Diodorus Siculus, Library, book xv, chapter 88

(디오도로스 시켈로스, Library, book xv, chapter 88)

ἡμεῖσ δ’ εἰωθότεσ ταῖσ τῶν ἀγαθῶν ἀνδρῶν τελευταῖσ ἐπιλέγειν τὸν ἴδιον ἔπαινον, οὐδαμῶσ ἁρμόττον ἡγούμεθα παραδραμεῖν ἀνδρὸσ τηλικούτου τὴν τελευτὴν ἀνεπισήμαντον. δοκεῖ γάρ μοι μὴ μόνον τοὺσ καθ’ ἑαυτὸν ὑπερβάλλειν τῇ στρατηγικῇ συνέσει καὶ ἐμπειρίᾳ, πρὸσ δὲ τούτοισ ἐπιεικείᾳ τε καὶ μεγαλοψυχίᾳ. κατὰ μὲν γὰρ τὴν ἡλικίαν τὴν τούτου γεγόνασιν ἄνδρεσ ἐπιφανεῖσ Πελοπίδασ τε Θηβαῖοσ καὶ Τιμόθεοσ καὶ Κόνων, ἔτι δὲ Χαβρίασ καὶ Ἰφικράτησ οἱ Ἀθηναῖοι, πρὸσ δὲ τούτοισ Ἀγησίλαοσ ὁ Σπαρτιάτησ, βραχὺ τοῖσ χρόνοισ προτερῶν·

ἐν δὲ τοῖσ πρὸ τοῦ χρόνοισ, ἐπὶ τῶν Μηδικῶν καὶ πρὸ τῶν Περσικῶν καιρῶν, Σόλων καὶ Θεμιστοκλῆσ καὶ Μιλτιάδησ, ἔτι δὲ Κίμων καὶ Μυρωνίδησ καὶ Περικλῆσ καί τινεσ ἕτεροι παρὰ τοῖσ Ἀθηναίοισ, κατὰ δὲ τὴν Σικελίαν Γέλων ὁ Δεινομένουσ καί τινεσ ἕτεροι. ἀλλ’ ὅμωσ εἴ τισ συγκρίναι τὰσ τούτων ἀρετὰσ τῇ Ἐπαμεινώνδου στρατηγίᾳ τε καὶ δόξῃ, πολὺ ἂν προέχουσαν εὑρ́οι τὴν περὶ τὸν Ἐπαμεινώνδαν ἀρετήν.

παρὰ μὲν γὰρ ἑκάστῳ τῶν ἄλλων ἓν ἂν εὑρ́οι προτέρημα τῆσ δόξησ, παρὰ δὲ τούτῳ πάσασ τὰσ ἀρετὰσ ἠθροισμένασ. καὶ γὰρ ῥώμῃ σώματοσ καὶ λόγου δεινότητι, πρὸσ δὲ τούτοισ ψυχῆσ λαμπρότητι καὶ μισαργυρίᾳ καὶ ἐπιεικείᾳ, καὶ τὸ μέγιστον, ἀνδρείᾳ καὶ στρατηγικῇ συνέσει πολὺ διήνεγκε πάντων. τοιγαροῦν ἡ πατρὶσ αὐτοῦ ζῶντοσ μὲν ἐκτήσατο τὴν ἡγεμονίαν τῆσ Ἑλλάδοσ, τελευτήσαντοσ δὲ ταύτησ ἐστερήθη καὶ τῆσ ἐπὶ τὸ χεῖρον ἀεὶ μεταβολῆσ ἐπειράθη, καὶ πέρασ διὰ τὴν ἀφροσύνην τῶν ἡγουμένων ἀνδραποδισμοῦ καὶ κατασκαφῆσ ἔλαβε πεῖραν.

Ἐπαμεινώνδασ μὲν οὖν παρὰ πᾶσι περιβόητον ἔχων τὴν ἀρετήν, τοιαύτησ ἔτυχε καταστροφῆσ τοῦ βίου. οἱ δ’ Ἕλληνεσ μετὰ τὴν μάχην ἀμφισβητουμένην ἔχοντεσ τὴν νίκην, καὶ ταῖσ ἀνδραγαθίαισ ἐφάμιλλοι καθεστῶτεσ, ἔτι δὲ τῇ συνεχείᾳ τῶν κινδύνων καταπονούμενοι, διελύσαντο πρὸσ ἀλλήλουσ.

συνθέμενοι δὲ κοινὴν εἰρήνην καὶ συμμαχίαν, κατέταττον ἐν τῇ συμμαχίᾳ καὶ τοὺσ Μεσσηνίουσ. οἱ δὲ Λακεδαιμόνιοι διὰ τὴν πρὸσ τούτουσ ἀκατάλλακτον ἀλλοτριότητα τῶν σπονδῶν οὐ προείλοντο κοινωνεῖν καὶ μόνοι τῶν Ἑλλήνων ὑπῆρχον ἔκσπονδοι.

