Diodorus Siculus, Library, book xv, chapter 26

(디오도로스 시켈로스, Library, book xv, chapter 26)

ὁ δὲ δῆμοσ τῶν Ἀθηναίων διακούσασ τῶν πρέσβεων ἐψηφίσατο παραχρῆμα δύναμιν ὡσ πλείστην ἀποστεῖλαι τὴν ἐλευθερώσουσαν τὰσ Θήβασ, ἅμα μὲν τῆσ εὐεργεσίασ ἀποδιδοὺσ τὰσ χάριτασ, ἅμα δὲ βουλόμενοσ τοὺσ Βοιωτοὺσ ἐξιδιώσασθαι καὶ συναγωνιστὰσ ἰσχυροὺσ ἔχειν κατὰ τῆσ Λακεδαιμονίων ὑπεροχῆσ· τὸ γὰρ ἔθνοσ τοῦτο καὶ πλήθει τῶν ἀνδρῶν καὶ ἀνδρείᾳ κατὰ πόλεμον οὐδενὸσ τῶν Ἑλληνικῶν ἐδόκει λείπεσθαι. τέλοσ δὲ Δημοφῶν κατασταθεὶσ στρατηγόσ, καὶ παραχρῆμα πεντακισχιλίουσ ὁπλίτασ καὶ πεντακοσίουσ ἱππεῖσ καταλέξασ, τῇ ὑστεραίᾳ τὴν δύναμιν ἅμ’ ἡμέρᾳ προήγαγεν ἐκ τῆσ πόλεωσ, καὶ δρομαῖοσ ἠπείγετο, φθάσαι σπεύδων τοὺσ Λακεδαιμονίουσ·

οὐδὲν δ’ ἧττον ὁ δῆμοσ παρεσκευάζετο πανδημεὶ στρατεύειν εἰσ τὴν Βοιωτίαν, ἐὰν ᾖ χρεία. ὁ δὲ Δημοφῶν συντόμοισ ταῖσ ὁδοῖσ χρησάμενοσ παραδόξωσ ἐπεφάνη τοῖσ Θηβαίοισ.

ὁμοίωσ δὲ καὶ ἐκ τῶν ἄλλων πόλεων τῶν κατὰ τὴν Βοιωτίαν πολλῶν στρατιωτῶν συνδραμόντων, ταχὺ μεγάλη δύναμισ ἠθροίσθη τοῖσ Θηβαίοισ. ὁπλῖται μὲν γὰρ συνῆλθον οὐκ ἐλάττουσ τῶν μυρίων καὶ δισχιλίων, ἱππεῖσ δὲ πλείουσ τῶν δισχιλίων.

πάντων δὲ προθύμωσ ἐπὶ τὴν πολιορκίαν ὁρμησάντων διελόμενοι τὰ πλήθη τὰσ προσβολὰσ ἐκ διαδοχῆσ ἐποιοῦντο, προσκαρτεροῦντεσ τοῖσ κινδύνοισ συνεχῶσ καὶ καθ’ ἡμέραν καὶ νυκτόσ.

일치하는 문장이 없습니다.

SEARCH

MENU NAVIGATION