Appian, The Civil Wars, book 2, chapter 1 4:

(아피아노스, The Civil Wars, book 2, chapter 1 4:)

Ὧδε μὲν Λέντλῳ καὶ Κεθήγῳ καὶ Στατιλίῳ καὶ Κασσίῳ, τοῖσ ἄρχουσι τῆσ ἐπαναστάσεωσ, ἐδέδοκτο, καὶ τὸν καιρὸν ἐπετήρουν· Ἀλλοβρίγων δὲ πρέσβεισ, αἰτιώμενοι τοὺσ ἡγουμένουσ αὑτῶν, . . . ἐσ τὴν Λέντλου συνωμοσίαν ἐπήχθησαν ὡσ ἀναστήσοντεσ ἐπὶ Ῥωμαίουσ τὴν Γαλατίαν. καὶ Λέντλοσ μὲν αὐτοῖσ συνέπεμπεν ἐσ Κατιλίναν Βουλτούρκιον, ἄνδρα Κροτωνιάτην, γράμματα χωρὶσ ὀνομάτων γεγραμμένα φέροντα· οἱ δ’ Ἀλλόβριγεσ ἐνδοιάσαντεσ ἐκοινώσαντο Φαβίῳ Σάγγᾳ, ὃσ ἦν τῶν Ἀλλοβρίγων προστάτησ, ὥσπερ ἁπάσαισ πόλεσιν ἔστι τισ ἐν Ῥώμῃ προστάτησ. παρὰ δὲ τοῦ Σάγγα μαθὼν ὁ Κικέρων συνέλαβεν ἀπιόντασ τοὺσ Ἀλλόβριγάσ τε καὶ Βουλτούρκιον καὶ ἐσ τὴν βουλὴν εὐθέωσ ἐπήγαγεν· οἱ δ’ ὡμολόγουν, ὅσα τοῖσ ἀμφὶ τὸν Λέντλον συνῄδεσαν, ἀχθέντασ τε ἤλεγχον, ὡσ ὁ Κορνήλιοσ Λέντλοσ εἴποι πολλάκισ εἱμάρθαι τρεῖσ Κορνηλίουσ γενέσθαι Ῥωμαίων μονάρχουσ, ὧν ἤδη Κίνναν καὶ Σύλλαν γεγονέναι.

일치하는 문장이 없습니다.

SEARCH

MENU NAVIGATION