헬라어 문장 검색 - ΑριστίΟρατιον́30́0́012́

(아리스티데스, 아일리오스, 연설, Εἰσ τὸ ἐναντίον 12:)

οἶδα δὲ εἰσ Οἰνιάδασ Ἀκαρνάνων διαβάντασ, ὡσ οὐκ ἦν ἑλεῖν, ἀναχωρήσαντασ, Περικλέουσ, οὐ Νικίου στρατηγοῦντοσ· οἶδα δὲ τὴν Βοιωτίαν οὐ μικροῦ σχόντασ, ὥσπερ οὗτοι νῦν φασι τὰσ Συρακούσασ, ἀλλ’ ἑλόντασ πᾶσαν καὶ πάλιν ἐκλιπόντασ, ὡσ ἐπλήγημεν, τὴν τῶν ληφθέντων ἐν τῇ μάχῃ σωτηρίαν πλείονοσ ἀξίαν κρίναντασ. καὶ μὴν καὶ Ἀχαί̈αν γε καὶ ἕτερα μέμνησθε ἀποδόντεσ Πελοποννησίοισ ὑπὲρ εἰρήνησ. καίτοι ὅτε τῶν ἐκ τοῦ πολέμου πλεονεξιῶν ἑκόντεσ ἀπηλλάττεσθ’, ἵν’ εἰρήνη γένοιτο, ἦ που ἐν αὐτοῖσ γε τοῖσ τοῦ πολέμου πράγμασι καὶ ταῖσ ἀνάγκαισ εἰκὸσ μὴ διπλοῦσ τοὺσ κινδύνουσ ἐθέλειν προστίθεσθαι. οὗτοι δὲ καὶ διπλῶν πέρα καὶ οὐκ ἐλάττουσ ἢ τὸ θαρρεῖν ἀφαιρεῖσθαι. σκέψασθε δὴ καὶ τόδε, ὅτι Λακεδαιμόνιοι καθ’ ἕκαστον ἔτοσ ἐμβάλλοντεσ εἰσ τὴν Ἀττικὴν οὐκ ᾐσχύνοντο ἀναχωροῦντεσ, τοσαῦτα ὅσα ἠδύναντο βλάψαντεσ· καὶ νὴ Δία γε ἐνέβαλλον μὲν ἑώσ αὐτοῖσ περιῆν· ἐπεὶ δὲ ἔδεισαν ὑπὲρ τῆσ χώρασ, ἐπαύσαντο. νυνὶ δὲ πάλιν φρουροῦσιν ἐν Δεκελείᾳ, ἐπειδὴ περίεστι τῶν πραγμάτων αὐτοῖσ. τοσοῦτόν ἐστιν ὁ καιρὸσ καὶ τὸ ἐξεῖναι. οὐδεὶσ γὰρ ἀνθρώπων ἐκ προρρήσεωσ ἅπαντα κατεργάζεται οὐδ’ οἱ πόλεμοι δουλεύουσι ταῖσ ἐπιθυμίαισ, ἀλλ’ ἡ τύχη τὰ πλείω διαιρεῖ, ἧσ ὅσον δίδωσι μεταλαμβάνοντασ εἰδέναι τι χρὴ καὶ παριδεῖν. χωρὶσ δὲ τούτων ἐναντίοσ οὗτόσ ἐστιν ὁ λόγοσ αὐτῶν τῷ σοφωτέρῳ, ὃσ εἰ μηδὲν πράττοιεν οἱ νῦν ἀπελθόντεσ, ὡσ ἐξέσται καὶ ἀμφοῖν ἀναπλεῖν ἐπαγγέλλεται. εἰ μὲν γὰρ αἰσχρὸν τὸ φεύγειν κἂν ὁτιοῦν ἐν τοῖσ πράγμασιν, ἔτ’ αἴσχιον ἔσται τότε, ὅταν ἀμφοτέρουσ καταλαμβάνῃ τοὺσ στόλουσ. εἰ δ’ ἰσχυρὸν ἡ ἀνάγκη, τί δεῖ τὰ πράγματα ἀφέντασ φοβεῖν ὑμᾶσ τοῖσ ὀνόμασι; τοσούτῳ γὰρ βελτίων ἡ νῦν ἀναχώρησισ, ὅσῳ μάχασ τε νενικηκότεσ, ὦ Ἀθηναῖοι, καὶ κατὰ γῆν καὶ κατὰ θάλατταν καὶ τὰσ Συρακούσασ αὐτὰσ παρὰ μικρὸν ἐλθόντεσ ἔχειν, εἶτα ἀντιπεσούσησ τῆσ τύχησ ἀναστρέψομεν, ἀμφοῖν σημεῖα πᾶσιν ἀνθρώποισ καταλιπόντεσ, τῆσ τε ἐπὶ τῶν ἀγώνων εὐψυχίασ καὶ τῆσ πρὸσ τοὺσ καιροὺσ εὐαρμοστίασ, καὶ οὔτε Συρακοσίων οὔτε Σελινουντίων οὔτ’ ἄλλοσ οὐδεὶσ τῶν ἐκεῖ κομπάσεται καθ’ ἡμῶν οὐδ’ ὡσ ἐξήλασεν ἕξει λέγειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Εἰσ τὸ ἐναντίον 12:

(아리스티데스, 아일리오스, 연설, Εἰσ τὸ ἐναντίον 12:)

상위

목록

SEARCH

MENU NAVIGATION