헬라어 문장 검색 - Αππιαν́ΤηεΞιϝί2́13́06́

(아피아노스, The Civil Wars, book 2, chapter 13 6:)

Οἱ δὲ σὺν θορύβῳ τε ἄνοπλοι συνέτρεχον καί, ὡσ ἔθοσ, ἄφνω φανέντα σφίσιν ἠσπάζοντο αὐτοκράτορα. ὅπερ ἐστὶ σύμβολον ἀφειμένων τῆσ στρατείασ καὶ ἰδιωτευόντων. κελεύσαντοσ δ’ ὅ τι θέλοιεν εἰπεῖν, περὶ μὲν τῶν δωρεῶν ἐσ ὄψιν εἰπεῖν αὐτοῦ παρόντοσ οὐδὲ ἐτόλμησαν ὑπὸ τῆσ αὐτῆσ ἐκπλήξεωσ, ὡσ δὲ μετριώτερον, ἀφεθῆναι τῆσ στρατείασ ἀνεβόησαν, ἐλπίσαντεσ στρατοῦ δεόμενον ἐσ τοὺσ ὑπολοίπουσ πολέμουσ αὐτὸν ἐρεῖν τι καὶ περὶ τῶν δωρεῶν. ὁ δὲ παρὰ τὴν ἁπάντων δόξαν οὐδὲ μελλήσασ ἀπεκρίνατο· "ἀφίημι. " καταπλαγέντων δ’ αὐτῶν ἔτι μᾶλλον καὶ σιωπῆσ βαθυτάτησ γενομένησ ἐπεῖπε· "καὶ δώσω γε ὑμῖν τὰ ἐπηγγελμένα ἅπαντα, ὅταν θριαμβεύσω μεθ’ ἑτέρων. " ἀδοκήτου δ’ αὐτοῖσ ἅμα καὶ τοῦδε καὶ φιλανθρώπου φανέντοσ, αἰδὼσ αὐτίκα πᾶσιν ἐνέπιπτεν καὶ λογισμὸσ μετὰ ζήλου, εἰ δόξουσι μὲν αὐτοὶ καταλιπεῖν σφῶν τὸν αὐτοκράτορα ἐν μέσοισ τοσοῖσδε πολεμίοισ, θριαμβεύσουσι δ’ ἀνθ’ αὑτῶν ἕτεροι καὶ σφεῖσ τῶν ἐν Λιβύῃ κερδῶν ἐκπεσοῦνται, μεγάλων ἔσεσθαι νομιζομένων, ἐχθροί τε ὁμοίωσ αὐτοῦ τε Καίσαροσ ἔσονται καὶ τῶν πολεμίων. δείσαντεσ οὖν ἔτι μᾶλλον ἡσύχαζον ἐξ ἀπορίασ, ἐλπίζοντεσ ἐνδώσειν τι καὶ τὸν Καίσαρα καὶ μεταγνώσεσθαι διὰ τὴν ἐν χερσὶ χρείαν. ὁ δ’ ἀνθησύχαζε καὶ τῶν φίλων αὐτὸν παρακαλούντων ἐπιφθέγξασθαί τι πρὸσ αὐτοὺσ ἄλλο καὶ μὴ βραχεῖ καὶ αὐστηρῷ λόγῳ πολλὰ συνεστρατευμένουσ ἐγκαταλιπεῖν, ἀρχόμενοσ λέγειν πολίτασ ἀντὶ στρατιωτῶν προσεῖπεν·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 2, chapter 13 6:

(아피아노스, The Civil Wars, book 2, chapter 13 6:)

상위

목록

SEARCH

MENU NAVIGATION