헬라어 문장 검색 - Διοδορ́Λιβραρψ́8́13́

(디오도로스 시켈로스, Library, book xv, chapter 17)

Λεπτίνησ μὲν γὰρ ἐπὶ θατέρου κέρωσ τεταγμένοσ καὶ διαφέρων ἀνδρείᾳ, μαχόμενοσ ἡρωικῶσ καὶ πολλοὺσ ἀνελὼν τῶν Καρχηδονίων ἐπιφανῶσ κατέστρεψε τὸν βίον· τούτου δὲ πεσόντοσ οἱ Φοίνικεσ θαρρήσαντεσ καὶ βιασάμενοι τοὺσ ἀντιτεταγμένουσ ἐτρέψαντο. Διονύσιοσ δὲ τὸ μὲν πρῶτον ἔχων ἐπιλέκτουσ τοὺσ συντεταγμένουσ προετέρει τῶν ἀντιτεταγμένων·

ὡσ δ’ ὁ τοῦ Λεπτίνου θάνατοσ ἐγνώσθη καὶ τὸ ἕτερον κέρασ συνετέτριπτο, κατεπλάγησαν οἱ τοῦ Διονυσίου καὶ πρὸσ φυγὴν ὡρ́μησαν. τροπῆσ δὲ παντελοῦσ γενομένησ, οἱ μὲν Καρχηδόνιοι φιλοτιμότερον καταδιώξαντεσ παρήγγελλον ἀλλήλοισ μηδένα ζωγρεῖν·

διὸ καὶ πάντων τῶν περικαταλαμβανομένων ἀναιρουμένων πᾶσ ὁ πλησίον τόποσ νεκρῶν ἐπληρώθη. τοσοῦτοσ δ’ ἐγένετο φόνοσ, μνησικακούντων τῶν Φοινίκων, ὥστε τοὺσ ἀναιρεθέντασ εὑρεθῆναι τῶν Σικελιωτῶν πλείουσ τῶν μυρίων καὶ τετρακισχιλίων.

οἱ δὲ περιλειφθέντεσ καταφυγόντεσ εἰσ τὴν παρεμβολὴν τῆσ νυκτὸσ ἐπιγενομένησ διεσώθησαν. οἱ δὲ Καρχηδόνιοι μεγάλῃ παρατάξει νικήσαντεσ ἀνεχώρησαν εἰσ Πάνορμον. ἀνθρωπίνωσ δὲ τὴν εὐημερίαν ἐνεγκόντεσ ἀπέστειλαν πρεσβευτάσ, δόντεσ ἐξουσίαν τῷ Διονυσίῳ καταλύσασθαι τὸν πόλεμον.

ἀσμένωσ δὲ τοῦ τυράννου προσδεξαμένου τοὺσ λόγουσ ἐγένοντο διαλύσεισ, ὥστ’ ἔχειν ἀμφοτέρουσ ὧν πρότερον ὑπῆρχον κύριοι· ἐξαίρετον δ’ ἔλαβον οἱ Καρχηδόνιοι τὴν τῶν Σελινουντίων πόλιν τε καὶ χώραν καὶ τῆσ Ἀκραγαντίνησ μέχρι τοῦ Ἁλύκου καλουμένου ποταμοῦ. ἔτισε δὲ Διονύσιοσ τοῖσ Καρχηδονίοισ τάλαντα χίλια. καὶ τὰ μὲν κατὰ Σικελίαν ἐν τούτοισ ἦν. κατὰ δὲ τὴν Ἀσίαν Γλῶσ ὁ ναυαρχήσασ τῶν Περσῶν ἐν τῷ Κυπριακῷ πολέμῳ, ἀποστάτησ ὢν τοῦ βασιλέωσ καὶ τούσ τε Λακεδαιμονίουσ καὶ τὸν Αἰγυπτίων βασιλέα παρακεκληκὼσ εἰσ τὸν πρὸσ Πέρσασ πόλεμον, δολοφονηθεὶσ ὑπό τινων οὐ συνετέλεσε τὴν προαίρεσιν.

