헬라어 문장 검색 - ΑριστίΟρατιον́47́0́015́

(아리스티데스, 아일리오스, 연설, Πρὸσ Καπίτωνα 15:)

"τὸν δὲ μέτ’ εἰσενόησα; οὐκοῦν ἐκείνουσ μὲν διὰ τῶν Ὁμήρου κωμῳδεῖ, Ὅμηρον δ’ αὖ δι’ ἐκείνων. παρενθήκη δὲ καὶ Ἡσίοδοσ αὐτῷ γέγονεν. ὥστ’ ἐγὼ θαυμάζω τίνασ ἂν τὰσ βλασφημίασ εἰσ αὐτοὺσ ἐποιήσατο, εἰ τὴν πόλιν αὐτὴν διέβαλλον, ἢ τὴν πολιτείαν ἀφῃροῦντο, ὁπότ’ οὐδὲν ἔχων ἕτερον προφέρειν ἢ ὅτι πλείουσ ἴσωσ τοῦ δέοντοσ ἐπαινοῦσιν, αὐτὸσ οὕτωσ ἀνομοίωσ αὐτοῖσ προσενήνεκται. ἀτὰρ, ὦ ἄριστε Καπίτων, ἐνεθυμήθην καὶ τοῦτο μεταξὺ τῶν λόγων ὅτι πάντα εἴδωλά ἐστι τῷ ἀνδρὶ, καὶ τοῦτο μὲν οἱ ποιηταὶ μιμηταὶ εἰδώλων ἀρετῆσ, τοῦτο δὲ ἡ ῥητορικὴ πολιτικῆσ μορίου εἴδωλον. φαίη ἂν εἰσ αὐτὸν Ὅμηροσ. πότερον ταῦτα θρασύτερα καὶ προπετέστερα, ἢ τἀμὰ, ἐν οἷσ φημι Πλάτωνα ἀποδημῆσαι ὑπὲρ αὐτῶν, καί φημι ταῦτα λέγειν οὐ τὴν ἀποδημίαν κακίζων, ἀλλὰ τῇ ἀποδημίᾳ τὸν λόγον πιστούμενοσ. ναὶ, ἀλλ’ ἀπεστερήκαμεν αὐτὸν δόξησ φιλοσοφίασ, ὥσπερ ἐκεῖνοσ τοὺσ μὲν τῆσ τραγῳδίασ ποιητὰσ οὐδ’ ἐν λόγῳ τίθησιν, Ὅμηρον δὲ τραγῳδιοποιὸν προσείρηκεν, οὐ τοῦτον τούτῳ κοσμῶν, ἀλλὰ τούτουσ μὲν διὰ τούτων κολούων, τοῦτον δὲ ᾧ τιμᾷ καθαιρῶν. πλέον γὰρ οἶμαι τὴν τραγῳδίαν Ὁμήρῳ συνῄδεσαν οἱ Ἕλληνεσ. ἀλλ’ Ἐπίχαρμοσ δῆτα δικαίωσ αὐτῷ κωμῳδίασ ἄκροσ, ᾧ ταῦτ’ ἄριστα φαίην ἂν ἔγωγε ἔχειν ὅσα τῆσ φωνῆσ τῆσ Ἀττικῆσ ἐστιν ἐγγυτάτω. οὐκοῦν δεινὸν, εἰ οὗτοσ μὲν καὶ τραγῳδιοποιοὺσ καὶ κωμῳδιοποιοὺσ καὶ πόλιν καὶ πολιτείαν καὶ νόμουσ αὑτῷ καθίστησιν, ἡμῖν δὲ μηδὲ λόγου τινὸσ ἐξέσται πρὸσ αὐτὸν ἀμφισβητῆσαι, καὶ ταῦτα οὐ μύρῳ ἐπαλείφουσιν αὐτὸν, ἀλλὰ λόγοισ τοῖσ εὐφημοτάτοισ καὶ ὧν οὐδ’ ἂν αὐτὸσ μείζουσ ἠξίωσεν ἀκούειν ὑπὲρ αὑτοῦ. εἰ γὰρ ἓν μόνον εἴπομεν ἀρχόμενοι τῶν λόγων τῶν πρὸσ αὐτὸν, καλῶ δὲ ἐπὶ τῷ τολμήματι καὶ Ἑρμῆν λόγιον καὶ Ἀπόλλω μουσηγέτην καὶ Μούσασ ἁπάσασ, εἰ τοῦτο μόνον τὸ πάσασ ἐπεθήκαμεν, τίσ εἰσ τοσοῦτον ἂν ἠρκὼσ ἦν Πλάτωνα;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Πρὸσ Καπίτωνα 15:

(아리스티데스, 아일리오스, 연설, Πρὸσ Καπίτωνα 15:)

상위

목록

SEARCH

MENU NAVIGATION