헬라어 문장 검색 - Πλυταρ́Πψρρηυσ́29́

(플루타르코스, chapter 29)

νυκτὸσ δὲ ἡ μάχη διεκρίθη· καὶ κοιμώμενοσ ὁ Πύρροσ ὄψιν εἶδε τοιαύτην. ἐδόκει βάλλεσθαι κεραυνοῖσ ὑπ’ αὐτοῦ τὴν Λακεδαίμονα καὶ φλέγεσθαι πᾶσαν, αὐτὸν δὲ χαίρειν. ὑπὸ δὲ τῆσ χαρᾶσ ἐξεγρόμενοσ τούσ τε ἡγεμόνασ ἐκέλευεν ἐν παρασκευῇ τὸν στρατὸν ἔχειν, καὶ τοῖσ φίλοισ διηγεῖτο τὸν ὄνειρον ὡσ ληψόμενοσ κατὰ κράτοσ τὴν πόλιν. οἱ μὲν οὖν ἄλλοι θαυμασίωσ ἐπείθοντο, Λυσιμάχῳ δὲ οὐκ ἤρεσκεν ἡ ὄψισ, ἀλλ’ ἔφη δεδιέναι μή, καθάπερ τὰ βαλλόμενα τοῖσ κεραυνοῖσ ἀνέμβατα μένει χωρία, καὶ τῷ Πύρρῳ προσημαίνῃ τὸ θεῖον ἀνείσοδον ἔσεσθαι τὴν πόλιν.

ὁ δὲ Πύρροσ εἰπὼν ὅτι ταῦτα μέν ἐστι πυλαϊκῆσ ὀχλαγωγίασ καὶ ἀσοφίαν ἔχοντα πολλήν, ἐκεῖνο δὲ δεῖ τὰ ὅπλα διὰ χειρῶν ἔχοντασ ὑποβάλλειν ἑαυτοῖσ, εἷσ οἰωνὸσ ἄριστοσ ἀμύνεσθαι περὶ Πύρρου, ἐξανέστη καὶ προσῆγεν ἅμ’ ἡμέρᾳ τὸν στρατόν. ἠμύνοντο δὲ προθυμίᾳ καὶ ἀρετῇ παρὰ δύναμιν οἱ Λακεδαιμόνιοι·

καὶ παρῆσαν αἱ γυναῖκεσ ὀρέγουσαι βέλη, καὶ σιτία καὶ ποτὸν τοῖσ δεομένοισ προσφέρουσαι, καὶ ἀναλαμβάνουσαι τούσ τιτρωσκομένουσ. τήν τε τάφρον οἱ Μακεδόνεσ χοῦν ἐπειρῶντο, πολλὴν συμφοροῦντεσ ὕλην, ὑφ’ ἧσ ὅπλα καὶ σώματα νεκρῶν ἐπιχεομένησ ἀπεκρύπτετο. καὶ πρὸσ τοῦτο τῶν Λακεδαιμονίων βοηθούντων ὤφθη παρὰ τὴν τάφρον καὶ τὰσ ἁμάξασ ὁ Πύρροσ ἵππῳ βιαζόμενοσ εἰσ τὴν πόλιν.

κραυγῆσ δὲ τῶν κατὰ τοῦτο τεταγμένων γενομένησ καὶ δρόμου καὶ ὀλολυγμοῦ τῶν γυναικῶν, ἤδη διεξελαύνοντι τῷ Πύρρῳ καὶ προσκειμένῳ τοῖσ κατὰ πρόσωπον ἐξήλατο Κρητικῷ βέλει πληγεὶσ ὁ ἵπποσ ὑπὸ τὴν γαστέρα, καὶ κατέβαλε δυσθανατῶν τὸν Πύρρον εἰσ τόπουσ ὀλισθηροὺσ καὶ κατάντεισ, θορυβουμένων δὲ περὶ τοῦτον τῶν ἑταίρων ἐπέδραμον οἱ Σπαρτιᾶται, καὶ χρώμενοι τοῖσ βέλεσιν ἐξέωσαν ἅπαντασ· ἐκ δὲ τούτου καὶ τὴν ἄλλην μάχην ἔπαυεν, οἰόμενοσ ἐνδώσειν τι τοὺσ Λακεδαιμονίουσ σχεδὸν ἁπάντων κατατετρωμένων αὐτοῖσ, πεπτωκότων δὲ πολλῶν, ἡ δ̓·

μοχθηρὰσ ἤδη τῶν Λακεδαιμονίων ἐχόντων τὰσ ἐλπίδασ Ἀμεινίαν τε Φωκέα, τῶν Ἀντιγόνου στρατηγῶν, ἐκ Κορίνθου βοηθήσοντα παρεισήγαγε μετὰ ξένων, καὶ τοῦτον ἄρτι δεδεγμένων ὁ βασιλεὺσ αὐτοῖσ Ἄρευσ ἧκεν ἐκ Κρήτησ δισχιλίουσ στρατιώτασ κομίζων, αἵ τε δὴ γυναῖκεσ εὐθὺσ ἐπὶ τὰσ οἰκίασ ἐσκεδάσθησαν, οὐδὲν ἔτι πολυπραγμονεῖν ἀξιοῦσαι τῶν πολεμικῶν, καὶ τοὺσ παρ’ ἡλικίαν ἐν τοῖσ ὅπλοισ ὑπ’ ἀνάγκησ γενομένουσ ἀφέντεσ αὑτοὺσ ἐπὶ τὴν μάχην ἔταξαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 29

(플루타르코스, chapter 29)

상위

목록

SEARCH

MENU NAVIGATION