헬라어 문장 검색 - Διοδορ́Λιβραρψ́8́49́

(디오도로스 시켈로스, Library, book xv, chapter 93)

μετ’ ὀλίγον δὲ ὁ μὲν βασιλεὺσ τῶν Περσῶν ἐτελεύτησεν ἄρξασ ἔτη τρία πρὸσ τοῖσ τετταράκοντα, τὴν δὲ βασιλείαν διεδέξατο Ὦχοσ ὁ μετονομασθεὶσ Ἀρταξέρξησ, καὶ ἐβασίλευσεν ἔτη τρία πρὸσ τοῖσ εἴκοσι· τοῦ γὰρ Ἀρταξέρξου καλῶσ βεβασιλευκότοσ καὶ γενομένου παντελῶσ εἰρηνικοῦ καὶ ἐπιτυχοῦσ, τοὺσ μετὰ τοῦτον βασιλεύοντασ μετωνόμαζον καὶ τὴν τούτου προσηγορίαν ἔχειν προσέταττον. τοῦ δὲ βασιλέωσ Ταχὼ ἐπανελθόντοσ πρὸσ τοὺσ περὶ τὸν Ἀγησίλαον, Νεκτανεβὼσ ἠθροικὼσ στρατιώτασ πλείουσ τῶν δέκα μυριάδων ἧκεν ἐπὶ τὸν Ταχώ, καὶ προεκαλεῖτο περὶ τῆσ βασιλείασ διαγωνίσασθαι.

ὁ μὲν οὖν Ἀγησίλαοσ ὁρῶν τὸν βασιλέα καταπεπληγμένον καὶ μὴ τολμῶντα διακινδυνεύειν, παρεκάλει θαρρεῖν· τῆσ γὰρ νίκησ τυγχάνειν οὐ τοὺσ κατὰ τὸ πλῆθοσ προέχοντασ, ἀλλὰ τοὺσ κατὰ τὰσ ἀνδραγαθίασ πρωτεύοντασ· οὐ προσέχοντοσ δ’ αὐτοῦ συνηναγκάσθη μετ’ αὐτοῦ ποιήσασθαι τὴν ἀναχώρησιν εἴσ τινα πόλιν εὐμεγέθη. οἱ δ’ Αἰγύπτιοι τὸ πρῶτον ἐπολιόρκουν τοὺσ συγκεκλεισμένουσ·

ἐπεὶ δὲ πολλοὺσ ἐν ταῖσ τειχομαχίαισ ἀπέβαλον, τείχει καὶ τάφρῳ περιελάμβανον τὴν πόλιν. ταχὺ δὲ τῶν ἔργων συντελουμένων διὰ τὴν πολυχειρίαν, καὶ τῶν ἐπιτηδείων ἐξαναλωθέντων, ὁ μὲν Ταχὼσ ἀπέγνω τὴν σωτηρίαν, ὁ δὲ Ἀγησίλαοσ παρακαλέσασ τοὺσ στρατιώτασ, καὶ νυκτὸσ ἐπιθέμενοσ τοῖσ πολεμίοισ, διέσωσεν ἅπαντασ τοὺσ στρατιώτασ ἀνελπίστωσ. ἐπιδιωξάντων δὲ τῶν Αἰγυπτίων καὶ τῶν τόπων ὄντων πεδινῶν, οἱ μὲν Αἰγύπτιοι διέλαβον τῷ πλήθει κεκυκλῶσθαι τοὺσ πολεμίουσ καὶ πάντασ ἄρδην ἀναιρήσειν, ὁ δὲ Ἀγησίλαοσ καταλαβόμενοσ τόπον, ὃσ εἶχεν ἐξ ἑκατέρου μέρουσ διώρυγα ποταμοῦ χειροποίητον, ὑπέμενε τὴν τῶν πολεμίων ἔφοδον.

ἐκτάξασ δὲ τὴν δύναμιν οἰκείωσ τοῖσ τόποισ, καὶ τοῖσ τοῦ ποταμοῦ ῥείθροισ ὀχυρώσασ τὴν στρατιάν, συνῆψε μάχην.

