Diodorus Siculus, Library, book xv, chapter 82

(디오도로스 시켈로스, Library, book xv, chapter 82)

τοῦ δ’ ἔτουσ τούτου διεληλυθότοσ Ἀθήνησι μὲν ἦρχε Χαρικλείδησ, ἐν Ῥώμῃ δ’ ὕπατοι κατεστάθησαν Λεύκιοσ Αἰμίλιοσ Μάμερκοσ καὶ Λεύκιοσ Σέξτιοσ Λατερίασ. ἐπὶ δὲ τούτων Ἀρκάδεσ μετὰ Πισαίων κοινῇ τεθεικότεσ ὑπῆρχον τὸν ἀγῶνα τῶν Ὀλυμπίων, καὶ ἐκυρίευον τοῦ ἱεροῦ καὶ τῶν ἐν αὐτῷ χρημάτων. τῶν δὲ Μαντινέων ἀναλαβόντων εἰσ τοὺσ ἰδίουσ βίουσ οὐκ ὀλίγα τῶν ἀναθημάτων ἔσπευδον οἱ παρανομήσαντεσ διακατέχειν τὸν πρὸσ Ἠλείουσ πόλεμον, ἵνα μὴ δῶσιν ἐν εἰρήνῃ λόγον τῶν ἀναλωθέντων. τῶν δὲ ἄλλων Ἀρκάδων βουλομένων συνθέσθαι τὴν εἰρήνην, στάσεισ ἐκίνησαν πρὸσ τοὺσ ὁμοεθνεῖσ.

γενομένων οὖν δυεῖν ἑταιριῶν, συνέβαινε τῆσ μὲν τοὺσ Τεγεάτασ, τῆσ δὲ τοὺσ Μαντινεῖσ ἡγεῖσθαι. ἐπὶ πολὺ δὲ τῆσ διαφορᾶσ αὐξηθείσησ εἰσ τὴν διὰ τῶν ὅπλων κρίσιν κατήντησαν, καὶ Τεγεᾶται μὲν πρεσβεύσαντεσ πρὸσ Βοιωτοὺσ ἔπεισαν ἑαυτοῖσ βοηθεῖν, οἱ δὲ Βοιωτοὶ στρατηγὸν ἐπιστήσαντεσ Ἐπαμεινώνδαν καὶ δύναμιν ἀξιόλογον δόντεσ ἐξαπέστειλαν βοηθῆσαι τοῖσ Τεγεάταισ.

οἱ δὲ Μαντινεῖσ τὴν ἐκ τῆσ Βοιωτίασ δύναμιν καὶ τὴν Ἐπαμεινώνδου δόξαν καταπλαγέντεσ, πρὸσ τοὺσ ἐχθροτάτουσ τῶν Βοιωτῶν Ἀθηναίουσ καὶ Λακεδαιμονίουσ πρέσβεισ ἐκπέμψαντεσ ἔπεισαν συμμαχεῖν.

ὧν ἀμφοτέρων ἁδρὰσ δυνάμεισ ταχέωσ ἀποστειλάντων, ἀγῶνεσ πολλοὶ καὶ μεγάλοι κατὰ τὴν Πελοπόννησον συνέστησαν. εὐθὺσ οὖν Λακεδαιμόνιοι μὲν πλησίον οἰκοῦντεσ ἐστράτευσαν εἰσ τὴν Ἀρκαδίαν, Ἐπαμεινώνδασ δὲ κατὰ τοῦτον τὸν καιρὸν μετὰ τῆσ δυνάμεωσ προϊὼν καὶ τῆσ Μαντινείασ οὐ μακρὰν ἀπέχων ἐπύθετο παρὰ τῶν ἐγχωρίων, ὅτι Λακεδαιμόνιοι πανδημεὶ πορθοῦσι τὴν τῶν Τεγεατῶν χώραν.

ὑπολαβὼν οὖν ἔρημον εἶναι στρατιωτῶν τὴν Σπάρτην, ἐπεβάλετο μὲν μέγα τι πρᾶξαι, τὴν δὲ τύχην ἔσχεν ἀντιπράττουσαν.

αὐτὸσ μὲν γὰρ νυκτὸσ ὡρ́μησεν ἐπὶ τὴν Σπάρτην, ὁ δὲ βασιλεὺσ τῶν Λακεδαιμονίων Ἆγισ ὑποπτεύσασ τὴν ἀγχίνοιαν τὴν Ἐπαμεινώνδου κατεστοχάσατο μὲν τὸ μέλλον ἐμφρόνωσ, ἐξέπεμψε δέ τινασ Κρῆτασ ἡμεροδρόμουσ, δι’ ὧν καταταχήσασ τὸν Ἐπαμεινώνδαν τοῖσ ἀπολελειμμένοισ ἐν τῇ Σπάρτῃ ἐδήλωσε, διότι Βοιωτοὶ συντόμωσ ἥξουσιν ἐπὶ τὴν Λακεδαίμονα πορθήσοντεσ τὴν πόλιν, αὐτὸσ δ’ ὡσ ἂν τάχιστα δύναιτο μετὰ τῆσ δυνάμεωσ ἥξει βοηθήσων τῇ πατρίδι. ἐκέλευεν οὖν τοῖσ ἐν τῇ Σπάρτῃ παραφυλάττειν τὴν πόλιν μηδὲν καταπεπληγμένουσ· ταχὺ γὰρ αὐτὸν ἐπιφανέντα βοηθήσειν.

일치하는 문장이 없습니다.

SEARCH

MENU NAVIGATION