τῶν δὲ συγγραφέων Ξενοφῶν μὲν ὁ Ἀθηναῖοσ τὴν τῶν Ἑλληνικῶν σύνταξιν εἰσ τοῦτον τὸν ἐνιαυτὸν κατέστροφεν ἐπὶ τὴν Ἐπαμεινώνδου τελευτήν·

Ἀναξιμένησ δὲ ὁ Λαμψακηνὸσ τὴν πρώτην τῶν Ἑλληνικῶν ἀνέγραψεν ἀρξάμενοσ ἀπὸ θεογονίασ καὶ ἀπὸ τοῦ πρώτου γένουσ τῶν ἀνθρώπων, κατέστροφε δ’ εἰσ τὴν ἐν Μαντινείᾳ μάχην καὶ τὴν Ἐπαμεινώνδου τελευτήν· περιέλαβε δὲ πάσασ σχεδὸν τάσ τε τῶν Ἑλλήνων καὶ βαρβάρων πράξεισ ἐν βύβλοισ δώδεκα. Φίλιστοσ δὲ τὰ περὶ Διονύσιον τὸν νεώτερον ὧδε κατέστροφε, διελθὼν ἔτη πέντε ἐν βύβλοισ δυσίν. ἐπ’ ἄρχοντοσ δ’ Ἀθήνησι Μόλωνοσ ἐν Ῥώμῃ κατεστάθησαν ὕπατοι Λεύκιοσ Γενούκιοσ καὶ Κόιντοσ Σερουίλιοσ.

ἐπὶ δὲ τούτων οἱ τὴν παράλιον οἰκοῦντεσ τῆσ Ἀσίασ ἀπέστησαν ἀπὸ Περσῶν, καί τινεσ τῶν σατραπῶν καὶ στρατηγῶν ἐπαναστάντεσ πόλεμον ἐξήνεγκαν πρὸσ Ἀρταξέρξην. ὁμοίωσ δὲ τούτοισ καὶ Ταχὼσ ὁ βασιλεὺσ τῶν Αἰγυπτίων κρίνασ πολεμεῖν τοῖσ Πέρσαισ, ναῦσ τε κατεσκεύασε καὶ πεζὰσ δυνάμεισ ἤθροισεν.

πολλοὺσ δὲ ξενολογήσασ ἐκ τῶν Ἑλληνίδων πόλεων ἔπεισε καὶ Λακεδαιμονίουσ συμμαχεῖν· οἱ γὰρ Σπαρτιᾶται πρὸσ Ἀρταξέρξην ἀλλοτρίωσ εἶχον διὰ τὸ τοὺσ Μεσσηνίουσ ὁμοίωσ τοῖσ ἄλλοισ Ἕλλησιν ὑπὸ τοῦ βασιλέωσ εἰσ τὴν κοινὴν εἰρήνην κατατετάχθαι. τηλικαύτησ δὲ συνδρομῆσ κατὰ τῶν Περσῶν γενομένησ, καὶ ὁ βασιλεὺσ παρεσκευάζετο τὰ πρὸσ τὸν πόλεμον. ὑπὸ γὰρ τὸν αὐτὸν καιρὸν ἔδει πρόσ τε τὸν τῶν Αἰγυπτίων βασιλέα πολεμεῖν καὶ πρὸσ τὰσ κατὰ τὴν Ἀσίαν Ἑλληνίδασ πόλεισ καὶ Λακεδαιμονίουσ καὶ τοὺσ τούτων συμμάχουσ σατράπασ καὶ στρατηγούσ, τοὺσ ἄρχοντασ μὲν τῶν παραθαλαττίων τόπων, συντεθειμένουσ δὲ κοινοπραγίαν·

ὧν ἦσαν ἐπιφανέστατοι Ἀριοβαρζάνησ μὲν ὁ τῆσ Φρυγίασ σατράπησ, ὃσ καὶ Μιθριδάτου τελευτήσαντοσ τῆσ τούτου βασιλείασ κεκυριευκὼσ ἦν, Μαύσωλοσ δὲ Καρίασ δυναστεύων καὶ πολλῶν ἐρυμάτων καὶ πόλεων ἀξιολόγων κυριεύων, ὧν ἑστίαν καὶ μητρόπολιν συνέβαινεν εἶναι τὴν Ἁλικαρνασσόν, ἔχουσαν ἀκρόπολιν ἀξιόλογον καὶ τὰ τῆσ Καρίασ βασίλεια, πρὸσ δὲ τούτοισ Ὀρόντησ μὲν τῆσ Μυσίασ σατράπησ, Αὐτοφραδάτησ δὲ Λυδίασ· τῶν δὲ Ιὤνων ἄνευΛύκιοί τε καὶ Πισίδαι καὶ Παμφύλιοι καὶ Κίλικεσ, ἔτι δὲ καὶ Σύροι καὶ Φοίνικεσ καὶ σχεδὸν πάντεσ οἱ παραθαλάσσιοι. τηλικαύτησ δ’ οὔσησ ἀποστάσεωσ, τὸ μὲν ἥμισυ τῶν προσόδων τῷ βασιλεῖ κατελέλυτο, τὸ δὲ λοιπὸν οὐχ ἱκανὸν ἦν εἰσ τὰσ τοῦ πολέμου χρείασ.

일치하는 문장이 없습니다.

SEARCH

MENU NAVIGATION