헬라어 문장 검색 - Αππιαν́ΤηεΞιϝί2́12́02́

(아피아노스, The Civil Wars, book 2, chapter 12 2:)

Ὁ μὲν δὴ διὰ τάδε ἐσ τὴν Αἴγυπτον ἔπλει· ἅμα δὲ ταῦτ’ ἐγίγνετο, καὶ ὁ στρατὸσ ὥσπερ ἐπὶ τιμῇ τοῦ Πομπηίου παρὰ τὸν αἰγιαλὸν ἐξετάσσετο ἅπασ, καὶ ὁ βασιλεὺσ ἐν μέσῳ τῇ φοινικίδι κατάδηλοσ ἦν περικειμένῃ. ἄρτι δ’ ἐκπεσούσησ ἀπ’ Αἰγύπτου Κλεοπάτρασ, ἣ τῷ ἀδελφῷ συνῆρχε, καὶ στρατὸν ἀμφὶ τὴν Συρίαν ἀγειρούσησ, Πτολεμαῖοσ ὁ τῆσ Κλεοπάτρασ ἀδελφὸσ ἀμφὶ τὸ Κάσσιον τῆσ Αἰγύπτου ταῖσ Κλεοπάτρασ ἐσβολαῖσ ἐφήδρευε, καί πωσ κατὰ δαίμονα ἐσ τὸ Κάσσιον τὸ πνεῦμα τὸν Πομπήιον κατέφερε. θεασάμενοσ δὲ στρατὸν ἐπὶ τῆσ γῆσ πολὺν ἔστησε τὸν πλοῦν καὶ εἴκασεν, ὅπερ ἦν, παρεῖναι τὸν βασιλέα. πέμψασ τε ἔφραζε περὶ ἑαυτοῦ καὶ τῆσ τοῦ πατρὸσ φιλίασ. ὁ δὲ ἦν μὲν περὶ τρισκαίδεκα ἔτη μάλιστα γεγονώσ, ἐπετρόπευον δ’ αὐτῷ τὴν μὲν στρατιὰν Ἀχιλλᾶσ, τὰ δὲ χρήματα Ποθεινὸσ εὐνοῦχοσ· οἳ βουλὴν προυτίθεντο περὶ τοῦ Πομπηίου. καὶ παρὼν ὁ Σάμιοσ Θεόδοτοσ ὁ ῥήτωρ, διδάσκαλοσ ὢν τοῦ παιδόσ, ἀθέμιστον εἰσηγεῖτο ἔργον, ἐνεδρεῦσαι καὶ κτεῖναι Πομπήιον ὡσ χαριουμένουσ Καίσαρι. κυρωθείσησ δὲ τῆσ γνώμησ σκάφοσ εὐτελὲσ ἐπ’ αὐτὸν ἐπέμπετο, ὡσ τῆσ θαλάσσησ οὔσησ ἁλιτενοῦσ καὶ μεγάλαισ ναυσὶν οὐκ εὐχεροῦσ, ὑπηρέται τέ τινεσ τῶν βασιλικῶν ἐνέβαινον ἐσ τὸ σκάφοσ. καὶ Σεμπρώνιοσ, ἀνὴρ Ῥωμαῖοσ τότε μὲν τῷ βασιλεῖ, πάλαι δὲ αὐτῷ Πομπηίῳ στρατευσάμενοσ, δεξιὰν ἔφερε παρὰ τοῦ βασιλέωσ τῷ Πομπηίῳ καὶ ἐκέλευεν ὡσ ἐσ φίλον τὸν παῖδα διαπλεῦσαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 2, chapter 12 2:

(아피아노스, The Civil Wars, book 2, chapter 12 2:)

상위

목록

SEARCH

MENU NAVIGATION