헬라어 문장 검색 - Διοδορ́Λιβραρψ́8́38́

(디오도로스 시켈로스, Library, book xv, chapter 68)

τούτων δὲ πραχθέντων Ἀρκάδεσ καὶ Ἀργεῖοι καὶ Ἠλεῖοι συμφρονήσαντεσ ἔγνωσαν στρατεύειν ἐπὶ τοὺσ Λακεδαιμονίουσ, καὶ πρεσβεύσαντεσ πρὸσ Βοιωτοὺσ ἔπεισαν αὐτοὺσ κοινωνεῖν τοῦ πολέμου. οἱ δ’ Ἐπαμεινώνδαν καταστήσαντεσ ἡγεμόνα μετ’ ἄλλων βοιωταρχῶν, ἐξέπεμψαν στρατιώτασ πεζοὺσ μὲν ἑπτακισχιλίουσ, ἱππεῖσ δ’ ἑξακοσίουσ. Ἀθηναῖοι δὲ πυθόμενοι τὴν Βοιωτῶν στρατιὰν παριοῦσαν εἰσ τὴν Πελοπόννησον, ἐξέπεμψαν δύναμιν καὶ στρατηγὸν ἐπ’ αὐτῆσ Χαβρίαν. οὗτοσ δὲ παρελθὼν εἰσ Κόρινθον, καὶ προσλαβόμενοσ καὶ παρὰ Μεγαρέων καὶ Πελληνέων, ἔτι δὲ Κορινθίων στρατιώτασ, στρατόπεδον συνεστήσατο ἀνδρῶν μυρίων·

μετὰ δὲ ταῦτα Λακεδαιμονίων καὶ τῶν ἄλλων συμμάχων παραγενομένων εἰσ Κόρινθον συνήχθησαν οἱ σύμπαντεσ οὐκ ἐλάττουσ δισμυρίων. ἔδοξεν οὖν αὐτοῖσ ὀχυρώσασθαι τὰσ παρόδουσ καὶ διακωλύειν τοὺσ Βοιωτοὺσ τῆσ εἰσ Πελοπόννησον εἰσβολῆσ.

ἀρξάμενοι δ’ ἀπὸ Κεγχρεῶν μέχρι Λεχαίου σταυρώμασι καὶ βαθείαισ τάφροισ διελάμβανον τὸν τόπον· ταχὺ δὲ τῶν ἔργων συντελουμένων διά τε τὴν πολυχειρίαν καὶ τὰσ προθυμίασ τῶν ἀνδρῶν, ἔφθασαν τοὺσ Βοιωτοὺσ πάντα τόπον ὀχυρώσαντεσ. ὁ δ’ Ἐπαμεινώνδασ ἥκων μετὰ τῆσ δυνάμεωσ ἐπεσκέψατο, καὶ κατανοήσασ εὐεφοδώτατον εἶναι τόπον καθ’ ὃν οἱ Λακεδαιμόνιοι παρεφύλαττον, τὸ μὲν πρῶτον προεκαλεῖτο τοὺσ πολεμίουσ εἰσ παράταξιν, σχεδὸν τριπλασίουσ ὄντασ τοῖσ πλήθεσιν, οὐδενὸσ δὲ τολμῶντοσ ἐκτὸσ τοῦ τειχίσματοσ προελθεῖν, ἀλλ’ ἀπὸ τοῦ χαρακώματοσ ἀμυνομένων ἁπάντων, προσῆγε τὴν βίαν τοῖσ πολεμίοισ.

κατὰ πάντα μὲν οὖν τὸν τόπον ἐγίνοντο προσβολαὶ καρτεραί, μάλιστα δὲ κατὰ Λακεδαιμονίουσ, εὐεφόδων ὄντων καὶ δυσφυλάκτων τῶν τόπων.

μεγάλησ δὲ φιλοτιμίασ γενομένησ παρ’ ἀμφοτέροισ, Ἐπαμεινώνδασ ἔχων μεθ’ ἑαυτοῦ τοὺσ ἀρίστουσ τῶν Θηβαίων μόγισ ἐβιάσατο τοὺσ Λακεδαιμονίουσ· διακόψασ δὲ τὴν φυλακὴν αὐτῶν καὶ τὴν δύναμιν διαγαγὼν παρῆλθεν εἰσ τὴν Πελοπόννησον, διαπραξάμενοσ ἔργον οὐδὲν τῶν προκατειργασμένων καταδεέστερον. εὐθὺ δὲ ἐπὶ Τροιζῆνα καὶ Ἐπίδαυρον πορευθεὶσ τὴν μὲν χώραν ἐδῄωσε, τῶν δὲ πόλεων οὐκ ἐδυνήθη κρατῆσαι διὰ τὸ φρουρὰσ ἔχειν ἀξιολόγουσ, Σικυῶνα δὲ καὶ Φλιοῦντα καί τινασ ἄλλασ πόλεισ καταπληξάμενοσ προσηγάγετο.

