헬라어 문장 검색 - ΑτηενάΤηεΔειπ

(아테나이오스, The Deipnosophists, Book 2, book 2, chapter 16)

τοῦτο γάρ καὶ τῶν γευομένων εὐθὺσ ποιεῖ πλῆρεσ τὸ στόμα, τὰ δὲ πρὸσ τοῖσ περὶ Πάγγαιον μετάλλοισ τοῦ μὲν χειμῶνοσ τὴν κοτύλην ἄγουσαν ἔχει ἐνενήκοντα ἕξ, θέρουσ δὲ τεσσαράκοντα ἕξ. συστέλλει δὲ αὐτὸ καὶ πυκνοῖ μᾶλλον τὸ ψῦχοσ. διὸ καὶ ἐν τοῖσ γνώμοσι ῥέον οὐκ ἀναδίδωσι τὰσ ὡρ́ασ ἐν τῷ χειμῶνι, ἀλλὰ περιττεύει βραδυτέρασ οὔσησ τῆσ ἐκροῆσ διὰ τὸ πάχοσ, καὶ ταὐτὰ περὶ Αἰγύπτου φησίν, ὅπου μαλακώτεροσ ὁ ἀήρ. τὸ δὲ ἁλυκὸν ὕδωρ γεωδέστερόν ἐστι καὶ πλείονοσ δεῖται κατεργασίασ ὡσ τὸ θαλάσσιον, θερμοτέραν ἔχον τὴν φύσιν καὶ μὴ ὁμοίωσ πάσχον. μόνον δ’ ἀτέραμνον τῶν ἁλυκῶν τὸ τῆσ Ἀρεθούσησ. χείρω δ’ ἐστὶ τὰ βαρυσταθμότερα καὶ τὰ σκληρότερα καὶ τὰ ψυχρότερα διὰ τὰσ αὐτὰσ αἰτίασ ·

δυσκατεργαστότερα γάρ ἐστι τὰ μὲν τῷ πολὺ τὸ γεῶδεσ ἔχειν, τὰ δὲ ψυχρότητοσ ὑπερβολῇ. τὰ δὲ ταχὺ θερμαινόμενα κοῦφα καὶ ὑγιεινά, ἐν Κραννῶνι δ’ ἐστὶν ὕδωρ ἡσυχῇ θερμόν, ὃ θερμόν διατηρεῖ κραθέντα τὸν οἶνον ἐπὶ δύο καὶ τρεῖσ ἡμέρασ, τὰ δ’ ἐπίρρυτα καὶ ἐξ ὀχετοῦ ὡσ ἐπίπαν βελτίω τῶν στασίμων, κοπτόμενά τε μαλακώτερα γίνεται, διὰ τοῦτο καὶ τὰ ἀπὸ τῆσ χιόνοσ δοκεῖ χρηστὰ εἶναι· καὶ γὰρ ἀνάγεται τὸ ποτιμώτερον καὶ τοῦτο κεκομμένον ἐστὶ τῷ ἀέρι·

διὸ καὶ τῶν ὀμβρίων βελτίω· καὶ τὰ ἐκ κρυστάλλου δὲ διὰ τὸ κουφότερα εἶναι· σημεῖον δ’ ὅτι καὶ ὁ κρύσταλλοσ αὐτὸσ κουφότεροσ τοῦ ἄλλου ὕδατοσ. τὰ δὲ ψυχρὰ σκληρά, διότι γεωδέστερα. τὸ δὲ σωματῶδεσ καὶ θερμανθὲν θερμότερον καὶ ψυχθὲν ψυχρότερόν ἐστι. κατὰ τὴν αὐτὴν δ’ αἰτίαν καὶ τὰ ἐν τοῖσ ὄρεσι ποτιμώτερα τῶν ἐν τοῖσ πεδίοισ· ἧττον γὰρ μέμικται τῷ γεώδει. ποιεῖ δὲ τὸ γεῶδεσ καὶ τὰσ ἐπιχρόασ τῶν ὑδάτων. τὸ γοῦν τῆσ ἐν Βαβυλῶνι λίμνησ ἐρυθρὸν γίνεται ἐπί τινασ ἡμέρασ·

τὸ δὲ τοῦ Βορυσθένουσ κατά τινασ χρόνουσ ἰοβαφὲσ καίπερ ὄντοσ καθ’ ὑπερβολὴν λεπτοῦ· σημεῖον δέ· τοῦ Ὑπάνιοσ ἐπάνω γίνεται διὰ κουφότητα τοῖσ βορείοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 2, book 2, chapter 16

(아테나이오스, The Deipnosophists, Book 2, book 2, chapter 16)

상위

목록

SEARCH

MENU NAVIGATION