μετὰ δὲ τὴν τούτου τελευτὴν Ταχὼσ διαδεξάμενοσ τὰσ τούτου πράξεισ συνεστήσατο περὶ αὑτὸν δύναμιν, καὶ πόλιν ἔκτισε πλησίον τῆσ θαλάσσησ ἐπί τινοσ κρημνοῦ τὴν ὀνομαζομένην Λεύκην, ἔχουσαν ἱερὸν ἅγιον Ἀπόλλωνοσ. μετ’ ὀλίγον δὲ χρόνον αὐτοῦ τελευτήσαντοσ ἠμφισβήτησαν τῆσ πόλεωσ ταύτησ Κλαζομένιοι καὶ Κυμαῖοι.

τὸ μὲν οὖν πρῶτον ἐπεχείρησαν αἱ πόλεισ πολέμῳ διακρίνεσθαι, μετὰ δὲ ταῦτα εἰπόντοσ τινὸσ ἐρωτῆσαι τὸν θεόν, ποτέραν τῶν πόλεων κρίνει κυρίαν εἶναι δεῖν τῆσ Λεύκησ, ἔκρινεν ἡ Πυθία ταύτην ὑπάρχειν, ἥτισ ἂν πρώτη θύσῃ ἐν τῇ Λεύκῃ· ὁρμηθῆναι δὲ ἐκ τῆσ ἰδίασ πόλεωσ ἅμ’ ἡλίῳ ἀνιόντι κατὰ τὴν ἡμέραν, ἣν ἀμφότεροι συμφώνωσ ὑποστήσονται. ταχθείσησ δὲ τῆσ ἡμέρασ, οἱ μὲν Κυμαῖοι ὑπελάμβανον ἑαυτοὺσ πλεονεκτεῖν διὰ τὸ τὴν αὑτῶν πόλιν ἐγγυτέρω κεῖσθαι, οἱ δὲ Κλαζομένιοι, διάστημα πλέον ἀπέχοντεσ, τεχνάζονταί τι τοιοῦτο πρὸσ τὴν νίκην·

κληρώσαντεσ ἐξ ἑαυτῶν ἀποίκουσ ἔκτισαν πλησίον τῆσ Λεύκησ πόλιν, ἐξ ἧσ ὁρμηθέντεσ ἅμ’ ἡλίῳ ἀνατέλλοντι ἔφθασαν τοὺσ Κυμαίουσ τὴν θυσίαν ἐπιτελέσαντεσ. τούτῳ δὲ τῷ φιλοτεχνήματι γενόμενοι κύριοι τῆσ Λεύκησ, ἐπώνυμον ἑορτὴν ἄγειν κατ’ ἐνιαυτὸν ἐνεστήσαντο, τὴν πανήγυριν ὀνομάσαντεσ προφθάσειαν.

τούτων δὲ πραχθέντων αἱ μὲν κατὰ τὴν Ἀσίαν ἐπαναστάσεισ αὐτομάτωσ κατελύθησαν. Λακεδαιμόνιοι δὲ μετὰ τὸν τοῦ Γλῶ καὶ τοῦ Ταχῶ θάνατον τὰσ μὲν κατὰ τὴν Ἀσίαν πράξεισ ἀπέγνωσαν, τὰ δὲ κατὰ τὴν Ἑλλάδα συσκευαζόμενοι, καὶ τῶν πόλεων ἃσ μὲν πειθοῖ προσαγόμενοι, ἃσ δὲ διὰ τῆσ τῶν φυγάδων καθόδου βίᾳ χειρούμενοι, φανερῶσ ἤδη τὴν ἡγεμονίαν τῆσ Ἑλλάδοσ εἰσ ἑαυτοὺσ μεθίστασαν παρὰ τὰσ κοινὰσ συνθήκασ τὰσ ἐπ’ Ἀνταλκίδου γενομένασ συνεπιλαβομένου τοῦ Περσῶν βασιλέωσ.