τοῦ δὲ πλήθουσ τοῖσ Αἰγυπτίοισ ἀχρήστου γενομένου, ταῖσ ἀρεταῖσ προέχοντεσ οἱ Ἕλληνεσ πολλοὺσ μὲν ἀπέκτειναν τῶν Αἰγυπτίων, τοὺσ δὲ λοιποὺσ φεύγειν ἠνάγκασαν. μετὰ δὲ ταῦτα ὁ μὲν Ταχὼσ ῥᾳδίωσ ἀνεκτήσατο τὴν κατ’ Αἴγυπτον βασιλείαν, ὁ δ’ Ἀγησίλαοσ ὡσ μόνοσ κατωρθωκὼσ τὴν βασιλείαν ἐτιμήθη προσηκούσαισ δωρεαῖσ.

ἐπανιὼν δὲ εἰσ τὴν πατρίδα διὰ Κυρήνησ ἐτελεύτησε, καὶ τοῦ σώματοσ ἐν μέλιτι κομισθέντοσ εἰσ τὴν Σπάρτην ἔτυχε τῆσ βασιλικῆσ ταφῆσ τε καὶ τιμῆσ. καὶ τὰ μὲν κατὰ τὴν Ἀσίαν μέχρι τούτων προέβη κατὰ τοῦτον τὸν ἐνιαυτόν. κατὰ δὲ τὴν Πελοπόννησον τοῖσ Ἀρκάσι γενομένησ εἰρήνησ κοινῆσ μετὰ τὴν ἐν Μαντινείᾳ μάχην, ἐνιαυτὸν μόνον ἐμμείναντεσ τοῖσ ὁρ́κοισ πάλιν κατέστησαν τὸν πόλεμον.

ἐν μὲν γὰρ τοῖσ ὁρ́κοισ ἦν γεγραμμένον ἑκάστουσ εἰσ τὴν ἑαυτῶν ἀπιέναι πατρίδα μετὰ τὴν μάχην, εἰσ δὲ τὴν Μεγάλην πόλιν ὑπῆρχον αἱ περιοικοῦσαι πόλεισ μετῳκισμέναι καὶ δυσχερῶσ φέρουσαι τὴν ἐκ τῆσ πατρίδοσ μετάστασιν. διόπερ αὐτῶν ἐπανελθόντων εἰσ τὰσ προγεγενημένασ πόλεισ, οἱ Μεγαλοπολῖται συνηνάγκαζον ἐκλιπεῖν τὰσ πατρίδασ. διὰ δὲ ταύτην τὴν αἰτίαν γενομένησ διαφορᾶσ, οἱ μὲν ἐκ τῶν πολισμάτων ἠξίουν αὐτοῖσ βοηθεῖν Μαντινεῖσ καὶ τῶν ἄλλων Ἀρκάδων τινάσ, ἔτι δὲ Ἠλείουσ καὶ τοὺσ ἄλλουσ τοὺσ μετεσχηκότασ τοῖσ Μαντινεῦσι συμμαχίασ·

οἱ δὲ Μεγαλοπολῖται τοὺσ Θηβαίουσ παρεκάλουν συμμαχεῖν. οἷσ ἀπέστειλαν συντόμωσ ὁπλίτασ μὲν τρισχιλίουσ, ἱππεῖσ δὲ τριακοσίουσ, ὧν τὴν στρατηγίαν εἶχε Παμμένησ. οὗτοσ δὲ παρελθὼν εἰσ Μεγάλην πόλιν, καὶ τῶν πολισμάτων ἃ μὲν ἐκπορθήσασ, ἃ δὲ καταπληξάμενοσ, συνηνάγκασεν εἰσ τὴν Μεγάλην πόλιν μετοικῆσαι.

καὶ τὰ μὲν περὶ τὸν συνοικισμὸν τῶν πόλεων ἐπὶ τοσοῦτο ταραχῆσ ἐλθόντα ἔτυχεν ἐνδεχομένησ καταστολῆσ. τῶν δὲ συγγραφέων Ἀθάνασ ὁ Συρακόσιοσ τῶν περὶ Δίωνα πράξεων ἐντεῦθεν ἀρξάμενοσ ἔγραψε μὲν βύβλουσ τρισκαίδεκα, προανέλαβε δὲ τὸν ἄγραφον χρόνον ἐτῶν ἑπτὰ ἀπὸ τῆσ Φιλίστου συντάξεωσ ἐν μιᾷ βύβλῳ, καὶ διελθὼν τὰσ πράξεισ ἐν κεφαλαίοισ συνεχῆ τὴν ἱστορίαν ἐποίησεν.

