεινὸν ἐντυγχάνει πρῶτον Ἀρταβάνῳ τῷ χιλιάρχῳ λέγων, Ἕλλην μὲν εἶναι, βούλεσθαι δ’ ἐντυχεῖν βασιλεῖ περὶ μεγίστων πραγμάτων καὶ πρὸσ ἃ τυγχάνει μάλιστα σπουδάζων ἐκεῖνοσ.

βασιλεῖ γὰρ οὐ πάτριον ἀνδρὸσ ἀκροᾶσθαι μὴ προσκυνήσαντοσ. ὁ δέ φησιν· "ὦ ξένε, νόμοι διαφέρουσιν ἀνθρώπων· "ἄλλα δ’ ἄλλοισ καλά· "καλὸν δὲ πᾶσι τὰ οἰκεῖα κοσμεῖν καὶ σώζειν. "ὑμᾶσ μὲν οὖν ἐλευθερίαν μάλιστα θαυμάζειν καὶ ἰσότητα λόγοσ· "ἡμῖν δὲ πολλῶν νόμων καὶ καλῶν ὄντων κάλλιστοσ οὗτόσ ἐστι, τιμᾶν βασιλέα, καὶ προσκυνεῖν ὡσ εἰκόνα θεοῦ τοῦ τὰ πάντα σώζοντοσ. "εἰ μὲν οὖν ἐπαινῶν τὰ ἡμέτερα προσκυνήσεισ, ἔστι σοι καὶ θεάσασθαι βασιλέα καὶ προσειπεῖν· "εἰ δ’ ἄλλο τι φρονεῖσ, ἀγγέλοισ ἑτέροισ χρήσῃ πρὸσ αὐτόν. ταῦτα ὁ Θεμιστοκλῆσ ἀκούσασ λέγει πρὸσ αὐτόν·

"ἀλλ’ ἔγωγε τὴν βασιλέωσ, ὦ Ἀρτάβανε, φήμην καὶ δύναμιν αὐξήσων ἀφῖγμαι, καὶ αὐτόσ τε πείσομαι τοῖσ ὑμετέροισ νόμοισ, ἐπεὶ θεῷ τῷ μεγαλύνοντι Πέρσασ οὕτω δοκεῖ, καὶ δι’ ἐμὲ πλείονεσ τῶν νῦν βασιλέα προσκυνήσουσιν. "ὥστε τοῦτο μηδὲν ἐμποδὼν ἔστω τοῖσ λόγοισ, οὓσ βούλομαι πρὸσ ἐκεῖνον εἰπεῖν. "Ἑλλήνων ἀφῖχθαί σε φῶμεν;

"οὐ γὰρ ἰδιώτῃ τὴν γνώμην ἐοίκασ. καὶ ὁ Θεμιστοκλῆσ· "πύθοιτό τισ, Ἀρτάβανε, πρότεροσ βασιλέωσ. οὕτω μὲν ὁ Φανίασ φησίν. ὁ δ’ Ἐρατοσθένησ ἐν τοῖσ Περὶ πλούτου προσιστόρησε, διὰ γυναικὸσ Ἐρετρικῆσ, ἣν ὁ χιλίαρχοσ εἶχε, τῷ Θεμιστοκλεῖ τὴν πρὸσ αὐτὸν ἔντευξιν γενέσθαι καὶ σύστασιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Θεμιστοκλῆς, chapter 27

(플루타르코스, Θεμιστοκλῆς, chapter 27)

상위

목록

SEARCH

MENU NAVIGATION