κατὰ δὲ τὴν Μακεδονίαν Ἀμύντου τοῦ βασιλέωσ ἡττηθέντοσ ὑπὸ Ἰλλυριῶν καὶ τὰ κατὰ τὴν ἀρχὴν ἀπογνόντοσ, πρὸσ δὲ τούτοισ τῷ δήμῳ τῶν Ὀλυνθίων δωρησαμένου πολλὴν τῆσ ὁμόρου χώρασ διὰ τὴν ἀπόγνωσιν τῆσ ἑαυτοῦ δυναστείασ, τὸ μὲν πρῶτον ὁ δῆμοσ ὁ τῶν Ὀλυνθίων τὰσ προσόδουσ ἐλάμβανε τὰσ ἐκ τῆσ δοθείσησ χώρασ, μετὰ δὲ ταῦτ’ ἀνελπίστωσ τοῦ βασιλέωσ ἀναλαβόντοσ ἑαυτὸν καὶ τὴν ὅλην ἀρχὴν ἀνακτησαμένου οἱ μὲν Ὀλύνθιοι τὴν χώραν ἀπαιτηθέντεσ οὐχ οἱοῖ ἦσαν ἀποδιδόναι.

διόπερ Ἀμύντασ ἰδίαν τε δύναμιν συνεστήσατο καὶ τοὺσ Λακεδαιμονίουσ ποιησάμενοσ συμμάχουσ ἔπεισεν ἐξαποστεῖλαι στρατηγὸν καὶ δύναμιν ἀξιόλογον ἐπὶ τοὺσ Ὀλυνθίουσ.

οἱ δὲ Λακεδαιμόνιοι κρίναντεσ ἀντέχεσθαι τῶν ἐπὶ Θρᾴκησ τόπων, κατέλεξαν στρατιώτασ ἔκ τε τῶν πολιτῶν καὶ παρὰ τῶν συμμάχων τοὺσ ἅπαντασ ὑπὲρ μυρίουσ· παραδόντεσ δὲ τὴν δύναμιν Φοιβίδᾳ τῷ Σπαρτιάτῃ προσέταξαν συμμαχεῖν τῷ Ἀμύντᾳ καὶ μετ’ ἐκείνου πολεμῆσαι τοὺσ Ὀλυνθίουσ. ἑτέραν δὲ δύναμιν ἐπὶ Φλιουντίουσ ἐκπέμψαντεσ καὶ μάχῃ νικήσαντεσ ἠνάγκασαν ὑποταγῆναι τοὺσ Φλιουντίουσ τοῖσ Λακεδαιμονίοισ. κατὰ δὲ τοῦτον τὸν χρόνον οἱ βασιλεῖσ τῶν Λακεδαιμονίων διεφέροντο πρὸσ ἀλλήλουσ ταῖσ αἱρέσεσιν·

Ἀγησίπολισ μὲν γάρ, εἰρηνικὸσ ὢν καὶ δίκαιοσ, ἔτι δὲ καὶ συνέσει διαφέρων, ἔφη δεῖν ἐμμένειν τοῖσ ὁρ́κοισ καὶ παρὰ τὰσ κοινὰσ συνθήκασ μὴ καταδουλοῦσθαι τοὺσ Ἕλληνασ· ἀδοξεῖν γὰρ ἀπεφήνατο τὴν Σπάρτην τοῖσ μὲν Πέρσαισ ἐκδότουσ πεποιημένην τοὺσ κατὰ τὴν Ἀσίαν Ἕλληνασ, αὐτὴν δὲ συσκευαζομένην τὰσ κατὰ τὴν Ἑλλάδα πόλεισ, ἐν ταῖσ κοιναῖσ συνθήκαισ ὀμόσασαν τηρήσειν αὐτονόμουσ. ὁ δ’ Ἀγησίλαοσ, ὢν φύσει δραστικόσ, φιλοπόλεμοσ ἦν καὶ τῆσ τῶν Ἑλλήνων δυναστείασ ἀντείχετο. ἐπ’ ἄρχοντοσ δ’ Ἀθήνησιν Εὐάνδρου Ῥωμαῖοι κατέστησαν ἀντὶ τῶν ὑπάτων χιλιάρχουσ ἕξ, Κόιντον Σολπίκιον, Γάιον Φάβιον, Κόιντον Σερουίλιον, Πόπλιον Κορνήλιον.

