헬라어 문장 검색 - ΑριστίΟρατιον́38́0́001́

(아리스티데스, 아일리오스, 연설, Συμμαχικὸσ α# 1:)

οὔτε Φιλίππου θαυμάσαι τισ ἂν, ὦ ἄνδρεσ Θηβαῖοι, τὰ εἰωθότα πράττοντοσ· πολὺ γὰρ πλείουσ ἐξαπατῶν ἢ τοῖσ ὅπλοισ κεχείρωται, ὃ καὶ νῦν καθ’ ὑμῶν ἐλπίζων πάρεστιν· ὅ τε δῆμοσ ὁ τῶν Ἀθηναίων τὴν εἰωθυῖαν ἑαυτῷ καὶ πάτριον τάξιν φυλάττων ἀπέστειλεν ἡμᾶσ δεῦρο, εἰ μὲν ἀγνοεῖτε, ἐν ὅτοισ εἰήτε διδάξοντασ, εἰ δ’ ἐπίστασθε, ὑφεξομένουσ τὴν βοήθειαν καὶ νὴ Δία δείξοντασ ὁμοῦ τοῖσ λόγοισ. ὑμέτερον δ’ ἐστὶ μὴ χείρουσ γενέσθαι τῆσ τύχησ, μηδ’ ὅσα μὲν καθ’ ὑμῶν ὁ καιρὸσ ἔχει συγκαταστῆσαι κύρια, ἃ δ’ ἀντίρροπα τούτων ὑπάρχει προεμένουσ ὕστερον ζητεῖν. ἓν μὲν οὖν εὖ ποιῶν ὡμολόγηκε Φίλιπποσ, τὰ πολλὰ ταῦτα καὶ θαυμαστὰ ἃ διεξῄεσαν ἀρτίωσ οἱ πρέσβεισ, αὐτοῦ χάριν, οὐχ ὑμῶν εἰργάσθαι· οὐ γὰρ ἂν ἐνταῦθ’ ἔληγεν οὐδ’ ᾔτει ταῦθ’ ἅπερ νυνί. ὑμεῖσ δ’ εἰ μὲν ἴσα ἀντ’ ἴσων ἀποδώσειν μέλλετε, οὐ νεμεσῶμεν, ἀλλ’ ἔστω ταυτὸν ἐκείνῳ τὸ δοκοῦν καὶ ὑμῖν δίκαιον· εἰ δ’ ἡ χάρισ δουλεύειν ἐστὶν, οὐδέτερόν μοι δοκῶ γιγνώσκειν, οὔθ’ ὁποῖον τοιοῦτον ἐκεῖνοσ ὑμᾶσ εὖ πεποίηκεν οὔθ’ ὅ τι τοσοῦτον μέμψασθε ὑμῖν αὐτοῖσ, ὥστε τοσαύτην ἐθελοντὰσ δοῦναι δίκην. σκέψασθε δ’ εὐθὺσ ἀπ’ αὐτοῦ τούτου τὸ διάφορον τῆσ πρεσβείασ ἑκατέρασ. Φίλιπποσ μὲν γὰρ ἀπέσταλκεν, αὑτῷ βοηθεῖν ἀξιῶν ὑμᾶσ, ἡμεῖσ δ’ ἥκομεν αὐτοὶ βοηθεῖν ὑμῖν ἐθέλοντεσ, ἐὰν δέχησθε. ὅτι δ’ οὐδὲν καινὸν οὐδ’ ἔξω τῶν εἰωθότων πράττομεν, ἕν τι τῶν πᾶσι γνωρίμων ἀναμνήσθητε. ὅτε γὰρ πρῶτον ἀπηλλάγητε Λακεδαιμονίων μετὰ τὴν πολλὴν ἐκείνην φιλίαν καὶ συνήθειαν, ἣν οὐχ ὑμεῖσ ἐλύσατε, ἀλλ’ ἐκεῖνοι, ταυτὸν Φιλίππῳ διανοηθέντεσ περὶ ὑμῶν, τότε τῶν πάντων Ἑλλήνων οὐδεὶσ, οὔθ’ ὅσοι τὴν Εὐρώπην οἰκοῦσι λέγω οὔθ’ ὅσοι τὴν Ἀσίαν, μεθ’ ὑμῶν ἐγένοντο πλὴν ἡμῶν τουτωνί·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Συμμαχικὸσ α# 1:

(아리스티데스, 아일리오스, 연설, Συμμαχικὸσ α# 1:)

상위

목록

SEARCH

MENU NAVIGATION