Diodorus Siculus, Library, book xv, chapter 6

(디오도로스 시켈로스, Library, book xv, chapter 6)

κατὰ δὲ τὴν Σικελίαν Διονύσιοσ ὁ τῶν Συρακοσίων τύραννοσ ἀπολελυμένοσ τῶν πρὸσ Καρχηδονίουσ πολέμων πολλὴν εἰρήνην καὶ σχολὴν εἶχεν. διὸ καὶ ποιήματα γράφειν ὑπεστήσατο μετὰ πολλῆσ σπουδῆσ, καὶ τοὺσ ἐν τούτοισ δόξαν ἔχοντασ μετεπέμπετο καὶ προτιμῶν αὐτοὺσ συνδιέτριβε καὶ τῶν ποιημάτων ἐπιστάτασ καὶ διορθωτὰσ εἶχεν. ὑπὸ δὲ τούτων διὰ τὰσ εὐεργεσίασ τοῖσ πρὸσ χάριν λόγοισ μετεωριζόμενοσ ἐκαυχᾶτο πολὺ μᾶλλον ἐπὶ τοῖσ ποιήμασιν ἢ τοῖσ ἐν πολέμῳ κατωρθωμένοισ. τῶν δὲ συνόντων αὐτῷ ποιητῶν Φιλόξενοσ ὁ διθυραμβοποιόσ, μέγιστον ἔχων ἀξίωμα κατὰ τὴν κατασκευὴν τοῦ ἰδίου ποιήματοσ, κατὰ τὸ συμπόσιον ἀναγνωσθέντων τῶν τοῦ τυράννου ποιημάτων μοχθηρῶν ὄντων ἐπηρωτήθη περὶ τῶν ποιημάτων τίνα κρίσιν ἔχοι.

ἀποκριναμένου δ’ αὐτοῦ παρρησιωδέστερον, ὁ μὲν τύραννοσ προσκόψασ τοῖσ ῥηθεῖσι, καὶ καταμεμψάμενοσ ὅτι διὰ φθόνον ἐβλασφήμησε, προσέταξε τοῖσ ὑπηρέταισ παραχρῆμα ἀπάγειν εἰσ τὰσ λατομίασ. τῇ δ’ ὑστεραίᾳ τῶν φίλων παρακαλούντων συγγνώμην δοῦναι τῷ Φιλοξένῳ, διαλλαγεὶσ αὐτῷ πάλιν τοὺσ αὐτοὺσ παρέλαβεν ἐπὶ τὸ συμπόσιον.

προβαίνοντοσ δὲ τοῦ πότου, καὶ πάλιν τοῦ Διονυσίου καυχωμένου περὶ τῶν ἰδίων ποιημάτων, καί τινασ στίχουσ τῶν δοκούντων ἐπιτετεῦχθαι προενεγκαμένου, καὶ ἐπερωτῶντοσ ποῖά τινά σοι φαίνεται τὰ ποιήματα ὑπάρχειν; ἄλλο μὲν οὐδὲν εἶπε, τοὺσ δ’ ὑπηρέτασ τοῦ Διονυσίου προσκαλεσάμενοσ ἐκέλευσεν αὑτὸν ἀπαγαγεῖν εἰσ τὰσ λατομίασ. τότε μὲν οὖν διὰ τὴν εὐτραπελίαν τῶν λόγων μειδιάσασ ὁ Διονύσιοσ ἤνεγκε τὴν παρρησίαν, τοῦ γέλωτοσ τὴν μέμψιν ἀμβλύνοντοσ·

μετ’ ὀλίγον δὲ τῶν γνωρίμων ἅμα καὶ τοῦ Διονυσίου παραιτουμένων τὴν ἄκαιρον παρρησίαν, ὁ Φιλόξενοσ ἐπηγγείλατο παράδοξόν τινα ἐπαγγελίαν. ἔφη γὰρ διὰ τῆσ ἀποκρίσεωσ τηρήσειν ἅμα καὶ τὴν ἀλήθειαν καὶ τὴν εὐδόκησιν τοῦ Διονυσίου, καὶ οὐ διεψεύσθη. τοῦ γὰρ τυράννου προενεγκαμένου τινὰσ στίχουσ ἔχοντασ ἐλεεινὰ πάθη, καὶ ἐρωτήσαντοσ ποῖά τινα φαίνεται τὰ ποιήματα;

εἶπεν οἰκτρά, διὰ τῆσ ἀμφιβολίασ ἀμφότερα τηρήσασ. ὁ μὲν γὰρ Διονύσιοσ ἐδέξατο τὰ οἰκτρὰ εἶναι ἐλεεινὰ καὶ συμπαθείασ πλήρη, τὰ δὲ τοιαῦτα εἶναι ποιητῶν ἀγαθῶν ἐπιτεύγματα, ὅθεν ὡσ ἐπῃνεκότα αὐτὸν ἀπεδέχετο· οἱ δ’ ἄλλοι τὴν ἀληθινὴν διάνοιαν ἐκδεξάμενοι πᾶν τὸ οἰκτρὸν ἀποτεύγματοσ φύσιν εἰρῆσθαι διελάμβανον.

일치하는 문장이 없습니다.

SEARCH

MENU NAVIGATION