Diodorus Siculus, Library, book xv, chapter 81

(디오도로스 시켈로스, Library, book xv, chapter 81)

οἱ δὲ Θηβαῖοι περιβόητον νίκην ἀπενηνεγμένοι, πρὸσ ἅπαντασ ἔφασαν ἑαυτοὺσ ἡττᾶσθαι διὰ τὴν Πελοπίδου τελευτήν· ἀξιόλογον γὰρ ἀπολωλεκότεσ ἄνδρα, κατὰ λόγον ἔκρινον τὴν νίκην ἥττονα ὑπάρχειν τῆσ Πελοπίδου ζωῆσ. πολλὰσ γὰρ καὶ μεγάλασ χρείασ παρέσχετο τῇ πατρίδι, πλεῖστον δὲ συνεβάλετο πρὸσ τὴν τῶν Θηβαίων αὔξησιν. ἐν γὰρ τῇ τῶν φυγάδων κατηλύσει, καθ’ ἣν ἀνεκτήσαντο τὴν Καδμείαν, ὡμολογημένωσ ἅπαντεσ τούτῳ τὸ πρωτεῖον τοῦ κατορθώματοσ ἀπονέμουσιν. τὴν δ’ εὐημερίαν ταύτην συνέβη πάντων τῶν ὕστερον γενομένων ἀγαθῶν αἰτίαν γενέσθαι. ἐν δὲ τῇ περὶ Τεγύραν μάχῃ μόνοσ Πελοπίδασ τῶν βοιωταρχῶν ἐνίκησε τοὺσ Λακεδαιμονίουσ, πλεῖστον ἰσχύοντασ τῶν Ἑλλήνων, ὅτε διὰ τὸ μέγεθοσ τῆσ νίκησ πρῶτον ἔστησαν Θηβαῖοι τρόπαιον κατὰ Λακεδαιμονίων.

κατὰ δὲ τὴν ἐν Λεύκτροισ μάχην ἡγήσατο τοῦ ἱεροῦ λόχου, μεθ’ οὗ προεμβαλὼν τοῖσ Σπαρτιάταισ ἀρχηγὸσ ἐγένετο τῆσ νίκησ. ἐν δὲ ταῖσ ἐπὶ Λακεδαίμονα στρατείαισ ἑπτὰ μὲν ἡγήσατο μυριάδων, πρὸσ αὐτῇ δὲ τῇ Σπάρτῃ τρόπαιον ἔστησε κατὰ τῶν Λακεδαιμονίων τῶν πάντα τὸν πρὸ τοῦ χρόνον ἀπορθήτων γεγενημένων. πρὸσ δὲ τὸν Περσῶν βασιλέα πρεσβεύσασ ἐν ταῖσ κοιναῖσ ὁμολογίαισ τὴν Μεσσήνην κατ’ ἰδίαν παρέλαβεν, ἣν ἀνάστατον οὖσαν ἔτη τριακόσια Θηβαῖοι πάλιν ἀποκατέστησαν.

ἐπὶ τελευτῆσ δὲ διαγωνισάμενοσ πρὸσ Ἀλέξανδρον ἔχοντα πολλαπλασίονα δύναμιν οὐ μόνον ἐπιφανῶσ ἐνίκησεν, ἀλλὰ καὶ τὸν θάνατον ἔσχεν ἐπ’ ἀρετῇ περιβόητον. πρὸσ δὲ τοὺσ πολίτασ οὕτω καλῶσ διετέθη, ὥστε ἀπὸ τῆσ εἰσ τὰσ Θήβασ καθόδου τῶν φυγάδων μέχρι τῆσ ἑαυτοῦ τελευτῆσ βοιωταρχῶν πάντα τὸν χρόνον διετέλεσε, μηδενὸσ ἄλλου τῶν πολιτῶν ταύτησ ἠξιωμένου τῆσ τιμῆσ.

Πελοπίδασ μὲν οὖν, διὰ τὴν ἰδίαν ἀρετὴν ὑπὸ πάντων ἀποδοχῆσ ἠξιωμένοσ, ἐχέτω καὶ παρ’ ἡμῶν τὸν διὰ τῆσ ἱστορίασ ἔπαινον. κατὰ δὲ τοὺσ αὐτοὺσ χρόνουσ Κλέαρχοσ, τὸ γένοσ ὢν ἐξ Ἡρακλείασ τῆσ ἐν τῷ Πόντῳ, ἐπέθετο τυραννίδι·

κρατήσασ δὲ τῆσ ἐπιβολῆσ ἐζήλωσε μὲν τὴν διαγωγὴν τὴν Διονυσίου τοῦ Συρακοσίων τυράννου, τυραννεύσασ δὲ τῶν Ἡρακλεωτῶν ἐπιφανῶσ ἦρξεν ἔτη δώδεκα. ἅμα δὲ τούτοισ πραττομένοισ Τιμόθεοσ ὁ Ἀθηναίων στρατηγὸσ ἔχων δύναμιν πεζήν τε καὶ ναυτικὴν Τορώνην μὲν καὶ Ποτίδαιαν πολιορκήσασ εἷλε, Κυζικηνοῖσ δὲ πολιορκουμένοισ ἐβοήθησεν.

일치하는 문장이 없습니다.

SEARCH

MENU NAVIGATION