헬라어 문장 검색 - ΑριστίΟρατιον́29́0́011́

(아리스티데스, 아일리오스, 연설, Περὶ τοῦ πέμπειν βοήθειαν τοῖσ ἐν Σικελίᾳ 11:)

αὐτὴ γὰρ ἑαυτὴν σώζει. ὥσπερ γὰρ ἐν τοῖσ ἰδίοισ οἴκοισ ἑνὶ μὲν καὶ δυοῖν οἰκέταιν χαλεπὸν χρήσασθαι, οἱ δὲ πολλοὶ κατὰ ἀλλήλων ὑπάρχουσιν, οὕτω κἀν ταῖσ δυναστείαισ τὸ πλῆθοσ τῶν δεδουλωμένων βεβαιοῖ τὴν ἰσχὺν τοῖσ προειληφόσι· πάντεσ γὰρ ἐν κύκλῳ δεδίασιν ἀλλήλουσ. οὕτω δὴ καὶ ἡ Σικελία τοῖσ ἐνταῦθ’ ἡμῖν οὖσι προσγενομένη αὐτή τε διὰ τούτων σωθήσεται καὶ τἀνταῦθα ἀκριβώσει καὶ σύνδεσμοσ, εἰ χρὴ τἀληθὲσ εἰπεῖν, τῆσ ἀρχῆσ καθεστήξει. χειρωθέντεσ γὰρ ἄνθρωποι πολλοὶ καὶ παντοδαποὶ γένοσ, οὐχ ἕξουσιν ἀποστροφὴν, ἀλλὰ πᾶν τὸ μὴ περαιτέρω τοῦ παρόντοσ κακὸν ὥσπερ ἑρ́μαιον ἡγήσονται τοῖσ ὅλοισ ἀπειπόντεσ. ἀλλ’ ἐνταῦθα γὰρ ἤδη τῶν φόβων εἰήμεν· ἐγὼ δὲ ἑτέρουσ ἐγγυτέρω τούτων ὁρῶ, τὸ ναυτικὸν εἰ κινήσαιμεν, ὦ Ἀθηναῖοι, νῦν ἐκ Σικελίασ. καὶ οὐκ ἐκ τῶν Βάκιδοσ χρησμῶν οὐδ’ Ἀμφιλύτου μαθεῖν δεῖ με, ἀλλ’ αὐτὸσ εὖ εἰδὼσ ὑμῖν προλέγω Συρακοσίουσ καὶ Σελινουντίουσ καὶ πάντασ τοὺσ ἐκεῖθεν πολεμίουσ δεῦρ’ ἥξοντασ, ἂν αὐτοὺσ καλέσωμεν. τούτουσ γὰρ οὐχ ἧττον καλοῦμεν ἢ τοὺσ ἡμετέρουσ αὐτῶν, ἂν ἅ τινεσ κελεύουσι ψηφιζώμεθα. οὐ γὰρ ἐξαρκέσει Συρακοσίοισ, εἴ γε μηδὲν πεπόνθασιν, ἀλλὰ τοῦτο μὲν τῇ τύχῃ καὶ Λακεδαιμονίοισ λογιοῦνται τοῖσ ἀφῃρημένοισ, ἡμᾶσ δὲ ἐχθροὺσ μὲν ὁμοίωσ ὥσπερ ἂν εἰ παρεστησάμεθα αὐτοὺσ, δυνατὸν δ’ εἶναι νῦν μόνωσ ἀμύνασθαι, κρινοῦσι. καίτοι θαυμαστὸν εἴ τισ, ὦ Ἀθηναῖοι, τὸ μὲν ἐν τῷ Συρακοσίων λιμένι τριήρεισ ἡμετέρασ εἶναι φοβερὸν κρίνει τῇ πόλει, τὸ δὲ τὰσ τῶν Συρακοσίων καὶ τῶν συμμάχων εἰσ τὸν Πειραιᾶ καταπλεῦσαι, τοῦθ’ ὥσπερ σωτήριον τοῖσ πράγμασι προσδοκᾷ. εἰ μὲν γὰρ ἔστι τισ ἡμῖν ἐγγυητὴσ, ὡσ ἐκεῖνοι τὴν ἡσυχίαν ἄξουσι, καὶ οὐκ ἐθελήσουσι τὴν αὐτὴν ἀποδοῦναι χάριν Λακεδαιμονίοισ ἧσπερ οὗτοι νῦν ὑπῆρξαν εἰσ αὐτοὺσ, ἐφ’ ἡμῖν εἶναι νομίζωμεν ὁπότερ’ ἂν βουλώμεθα τούτων. εἰ δ’ οὐχ οὕτω φευξόμεθα αὐτοὺσ, ὡσ μὴ ὅποι ποτ’ ἂν ἡμῖν ἐπίωσιν, ἐνταῦθα ἀναγκαίωσ ἔχειν ἀμύνασθαι, τί τὴν Ἀττικὴν ταραχῆσ ἐμπίπλαμεν ἀμελήσαντεσ τῆσ Σικελίασ; καὶ τί μεθίσταμεν ἐνταῦθα τὸν πόλεμον, ἐξὸν κατέχειν ἐκείνουσ, ὅπωσ μήθ’ ἑκόντεσ μήτ’ ἄκοντεσ προί̈ωσι τῆσ αὑτῶν; ἢ τὸ μὲν ἡμᾶσ βουλεύεσθαι περὶ ἐκείνων δυσχερὲσ, τὸ δ’ ἐκείνοισ ἐγγενέσθαι περὶ ἡμῶν οὐκέτ’ ἔσχατον ἁπάντων;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Περὶ τοῦ πέμπειν βοήθειαν τοῖσ ἐν Σικελίᾳ 11:

(아리스티데스, 아일리오스, 연설, Περὶ τοῦ πέμπειν βοήθειαν τοῖσ ἐν Σικελίᾳ 11:)

상위

목록

SEARCH

MENU NAVIGATION