헬라어 문장 검색 - Διοδορ́Λιβραρψ́8́45́

(디오도로스 시켈로스, Library, book xv, chapter 87)

οἱ δὲ Λακεδαιμόνιοι θεωροῦντεσ Ἐπαμεινώνδαν προθυμότερον προπίπτοντα τῷ θυμῷ, συνέδραμον ἐπ’ αὐτόν. πολλῶν δὲ καὶ πυκνῶν φερομένων βελῶν, τὰ μὲν ἐξένευε, τὰ δὲ διεκρούετο, τινὰ δὲ ἐκ τοῦ σώματοσ ἐξαιρῶν τούτοισ ἠμύνετο τοὺσ ἐπιφερομένουσ. ἡρωικῶσ δ’ ὑπὲρ τῆσ νίκησ ἀγωνισάμενοσ καιρίαν ἔλαβε πληγὴν εἰσ τὸν θώρακα. κλασθέντοσ δὲ τοῦ δόρατοσ, καὶ τοῦ σιδήρου καταλειφθέντοσ ἐν τῷ σώματι, παραχρῆμα ἔπεσε κατισχυθεὶσ ὑπὸ τῆσ πληγῆσ. περὶ δὲ τοῦ σώματοσ ἐμπεσούσησ φιλοτιμίασ, καὶ πολλῶν παρ’ ἀμφοτέροισ ἀναιρεθέντων, μόγισ οἱ Θηβαῖοι τῇ ῥώμῃ τῶν σωμάτων προέχοντεσ κατεπόνησαν τοὺσ Λακεδαιμονίουσ. φυγῆσ δὲ γενομένησ, οἱ μὲν Βοιωτοὶ βραχὺν ἐπιδιώξαντεσ χρόνον ἀνέστρεψαν, ἀναγκαιότατον ἡγούμενοι τὸ κυριεῦσαι τῶν νεκρῶν.

ἀνακαλεσαμένων οὖν τῶν σαλπιγκτῶν τοὺσ στρατιώτασ,ἅπαντεσ τῆσ μάχησ ἀπέστησαν, καὶ τρόπαιον ἀμφότεροι στήσαντεσ ἠμφεσβήτουν τῆσ νίκησ. οἱ μὲν γὰρ Ἀθηναῖοι νενικηκότεσ τοὺσ περὶ τὸν λόφον Εὐβοεῖσ καὶ μισθοφόρουσ κύριοι τῶν νεκρῶν ὑπῆρχον, οἱ δὲ Βοιωτοὶ τοὺσ Λακεδαιμονίουσ ἀπὸ κράτουσ ἡττηκότεσ καὶ κρατοῦντεσ τῶν πεπτωκότων προσένεμον ἑαυτοῖσ τὴν νίκην.

ἐπὶ μὲν οὖν χρόνον τινὰ περὶ τῆσ τῶν νεκρῶν ἀναιρέσεωσ οὐδέτεροι διεπρεσβεύσαντο, ἵνα μὴ δόξωσιν ἐκχωρεῖν τοῦ πρωτείου·

μετὰ δὲ ταῦτα τῶν Λακεδαιμονίων πρώτων ἐπικηρυκευσαμένων περὶ τῆσ τῶν νεκρῶν ἀναιρέσεωσ ἀμφότεροι τοὺσ ἰδίουσ ἔθαψαν. Ἐπαμεινώνδασ δ’ ἔτι ζῶν εἰσ τὴν παρεμβολὴν ἀπηνέχθη, καὶ τῶν συγκληθέντων ἰατρῶν ἀποφηναμένων, ὅτι πάντωσ, ὅταν ἐκ τοῦ θώρακοσ ἐξαιρεθῇ τὸ δόρυ, συμβήσεται καὶ τὸν θάνατον ἐπακολουθῆσαι, εὐψυχότατα τὴν τοῦ βίου καταστροφὴν ἐποιήσατο.

πρῶτον μὲν γὰρ τὸν ὑπασπιστὴν προσκαλεσάμενοσ ἐπηρώτησεν, εἰ διασέσωκε τὴν ἀσπίδα.

τοῦ δὲ φήσαντοσ καὶ θέντοσ αὐτὴν πρὸ τῆσ ὁράσεωσ, πάλιν ἐπηρώτησε, πότεροι νενικήκασιν. ἀποφαινομένου δὲ τοῦ παιδόσ, ὅτι Βοιωτοὶ νενικήκασιν, ὡρ́α, φησίν, ἐστὶ τελευτᾶν, καὶ προσέταξεν ἐκσπάσαι τὸ δόρυ. ἀναβοησάντων δὲ τῶν παρόντων φίλων, καί τινοσ εἰπόντοσ ὅτι τελευτᾷσ ἄτεκνοσ, Ἐπαμεινώνδα, καὶ δακρύσαντοσ, μὰ Δία μέν, φησίν, ἀλλὰ καταλείπω δύο θυγατέρασ, τήν τε ἐν Λεύκτροισ νίκην καὶ τὴν ἐν Μαντινείᾳ. καὶ τοῦ δόρατοσ ἐξαιρεθέντοσ ἄνευ πάσησ ταραχῆσ ἐξέπνευσεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 87

(디오도로스 시켈로스, Library, book xv, chapter 87)

상위

목록

SEARCH

MENU NAVIGATION