ἐπ’ ἄρχοντοσ δ’ Ἀθήνησι Νικοφήμου τὴν ὑπατικὴν ἀρχὴν ἐν Ῥώμῃ διέλαβε Γάιοσ Σολπίκιοσ καὶ Γάιοσ Λικίνιοσ.

ἐπὶ δὲ τούτων Ἀλέξανδροσ μὲν ὁ Φερῶν τύραννοσ λῃστρίδασ ναῦσ ἐκπέμψασ ἐπὶ τὰσ Κυκλάδασ νήσουσ, τινὰσ μὲν ἐκπολιορκήσασ πολλῶν σωμάτων ἐκυρίευσεν, εἰσ δὲ τὴν Πεπάρηθον ἀποβιβάσασ μισθοφόρουσ στρατιώτασ ἐπολιόρκει τὴν πόλιν. Ἀθηναίων δὲ βοηθησάντων τοῖσ Πεπαρηθίοισ, καὶ στρατηγὸν Λεωσθένην ἀπολιπόντων, ἐπέθετο τοῖσ Ἀθηναίοισ·

ἐτύγχανον δ’ οὗτοι παραφυλάττοντεσ τοὺσ ἐν τῷ Πανόρμῳ διατρίβοντασ τῶν Ἀλεξάνδρου στρατιωτῶν. ἀπροσδοκήτωσ δὲ ἐπιθεμένων τῶν τοῦ δυνάστου, παράδοξοσ εὐημερία περὶ τὸν Ἀλέξανδρον ἐγένετο. οὐ μόνον γὰρ τοὺσ ἀπεσταλμένουσ ἐν τῷ Πανόρμῳ διέσωσεν ἐκ τῶν μεγίστων κινδύνων, ἀλλὰ καὶ τριήρεισ μὲν Ἀττικὰσ πέντε, μίαν δὲ Πεπαρηθίαν εἷλε, καὶ σωμάτων ἐκυρίευσεν ἑξακοσίων. οἱ δ’ Ἀθηναῖοι παροξυνθέντεσ τοῦ μὲν Λεωσθένουσ ὡσ προδότου θάνατον κατέγνωσαν καὶ τὴν οὐσίαν ἐδήμευσαν, ἑλόμενοι δὲ στρατηγὸν Χάρητα καὶ ναυτικὴν δύναμιν δόντεσ ἐξέπεμψαν.

οὗτοσ δὲ τοὺσ μὲν πολεμίουσ εὐλαβούμενοσ, τοὺσ δὲ συμμάχουσ ἀδικῶν διετέλει. καταπλεύσασ γὰρ εἰσ Κόρκυραν συμμαχίδα πόλιν, στάσεισ ἐν αὐτῇ μεγάλασ ἐκίνησεν, ἐξ ὧν συνέπεσε γενέσθαι σφαγὰσ πολλὰσ καὶ ἁρπαγάσ, δι’ ἃσ συνέβη τὸν δῆμον τῶν Ἀθηναίων διαβληθῆναι παρὰ τοῖσ συμμάχοισ. ὁ μὲν οὖν Χάρησ καὶ ἕτερα τοιαῦτα παρανομῶν ἀγαθὸν μὲν οὐδὲν διεπράξατο, τῇ δὲ πατρίδι διαβολάσ. τῶν δὲ συγγραφέων Διονυσόδωροσ καὶ Ἄναξισ οἱ Βοιωτοὶ τὴν τῶν Ἑλληνικῶν ἱστορίαν εἰσ τοῦτον τὸν ἐνιαυτὸν κατεστρόφασι τὰσ συντάξεισ.

ἡμεῖσ δὲ τὰσ πρὸ Φιλίππου τοῦ βασιλέωσ πράξεισ διεληλυθότεσ, ταύτην μὲν τὴν βύβλον κατὰ τὴν ἐν ἀρχῇ πρόθεσιν αὐτοῦ περιγράφομεν, τὴν δ’ ἐχομένην ἀπὸ τῆσ Φιλίππου παραλήψεωσ τῆσ βασιλείασ ἀρξάμενοι πάσασ διέξιμεν τὰσ τοῦ βασιλέωσ τούτου πράξεισ μέχρι τῆσ τελευτῆσ, συμπεριλαμβάνοντεσ καὶ τὰσ ἄλλασ τὰσ γεγενημένασ ἐν τοῖσ γνωριζομένοισ μέρεσι τῆσ οἰκουμένησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 93

(디오도로스 시켈로스, Library, book xv, chapter 93)

상위

목록

SEARCH

MENU NAVIGATION