헬라어 문장 검색 - ΑριστίΟρατιον́29́0́005́

(아리스티데스, 아일리오스, 연설, Περὶ τοῦ πέμπειν βοήθειαν τοῖσ ἐν Σικελίᾳ 5:)

εἰ δ’ αὖ μηδενὸσ ἡμῖν τοσούτου προκεκομμένου λόγον εἶχεν ἡ πεῖρα, εὔδηλον ὡσ αὐταῖσ γε ταῖσ Συρακούσαισ νῦν προσκαθημένων καὶ τῆσ ἔξω χώρασ ὑφ’ ἡμῖν οὔσησ ῥᾳδίωσ ἕτεροσ στόλοσ παρακύψασ ἅπαν τὸ λοιπὸν ἐξεργάσεται. μὴ γὰρ οἰέσθε Συρακοσίουσ μὲν ἐπελθόντοσ Γυλίππου δυοῖν τριήροιν ἀναθαρρῆσαι, τοὺσ δ’ ἡμετέρουσ στρατιώτασ, ὅσην εἰκὸσ πεμψάντων ὑμῶν δύναμιν, μὴ πολὺ μείζουσ τὰσ γνώμασ ἔσεσθαι, οἷσ ἅμα τῇ τῶν οἰκείων ὄψει καὶ τὸ συνειδέναι τὸ πλῆθοσ ὧν ἐφ’ αὑτῶν κατώρθωσαν μεγάλη πρὸσ εὐθυμίαν προϋπάρχει ῥοπή. καὶ μὴν, ὦ Ἀθηναῖοι, τὸ μὲν ἐξ ἀρχῆσ ἀποψηφίσασθαι τὸν πλοῦν γνώμῃ κεχρημένων, τὸ δ’ οὐ μόνον ἐψηφισμένουσ, ἀλλὰ καὶ δύναμιν τοσαύτην ἀποστείλαντασ καὶ πᾶσι περιφανεῖσ ἐφ’ οἷσ διενοήθημεν γεγενημένουσ. εἶτ’ ἀνακαλεῖν, δυοῖν ἅπασιν ἔσται σημεῖον, ἀβουλίασ καὶ ἀνανδρείασ· ἀβουλίασ μὲν, εἰ μηδὲν τούτων ἐξ ἀρχῆσ εἴδομεν, ἀνανδρείασ δ’, εἰ φεύγειν Συρακοσίουσ δόξομεν. καίτοι κέρδοσ μὲν οὐδὲν οὕτω τῶν πάντων δή που τίμιον ὥσθ’ ἕνεκα αὐτοῦ τοσαύτην αἰσχύνην ὑποστῆναι, καὶ ταῦτ’ Ἀθηναίουσ ὄντασ, οἷσ οὐκ εἴ τι πεισόμεθα εἰσ πλείω λόγον ἥκει σκοπεῖν, ἀλλὰ τί πράξαντεσ ἐν καλῷ τοῦ σχήματοσ εἰήμεν ἄν. οὐ μὴν οὐδὲ τοῦτό γ’ ἂν εἴποι τισ, ὡσ ἔσθ’ ὅ τι κερδανοῦμεν, ταῦτα καὶ τὰ τοιαῦτα ὀνείδη νῦν ὑποστάντεσ. ἐχθρῶσ μὲν γὰρ οὐδὲν ἧττον δή που τούσ γε ἐπιβουλευθέντασ ἀνάγκη κεκινῆσθαι, ἐάν τε ἐξεργασώμεθα τὴν ἐπιχείρησιν ἐάν τε μὴ, τῇ δὲ ἔχθρᾳ τὸ δοκεῖν χείρουσ εἶναι προστιθέμεθα. οὐκοῦν αἰσχύνη πλέον, οὐ κέρδοσ τὸ φυγεῖν γίγνεται· οὐκ, ἐάν γε ἐμοὶ πείθησθε. ἀλλ’ ἐπειδὴ ἀναγκαῖον τὸ τῆσ ἔχθρασ, ἔργου τινὸσ αὐτὸ τιμησόμεθα ἀξίου, κἀκεῖνο εἰσόμεθα ὅτι ἐπεξιόντεσ μὲν οἷσ ἐγνώκαμεν πολεμίων ἡμᾶσ αὐτοὺσ ἀπαλλάττομεν, ἀποδράντεσ δὲ ἀπὸ τῶν πραγμάτων πολεμίουσ ἡμῖν αὐτοῖσ ὑπολείπομεν. οὕτω τὸ μὲν πρέπον αἱρούμενοι καὶ τὴν ὠφέλειαν ἅμ’ αὐτῷ κτώμεθα, τῷ δ’ αἰσχρῷ τὴν βλάβην ἐπισπώμεθα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristides, Aelius, Orationes, Περὶ τοῦ πέμπειν βοήθειαν τοῖσ ἐν Σικελίᾳ 5:

(아리스티데스, 아일리오스, 연설, Περὶ τοῦ πέμπειν βοήθειαν τοῖσ ἐν Σικελίᾳ 5:)

상위

목록

SEARCH

MENU NAVIGATION