στρατεύσασ δ’ ἐπὶ Κόρινθον, καὶ τῶν Κορινθίων ἐπεξελθόντων νικήσασ μάχῃ, τούτουσ μὲν ἐντὸσ τῶν τειχῶν συνεδίωξε, τῶν δὲ Βοιωτῶν διὰ τὴν εὐημερίαν μετεωρισθέντων, καί τινων προχείρωσ τολμησάντων διὰ τῆσ πύλησ εἰσ τὴν πόλιν εἰσβιάζεσθαι, οἱ μὲν Κορίνθιοι δείσαντεσ ἐτράπησαν εἰσ τὰσ οἰκίασ, Χαβρίασ δ’ ὁ τῶν Ἀθηναίων στρατηγὸσ ἐμφρόνωσ ἅμα καὶ τεθαρρηκότωσ ὑποστὰσ τοὺσ μὲν ἐξέβαλεν ἐκ τῆσ πόλεωσ, πολλοὺσ δὲ τῶν Βοιωτῶν κατέβαλεν. γενομένησ δὲ φιλοτιμίασ, οἱ μὲν Βοιωτοὶ πᾶσαν τὴν δύναμιν συντάξαντεσ ἐπῆγον ἐπὶ τὴν Κόρινθον καταπληκτικῶσ, ὁ δὲ Χαβρίασ ἀναλαβὼν τοὺσ Ἀθηναίουσ προῆγεν ἐκ τῆσ πόλεωσ, καὶ καταλαβόμενοσ τοὺσ ὑπερδεξίουσ τόπουσ ὑπέστη τὴν τῶν πολεμίων ἔφοδον.

οἱ μὲν οὖν Βοιωτοί, πεποιθότεσ ταῖσ τῶν σωμάτων ῥώμαισ καὶ ταῖσ ἐν τοῖσ συνεχέσι πολέμοισ ἐμπειρίαισ, τῇ βίᾳ τοὺσ Ἀθηναίουσ ἤλπιζον χειρώσασθαι, οἱ δὲ περὶ τὸν Χαβρίαν ἐκ τόπων ὑπερδεξίων ἀγωνιζόμενοι, καὶ πολλῶν ἐκ τῆσ πόλεωσ χορηγουμένων, οὓσ μὲν ἀνῄρουν τῶν βιαζομένων, τοὺσ δὲ κατετίτρωσκον.

οἱ δὲ Βοιωτοί, πολλὰ μὲν κακοπαθήσαντεσ, οὐδὲν δὲ πρᾶξαι δυνάμενοι, τὴν ἀναχώρησιν ἐποιήσαντο.

Χαβρίασ μὲν οὖν ἐπὶ ἀνδρείᾳ καὶ στρατηγικῇ συνέσει θαυμασθεὶσ τοῦτον τὸν τρόπον ἀπετρίψατο τοὺσ πολεμίουσ. ἐκ δὲ τῆσ Σικελίασ Κελτοὶ καὶ Ἴβηρεσ δισχίλιοι κατέπλευσαν εἰσ Κόρινθον, ἐκπεμφθέντεσ ὑπὸ Διονυσίου τοῦ τυράννου συμμαχῆσαι Λακεδαιμονίοισ, εἰσ μῆνασ πέντε τοὺσ μισθοὺσ εἰληφότεσ.

οἱ δ’ Ἕλληνεσ πεῖραν αὐτῶν βουλόμενοι λαβεῖν προῆγον αὐτούσ, καὶ κατὰ τὰσ συμπλοκὰσ καὶ μάχασ ἀνδραγαθούντων αὐτῶν, πολλοί τε τῶν Βοιωτῶν καὶ τῶν συμμάχων ὑπ’ αὐτῶν ἀνῃροῦντο. διόπερ δόξαντεσ εὐχειρίᾳ καὶ ἀνδρείᾳ διαφέρειν καὶ πολλὰσ χρείασ παρασχόμενοι, καὶ τιμηθέντεσ ὑπὸ τῶν Λακεδαιμονίων τοῦ θέρουσ λήγοντοσ ἐξαπεστάλησαν εἰσ τὴν Σικελίαν. μετὰ δὲ ταῦτα Φιλίσκοσ μὲν ὑπ’ Ἀρταξέρξου τοῦ βασιλέωσ ἀποσταλεὶσ κατέπλευσεν ἐπὶ τὴν Ἑλλάδα, παρακαλῶν τοὺσ Ἕλληνασ διαλύσασθαι μὲν τοὺσ πολέμουσ, εἰρήνην δὲ κοινὴν συνθέσθαι.

οἱ μὲν οὖν ἄλλοι πάντεσ ἀσμένωσ ὑπήκουσαν, Θηβαῖοι δὲ κατὰ τὴν ἰδίαν ὑπόστασιν ὅλην τὴν Βοιωτίαν ὑπὸ μίαν ἀγαγόντεσ συντέλειαν οὐ προσεδέχθησαν. ἀπογνωσθείσησ δὲ τῆσ κοινῆσ εἰρήνησ, ὁ μὲν Φιλίσκοσ καταλιπὼν τοῖσ Λακεδαιμονίοισ δισχιλίουσ ἐπιλέκτουσ μισθοφόρουσ ἔχοντασ τοὺσ μισθούσ, ἀπῆλθεν εἰσ τὴν Ἀσίαν. ἅμα δὲ τούτοισ πραττομένοισ Εὔφρων ὁ Σικυώνιοσ, διαφέρων θράσει καὶ ἀπονοίᾳ, συνεργοὺσ λαβὼν Ἀργείουσ ἐπέθετο τυραννίδι.

κρατήσασ δὲ τῆσ ἐπιβολῆσ τετταράκοντα τοὺσ εὐπορωτάτουσ τῶν Σικυωνίων ἐφυγάδευσε, δημεύσασ αὐτῶν τὰσ οὐσίασ, καὶ πολλῶν χρημάτων κυριεύσασ μισθοφόρουσ ἤθροισε καὶ τῆσ πόλεωσ ἐδυνάστευσεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 68

(디오도로스 시켈로스, Library, book xv, chapter 68)

상위

목록

SEARCH

MENU NAVIGATION