헬라어 문장 검색 - Διοδορ́Λιβραρψ́8́37́

(디오도로스 시켈로스, Library, book xv, chapter 67)

οἱ δὲ Θηβαῖοι πάντα τὰ προειρημένα συντελέσαντεσ ἐν ἡμέραισ ὀγδοήκοντα καὶ πέντε, καὶ καταλιπόντεσ φυλακὴν ἀξιόλογον τῆσ Μεσσήνησ, ἐπανῆλθον εἰσ τὴν οἰκείαν. Λακεδαιμόνιοι δὲ παραδόξωσ ἀποτετριμμένοι τοὺσ πολεμίουσ, ἀπέστειλαν πρεσβευτὰσ εἰσ τὰσ Ἀθήνασ τοὺσ ἐπιφανεστάτουσ τῶν Σπαρτιατῶν, καὶ τὰσ μὲν ὁμολογίασ ἐποιήσαντο περὶ τῆσ ἡγεμονίασ, ὥστε τῆσ μὲν θαλάττησ ἄρχειν Ἀθηναίουσ, τῆσ δὲ γῆσ τοὺσ Λακεδαιμονίουσ, μετὰ δὲ ταῦτα ἐν ἀμφοτέραισ ταῖσ πόλεσιν ἐποιήσαντο κοινὰσ τὰσ ἡγεμονίασ. Ἀρκάδεσ δὲ Λυκομήδην στρατηγὸν προχειρισάμενοι, καὶ παραδόντεσ αὐτῷ τοὺσ ἐπιλέκτουσ ὀνομαζομένουσ, ὄντασ πεντακισχιλίουσ, ἐστράτευσαν ἐπὶ Πελλήνην τῆσ Λακωνικῆσ, καὶ τὴν μὲν πόλιν βίᾳ χειρωσάμενοι τοὺσ ἐγκαταλειφθέντασ φρουροὺσ τῶν Λακεδαιμονίων ἀπέκτειναν, ὄντασ πλείουσ τῶν τριακοσίων, τὴν δὲ πόλιν ἐξανδραποδισάμενοι καὶ τὴν χώραν δῃώσαντεσ ἐπανῆλθον εἰσ τὴν οἰκείαν, φθάσαντεσ τὴν παρὰ τῶν Λακεδαιμονίων βοήθειαν.

Βοιωτοὶ δέ, μεταπεμπομένων αὐτοὺσ Θετταλῶν ἐπ’ ἐλευθερώσει μὲν τῶν πόλεων, καταλύσει δὲ τῆσ Ἀλεξάνδρου τοῦ Φεραίου τυραννίδοσ ἐξαπέστειλαν Πελοπίδαν μετὰ δυνάμεωσ εἰσ Θετταλίαν, δόντεσ ἐντολὰσ αὐτῷ εἰσ τὸ συμφέρον τῶν Βοιωτῶν διοικῆσαι τὰ κατὰ τὴν Θετταλίαν.

οὗτοσ δὲ καταντήσασ εἰσ Λάρισσαν, καὶ καταλαβὼν τὴν ἀκρόπολιν φρουρουμένην ὑπὸ Ἀλεξάνδρου τοῦ Μακεδόνοσ, ταύτην μὲν παρέλαβεν, εἰσ δὲ τὴν Μακεδονίαν παρελθὼν καὶ συμμαχίαν ποιησάμενοσ πρὸσ Ἀλέξανδρον τὸν τῶν Μακεδόνων βασιλέα, ὅμηρον ἔλαβε παρ’ αὐτοῦ τὸν ἀδελφὸν Φίλιππον, ὃν ἐξέπεμψεν εἰσ τὰσ Θήβασ.

τὰ δὲ κατὰ τὴν Θετταλίαν διοικησάμενοσ ὥσ ποτ’ ἔδοξεν αὐτῷ συμφέρειν τοῖσ Βοιωτοῖσ, ἐπανῆλθεν εἰσ τὴν οἰκείαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 67

(디오도로스 시켈로스, Library, book xv, chapter 67)

상위

목록

SEARCH

MENU NAVIGATION