Diodorus Siculus, Library, book xv, chapter 16

(디오도로스 시켈로스, Library, book xv, chapter 16)

βαρείασ δὲ καὶ ὑπερηφάνου τῆσ ἀποκρίσεωσ δοκούσησ ὑπάρχειν, οἱ Καρχηδόνιοι τῇ συνήθει πανουργίᾳ κατεστρατήγησαν τὸν Διονύσιον. προσποιηθέντεσ οὖν εὐδοκεῖσθαι ταῖσ ὁμολογίαισ, ἔφησαν αὐτοὺσ μὲν μὴ ὑπάρχειν κυρίουσ τῆσ τῶν πόλεων παραδόσεωσ, ἵνα δὲ τοῖσ ἄρχουσι διαλεχθῶσι περὶ τούτων, ἠξίωσαν τὸν Διονύσιον ὀλίγασ ἡμέρασ ἀνοχὰσ ποιήσασθαι. συγχωρήσαντοσ δὲ τοῦ δυνάστου καὶ τῶν ἀνοχῶν γενομένων, ὁ μὲν Διονύσιοσ περιχαρὴσ ἦν, ὡσ αὐτίκα μάλα τὴν Σικελίαν πᾶσαν παραληψόμενοσ, οἱ δὲ Καρχηδόνιοι Μάγωνα μὲν τὸν βασιλέα μεγαλοπρεπῶσ ἔθαψαν, ἀντὶ δ’ ἐκείνου στρατηγὸν κατέστησαν τὸν υἱὸν αὐτοῦ, νέον μὲν παντελῶσ ὄντα, φρονήματοσ δὲ γέμοντα καὶ διάφορον ἀνδρείᾳ.

οὗτοσ δὲ πάντα τὸν τῶν ἀνοχῶν χρόνον διετέλεσε διατάσσων καὶ γυμνάζων τὴν δύναμιν, διὰ δὲ τῆσ τῶν ἔργων ἀθλήσεωσ καὶ τῆσ τῶν λόγων παρακλήσεωσ καὶ γυμνασίασ ἐν τοῖσ ὅπλοισ εὐπειθῆ καὶ δυνατὴν ἐποίησε τὴν στρατιάν. ὡσ δ’ ὁ τῆσ ὁμολογίασ διῆλθε χρόνοσ, ἀμφότεροι τὰσ δυνάμεισ ἐκτάξαντεσ συγκατέβησαν προθύμωσ ἐπὶ τὴν μάχην.

γενομένησ δὲ παρατάξεωσ ἰσχυρᾶσ περὶ τὸ καλούμενον Κρόνιον, τὸ δαιμόνιον ἐναλλὰξ τῇ νίκῃ τὴν ἧτταν τῶν Καρχηδονίων διωρθώσατο· οἱ μὲν γὰρ προνενικηκότεσ διὰ τὴν προγεγενημένην εὐημερίαν μεγαλαυχοῦντεσ παραδόξωσ ἐσφάλησαν, οἱ δὲ διὰ τὴν ἧτταν πεπτωκότεσ ταῖσ ἐλπίσιν, ἀπροσδόκητον καὶ μεγάλην εὐημερίαν ἀπηνέγκαντο.

일치하는 문장이 없습니다.

SEARCH

MENU NAVIGATION