헬라어 문장 검색 - Αππιαν́ΤηεΞιϝί2́18́08́

(아피아노스, The Civil Wars, book 2, chapter 18 8:)

Σιωπήν τε κατακηρύξασ αὖθισ ἔλεγεν· καὶ τοῦδε μὲν ὑμῖν καὶ ἡ παρελθοῦσα νὺξ τὴν εἰκόνα ἔδειξε. "ἐγὼ περὶ μὲν τῶν ἁμαρτόντων πολιτῶν, ὦ ἄνδρεσ ὁμότιμοι, σκεπτομένοισ ὑμῖν οὐδὲν ἐπεφθεγγόμην· περὶ δὲ Καίσαροσ ἀντ’ ἐκείνων ψῆφον αἰτοῦσιν ἓν ἐκ τῶν Καίσαροσ ἔργων προύθηκα μέχρι νῦν, καὶ τοσούτουσ ἡμῖν τὸ ἓν ἀγῶνασ ἤγειρεν, οὐκ ἀλόγωσ· εἰ γὰρ ἀποθησόμεθα τὰσ ἀρχάσ, ὁμολογήσομεν ἄνδρεσ τοσοίδε καὶ τοιοίδε ἀναξίωσ αὐτῶν τετυχηκέναι. ὅσα δ’ οὖν μηδὲ ἐπακούσεται ῥᾳδίωσ, ἐπισκέψασθε νῦν αὐτὰ καὶ συναριθμεῖτε κατά τε πόλεισ καὶ κατὰ ἔθνη καὶ βασιλέασ καὶ δυνάστασ. πάντα γὰρ δὴ σχεδὸν εἰπεῖν, ὅσα ἐξ ἠοῦσ ἐπὶ δύσιν ὁ Καῖσαρ ἡμῖν ἐχειρώσατο δυνάμει καὶ κράτει, συνεστήσατο, νόμοισ καὶ χάρισι καὶ φιλανθρωπίαισ βεβαιωσάμενοσ· ὧν τίνασ ὑποστήσεσθαι δοκεῖτε ἀφαιρουμένουσ, ἃ ἔλαβον, εἰ μὴ πάντα ἐμπλῆσαι πολέμων ἐθέλετε, οἳ τῇ πατρίδι ὡσ ἀσθενεστάτῃ μάλιστα οὔσῃ τοὺσ ἐναγεῖσ περισῴζειν ἀξιοῦτε; "Καὶ τὰ μὲν πορρωτέρω τοῖσ τε δεινοῖσ ἔτι καὶ τοῖσ φόβοισ ἀφεστηκότα ἐάσω· ἃ δὲ οὐκ ἀγχοῦ μόνον ἐστὶν ἡμῖν, ἀλλὰ σύνοικα ἀνὰ τὴν Ἰταλίαν αὐτήν, τοὺσ τὰ νικητήρια λαβόντασ καὶ κατὰ πλῆθοσ ἅμα τοῖσ ὅπλοισ, ὡσ ἐστρατεύοντο, ὑπὸ τῇ αὐτῇ συντάξει συνῳκισμένουσ ὑπὸ Καίσαροσ, ὧν ἔτι πολλαὶ μυριάδεσ εἰσὶν ἐν τῇ πόλει, τί νομίζετε πράξειν ἀφαιρουμένουσ, ὧν εἰλήφασιν ἢ προσδοκῶσι λήψεσθαι πόλεών τε καὶ χωρίων;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 2, chapter 18 8:

(아피아노스, The Civil Wars, book 2, chapter 18 8:)

상위

목록

SEARCH

MENU NAVIGATION