ἐπὶ δὲ τούτων Λακεδαιμόνιοι κατελάβοντο τὴν Καδμείαν ἐν ταῖσ Θήβαισ διά τινασ τοιαύτασ αἰτίασ. ὁρῶντεσ τὴν Βοιωτίαν ἔχουσαν πόλεών τε πλῆθοσ καὶ τοὺσ κατοικοῦντασ αὐτὴν ἄνδρασ ὑπάρχοντασ ἀνδρείᾳ διαφόρουσ, ἔτι δὲ τὰσ Θήβασ ἐχούσασ παλαιὸν ἀξίωμα καὶ τὸ σύνολον ὥσπερ ἀκρόπολίν τινα τῆσ Βοιωτίασ οὖσαν, εὐλαβοῦντο μήποτε καιροῦ παραφανέντοσ οἰκείου τῆσ ἡγεμονίασ ἀντιποιήσηται· διόπερ τοῖσ ἡγεμόσιν οἱ Σπαρτιᾶται παρήγγελλον ἐν ἀπορρήτοισ, ἵν’ ἐάν ποτε καιρὸν λάβωσι, καταλάβωνται τὴν Καδμείαν.

τοιαύτησ δὲ γενομένησ παραγγελίασ, Φοιβίδασ ὁ Σπαρτιάτησ, τεταγμένοσ ἐπί τινοσ ἡγεμονίασ καὶ δύναμιν ἄγων ἐπὶ Ὀλυνθίουσ, κατελάβετο τὴν Καδμείαν. ἀγανακτούντων δὲ τῶν Θηβαίων καὶ μεθ’ ὅπλων συνδραμόντων, συνάψασ μάχην αὐτοῖσ καὶ νικήσασ τριακοσίουσ μὲν τοὺσ ἐπιφανεστάτουσ τῶν Θηβαίων ἐφυγάδευσε, τοὺσ δὲ λοιποὺσ καταπληξάμενοσ καὶ φρουρὰν ἰσχυρὰν ἐγκαταστησάμενοσ, ἐπὶ τὰσ ἰδίασ πράξεισ ἀπηλλάγη. οἱ δὲ Λακεδαιμόνιοι διὰ τὴν πρᾶξιν ταύτην ἀδοξοῦντεσ παρὰ τοῖσ Ἕλλησι, τὸν μὲν Φοιβίδαν ἐζημίωσαν χρήμασι, τὴν δὲ φρουρὰν οὐκ ἐξῆγον ἐκ τῶν Θηβῶν· οἱ μὲν οὖν Θηβαῖοι τοῦτον τὸν τρόπον τὴν αὐτονομίαν ἀποβαλόντεσ ἠναγκάσθησαν ὑποταγῆναι τοῖσ Λακεδαιμονίοισ·

τῶνδ’ Ὀλυνθίων διαπολεμούντων πρὸσ Ἀμύνταν τὸν τῶν Μακεδόνων βασιλέα, Λακεδαιμόνιοι τὸν μὲν Φοιβίδαν ἀπέστησαν τῆσ ἡγεμονίασ, Εὐδαμίδαν δὲ τὸν ἀδελφὸν τοῦ Φοιβίδα κατέστησαν στρατηγόν. δόντεσ δ’ αὐτῷ τρισχιλίουσ ὁπλίτασ ἐξαπέστειλαν διαπολεμήσοντα τὸν πρὸσ Ὀλυνθίουσ πόλεμον. οὗτοσ δ’ ἐμβαλὼν εἰσ τὴν χώραν τῶν Ὀλυνθίων, κοινῇ μετ’ Ἀμύντου διεπολέμει πρὸσ Ὀλυνθίουσ.

