헬라어 텍스트

Athenaeus, The Deipnosophists, Book 2, book 2, chapter 80

(아테나이오스, The Deipnosophists, Book 2, book 2, chapter 80)

Νίκανδροσ δ’ ὁ Κολοφώνιοσ ἐν β’ Γλωσσῶν βρένθιν λέγεσθαί φησι παρὰ Κυπρίοισ θρίδακα, οὗ ὁ Ἄδωνισ καταφυγὼν ὑπὸ τοῦ κάπρου διεφθάρη. Ἄμφισ τε ἐν Ιἀλέμῳ φησὶν ἐν ταῖσ θριδακίναισ ταῖσ κάκιστ’ ἀπολουμέναισ, ἃσ εἰ φάγοι τισ ἐντὸσ ἑξήκοντ’ ἐτῶν, ὁπότε γυναικὸσ λαμβάνοι κοινωνίαν, στρέφοιθ’ ὅλην τὴν νύκτ’ ἂν οὐδὲ ἓν πλέον ὧν βούλεται δρῶν, ἀντὶ τῆσ ὑπουργίασ τῇ χειρὶ τρίβων τὴν ἀναγκαίαν τύχην, καὶ Καλλίμαχοσ δέ φησιν ὅτι ἡ Ἀφροδίτη τὸν Ἄδωνιν ἐν θριδακίνῃ κρύψειεν, ἀλληγορούντων τῶν ποιητῶν ὅτι ἀσθενεῖσ εἰσι πρὸσ ἀφροδίσια οἱ συνεχῶσ χρώμενοι θρίδαξι. καὶ Εὔβουλοσ δ’ ἐν Ἀστύτοισ φησί· μὴ παρατίθει σύ μοι θριδακίνασ, ὦ γύναι, ἐπὶ τὴν τράπεζαν, ἢ σεαυτὴν αἰτιῶ. ἐν τῷ λαχάνῳ τούτῳ γάρ, ὡσ λόγοσ, ποτὲ τὸν Ἄδωνιν ἀποθανόντα προὔθηκεν Κύπρισ· αὐτὸν ἀποκρύψαι, Μαρσύασ δ’ ὁ νεώτεροσ ἐν χλόῃ κριθῶν.

Ἱππώνακτα δὲ τετρακίνην τὴν θρίδακα καλεῖν · Πάμφιλοσ ἐν Γλώσσαισ φησί, Κλείταρχοσ δὲ Φρύγασ οὕτω καλεῖν. Λύκοσ δ’ ὁ Πυθαγόρειοσ τὴν ἐκ γενέσεώσ φησι θρίδακα πλατύφυλλον τετανὴν ἄκαυλον ὑπὸ μὲν τῶν Πυθαγορείων λέγεσθαι εὐνοῦχον, ὑπὸ δὲ τῶν γυναικῶν ἀστύτιδα· διουρητικοὺσ γὰρ παρασκευάζει καὶ ἐκλύτουσ πρὸσ τὰ ἀφροδίσια·

ἐστὶ δὲ κρατίστη ἐσθίεσθαι. ·