헬라어 텍스트

Athenaeus, The Deipnosophists, Book 2, book 2, chapter 7

(아테나이오스, The Deipnosophists, Book 2, book 2, chapter 7)

Φιλόχοροσ δέ φησιν Ἀμφικτύονα τὸν Ἀθηναίων βασιλέα μαθόντα παρὰ Διονύσου τὴν τοῦ οἴνου κρᾶσιν πρῶτον κεράσαι. διὸ καὶ ὀρθοὺσ γενέσθαι τοὺσ ἀνθρώπουσ οὕτω πίνοντασ, πρότερον ὑπὸ τοῦ ἀκράτου καμπτομένουσ· καὶ διὰ τοῦτο ἱδρύσασθαι βωμὸν ὀρθοῦ Διονύσου ἐν τῷ τῶν ̔ Ὡρῶν ἱερῷ αὗται γάρ καὶ τὸν τῆσ ἀμπέλου καρπὸν ἐκτρέφουσι. πλησίον δ’ αὐτοῦ καὶ ταῖσ Νύμφαισ βωμὸν ἔδειμεν, ὑπόμνημα τοῖσ χρωμένοισ τῆσ κράσεωσ ποιούμενοσ· καὶ γάρ Διονύσου τροφοὶ αἱ Νύμφαι λέγονται, καὶ θέσμιον ἔθετο προσφέρεσθαι μετὰ τὰ σιτία ἄκρατον μόνον ὅσον γεύσασθαι, δεῖγμα τῆσ δυνάμεωσ τοῦ ἀγαθοῦ θεοῦ, τὸ δὲ λοιπὸν ἤδη κεκραμένον, ὁπόσον ἕκαστοσ βούλεται· προσεπιλέγειν δὲ τούτῳ τὸ τοῦ Διὸσ σωτῆροσ ὄνομα διδαχῆσ καὶ μνήμησ ἕνεκα τῶν πινόντων, ὅτι οὕτω πίνοντεσ ἀσφαλῶσ σωθήσονται. Πλάτων δ’ ἐν δευτέρῳ Νόμων τὴν τοῦ οἴνου χρῆσίν φησιν ὑγιείασ ἕνεκα ὑπάρχειν ἀπὸ τοῦ κατὰ μέθην δὲ καταστήματοσ καὶ ταύρῳ παρεικάζουσι τὸν Διόνυσον καὶ παρδάλει διὰ τὸ πρὸσ βίαν τρέπεσθαι τοὺσ ἐξοινωθέντασ. Ἀλκαῖοσ·

ἄλλοτε μὲν μελιαδέοσ, ἄλλοτε δ’ ὀξυτέρου τριβόλων ἀρυτημένοι. εἰσὶ δ’ οἳ καὶ θυμικοὶ γίνονται· τοιοῦτοσ δ’ ὁ ταῦροσ. Εὐριπίδησ· ταῦροι δ’· ὑβρισταὶ κεἰσ κέρασ θυμούμενοι. διὰ δὲ τὸ μάχιμον καὶ θηριώδεισ ἔνιοι γίνονται·

ὅθεν καὶ τὸ παρδαλῶδεσ.