εἶθ’ οἱ μὲν Ὀλύνθιοι δύναμιν ἀξιόλογον ἠθροικότεσ ἐπλεονέκτουν ἐν ταῖσ μάχαισ, στρατιώτασ πλείουσ ἔχοντεσ τῶν πολεμίων· οἱ δὲ Λακεδαιμόνιοι δύναμιν ἀξιόλογον προχειρισάμενοι κατέστησαν στρατηγὸν ἐπ’ αὐτῆσ Τελευτίαν. οὗτοσ δ’ ἦν ἀδελφὸσ μὲν Ἀγησιλάου τοῦ βασιλέωσ, θαυμαζόμενοσ δ’ ἐπ’ ἀρετῇ παρὰ τοῖσ πολίταισ. ἀναζεύξασ οὖν μετὰ δυνάμεωσ ἐκ τῆσ Πελοποννήσου καὶ καταντήσασ πλησίον τῆσ Ὀλυνθίων παρέλαβε τοὺσ μετὰ Εὐδαμίδου στρατιώτασ.

γενόμενοσ δὲ ἀξιόμαχοσ τὸ μὲν πρῶτον τὴν τῶν Ὀλυνθίων χώραν ἐδῄωσε, καὶ συναγαγὼν πλῆθοσ λείασ ἐμέρισε τοῖσ στρατιώταισ. τῶν δὲ Ὀλυνθίων μετὰ τῶν συμμάχων πανδημεὶ παραταξαμένων συνῆψε μάχην. καὶ τὸ μὲν πρῶτον ἰσορρόπου τοῦ κινδύνου γενομένου διεχωρίσθησαν· μετὰ δὲ ταῦτα γενομένησ μάχησ ἰσχυρᾶσ, αὐτόσ τε ὁ Τελευτίασ ἔπεσε λαμπρῶσ ἀγωνισάμενοσ, καὶ τῶν Λακεδαιμονίων ἀνῃρέθησαν πλείουσ τῶν χιλίων καὶ διακοσίων. τηλικαύτησ δ’ εὐημερίασ γενομένησ τοῖσ Ὀλυνθίοισ, οἱ μὲν Λακεδαιμόνιοι, βουλόμενοι διορθώσασθαι τὸ γεγονὸσ ἐλάττωμα, δυνάμεισ ἁδροτέρασ ἐκπέμπειν παρεσκευάζοντο, οἱ δὲ Ὀλύνθιοι, νομίζοντεσ μείζοσι δυνάμεσιν ἥξειν τοὺσ Σπαρτιάτασ καὶ τὸν πόλεμον ἔσεσθαι πολυχρόνιον, σίτου τε παρασκευὰσ ἀξιολόγουσ ἐποιοῦντο καὶ παρὰ τῶν συμμάχων στρατιώτασ προσελαμβάνοντο.

ἐπ’ ἄρχοντοσ δ’ Ἀθήνησι Δημοφίλου Ῥωμαῖοι ἀντὶ τῶν ὑπάτων χιλιάρχουσ κατέστησαν Πόπλιον Κορνήλιον, Λεύκιον Οὐεργίνιον, Λεύκιον Παπίριον, Μάρκον Φούριον, Οὐαλέριον, Αὖλον Μάλλιον, Λεύκιον καὶ Ποστούμιον.

ἐπὶ δὲ τούτων Λακεδαιμόνιοι μὲν στρατηγὸν προχειρισάμενοι Ἀγησίπολιν τὸν βασιλέα, καὶ δύναμιν ἱκανὴν παραδόντεσ, ἐψηφίσαντο πρὸσ Ὀλυνθίουσ πολεμεῖν.

οὗτοσ δὲ καταντήσασ εἰσ τὴν τῶν Ὀλυνθίων χώραν καὶ παραλαβὼν τοὺσ προϋπάρχοντασ ἐν τῇ παρεμβολῇ στρατιώτασ διεπολέμει πρὸσ τοὺσ ἐγχωρίουσ. οἱ δ’ Ὀλύνθιοι μεγάλην μὲν μάχην οὐδεμίαν κατὰ τοῦτον τὸν ἐνιαυτὸν συνεστήσαντο, ἀκροβολισμοὺσ δὲ καὶ βραχείασ συμπλοκὰσ ποιούμενοι διετέλεσαν, καταπεπληγμένοι τὴν μετὰ τοῦ βασιλέωσ δύναμιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 17

(디오도로스 시켈로스, Library, book xv, chapter 17)

상위

목록

SEARCH

MENU NAVIGATION