헬라어 문장 검색 - ΕπιξτέΩορκσ́05́16́

(에픽테토스, Works, book 3, Ὅτι εὐλαβῶσ δεῖ συγκαθιέναι εἰσ συμπεριφοράν.)

Ἀνάγκη τὸν συγκαθιέντα τισὶν ἐπιπλέον ἢ εἰσ λαλιὰν ἢ εἰσ συμπόσια ἢ ἁπλῶσ εἰσ συμβίωσιν ἢ αὐτὸν ἐκείνοισ ἐξομοιωθῆναι ἢ ἐκείνουσ μεταθεῖναι ἐπὶ τὰ αὑτοῦ. καὶ γὰρ ἄνθρακα ἀπεσβεσμένον ἂν θῇ παρὰ τὸν καιόμενον, ἢ αὐτὸσ ἐκεῖνον ἀποσβέσει ἢ ἐκεῖνοσ τοῦτον ἐκκαύσει.

τηλικούτου οὖν τοῦ κινδύνου ὄντοσ εὐλαβῶσ δεῖ τοῖσ ἰδιώταισ συγκαθίεσθαι εἰσ τὰσ τοιαύτασ συμπεριφορὰσ μεμνημένουσ, ὅτι ἀμήχανον τὸν συνανατριβόμενον τῷ ἠσβολωμένῳ μὴ καὶ αὐτὸν ἀπολαῦσαι τῆσ ἀσβόλησ·

τί γὰρ ποιήσεισ, ἂν περὶ μονομάχων λαλῇ[σ], ἂν περὶ ἵππων, ἂν περὶ ἀθλητῶν, ἂν τὸ ἔτι τούτων χεῖρον περὶ ἀνθρώπων· "ὁ δεῖνα κακόσ, ὁ δεῖνα ἀγαθόσ·

τοῦτο καλῶσ ἐγένετο, τοῦτο κακῶσ"· ἔτι ἂν σκώπτῃ, ἂν γελοιάζῃ, ἂν κακοηθίζηται; ἔχει τισ ὑμῶν παρασκευὴν οἱάν ὁ κιθαριστικὸσ τὴν λύραν λαβών, ὥστ’ εὐθὺσ ἁψάμενοσ τῶν χορδῶν γνῶναι τὰσ ἀσυμφώνουσ καὶ ἁρμόσασθαι τὸ ὄργανον;

οἱάν εἶχεν δύναμιν Σωκράτησ, ὥστ’ ἐν πάσῃ συμπεριφορᾷ ἄγειν ἐπὶ τὸ αὑτοῦ τοὺσ συνόντασ; πόθεν ὑμῖν;

ἀλλ’ ἀνάγκη ὑπὸ τῶν ἰδιωτῶν ὑμᾶσ περιάγεσθαι. Διὰ τί οὖν ἐκεῖνοι ὑμῶν ἰσχυρότεροι; ὅτι ἐκεῖνοι μὲν τὰ σαπρὰ ταῦτα ἀπὸ δογμάτων λαλοῦσιν, ὑμεῖσ δὲ τὰ κομψὰ ἀπὸ τῶν χειλῶν·

διὰ τοῦτο ἄτονά ἐστι καὶ νεκρά, καὶ σικχᾶναι ἔστιν ἀκούοντα ὑμῶν τοὺσ προτρεπτικοὺσ καὶ τὴν ἀρετὴν τὴν ταλαίπωρον, ἣ ἄνω κάτω θρυλεῖται. οὕτωσ ὑμᾶσ οἱ ἰδιῶται νικῶσιν. πανταχοῦ γὰρ ἰσχυρὸν τὸ δόγμα, ἀνίκητον τὸ δόγμα.

μέχρισ ἂν οὖν παγῶσιν ἐν ὑμῖν αἱ κομψαὶ ὑπολήψεισ καὶ δυναμίν τινα περιποιήσησθε πρὸσ ἀσφάλειαν, συμβουλεύω ὑμῖν εὐλαβῶσ τοῖσ ἰδιώταισ συγκαταβαίνειν·

εἰ δὲ μή, καθ’ ἡμέραν ὡσ κηρὸσ ἐν ἡλίῳ διατακήσεται, ὑμῶν εἴ τινα ἐν τῇ σχολῇ ἐγγράφετε. μακρὰν οὖν ἀπὸ τοῦ ἡλίου πού ποτε ὑπάγετε, μέχρισ ἂν κηρίνασ τὰσ ὑπολήψεισ ἔχητε.

οὕτωσ καὶ οἱ ἰατροὶ τοὺσ μακρονοσοῦντασ ἐκπέμπουσιν εἰσ ἄλλην χώραν καὶ ἄλλον ἀέρα καλῶσ ποιοῦντεσ. καὶ ὑμεῖσ ἀντεισαγάγετε ἄλλα ἔθη·

πήξατε ὑμῶν τὰσ ὑπολήψεισ, ἐναθλεῖτε αὐταῖσ. οὔ·

ἀλλ’ ἔνθεν ἐπὶ θεωρίαν, εἰσ μονομαχίαν, εἰσ ξυστόν, εἰσ κίρκον· εἶτ’ ἐκεῖθεν ὧδε καὶ πάλιν ἔνθεν ἐκεῖ οἱ αὐτοί. καὶ ἔθοσ κομψὸν οὐδέν, οὔτε προσοχὴ οὔτ’ ἐπιστροφὴ ἐφ’ αὑτὸν καὶ παρατήρησισ "πῶσ χρῶμαι ταῖσ προσπιπτούσαισ φαντασίαισ;

κατὰ φύσιν ἢ παρὰ φύσιν; πῶσ ἀποκρίνωμαι πρὸσ αὐτάσ; ὡσ δεῖ ἢ ὡσ οὐ δεῖ; ἐπιλέγω τοῖσ ἀπροαιρέτοισ, ὅτι οὐδὲν πρὸσ ἐμέ; " εἰ γὰρ μήπω οὕτωσ ἔχητε, φεύγετε ἔθη τὰ πρότερον, φεύγετε τοὺσ ἰδιώτασ, εἰ θέλετε ἄρξασθαί ποτέ τινεσ εἶναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Epictetus, Works, book 3, Ὅτι εὐλαβῶσ δεῖ συγκαθιέναι εἰσ συμπεριφοράν.

(에픽테토스, Works, book 3, Ὅτι εὐλαβῶσ δεῖ συγκαθιέναι εἰσ συμπεριφοράν.)

상위

목록

SEARCH

MENU NAVIGATION