헬라어 문장 검색 - Διοδορ́Λιβραρψ́8́23́

(디오도로스 시켈로스, Library, book xv, chapter 38)

ἐπ’ ἄρχοντοσ δ’ Ἀθήνησιν Ἱπποδάμου Ῥωμαῖοι χιλιάρχουσ ἀντὶ τῶν ὑπάτων κατέστησαν τέτταρασ, Λεύκιον Οὐαλέριον, Λεύκιον Μάλλιον, Σερούιον Σουλπίκιον, Λοκρήτιον. ἐπὶ δὲ τούτων Ἀρταξέρξησὁ τῶν Περσῶν βασιλεὺσ μέλλων πολεμεῖν πρὸσ Αἰγυπτίουσ καὶ σπεύδων ξενικὴν δύναμιν ἀξιόλογον συστήσασθαι, διέγνω συλλύσασθαι τοὺσ κατὰ τὴν Ἑλλάδα πολέμουσ· οὕτωσ γὰρ μάλιστ’ ἤλπιζε τοὺσ Ἕλληνασ ἀπολελυμένουσ τῶν οἰκείων πολέμων ἑτοιμοτέρουσ ἔσεσθαι πρὸσ τὰσ ξενολογίασ. διόπερ πρέσβεισ ἐξέπεμψεν εἰσ τὴν Ἑλλάδα τοὺσ παρακαλέσοντασ τὰσ πόλεισ κοινὴν εἰρήνην συνθέσθαι. τῶν δ’ Ἑλλήνων ἀσμένωσ προσδεξαμένων τοὺσ λόγουσ διὰ τὸ κάμνειν τῇ συνεχείᾳ τῶν πολέμων, συνέθεντο πάντεσ τὴν εἰρήνην, ὥστε πάσασ τὰσ πόλεισ αὐτονόμουσ καὶ ἀφρουρήτουσ εἶναι.

καὶ κατέστησαν οἱ Ἕλληνεσ ἐξαγωγεῖσ, οἳ κατὰ πόλιν ἑκάστην ἐπελθόντεσ ἐξήγαγον ἁπάσασ τὰσ φρουράσ. μόνων δὲ Θηβαίων οὐ προσδεξαμένων κατὰ πόλιν γίνεσθαι τὰσ σπονδάσ, ἀλλὰ τὴν Βοιωτίαν ἅπασαν ὑπὸ τὴν τῶν Θηβαίων συντέλειαν ταττόντων, καὶ Ἀθηναίων μὲν ἀντειπόντων φιλοτιμότατα, Καλλιστράτου τοῦ δημαγωγοῦ τὸν λόγον διαθεμένου, ὑπὲρ δὲ τῶν Θηβαίων Ἐπαμεινώνδου διαθεμένου λόγον θαυμαστῶσ ἐν τῷ κοινῷ συνεδρίῳ, τοῖσ μὲν ἄλλοισ Ἕλλησι πᾶσι συμφώνωσ αἱ σπονδαὶ συνετελέσθησαν, μόνοι δὲ Θηβαῖοι κριθέντεσ ἔκσπονδοι, καὶ τοῦ Ἐπαμεινώνδου διὰ τῆσ ἰδίασ ἀρετῆσ ἐμποιοῦντοσ φρόνημα τοῖσ πολίταισ, ἐθάρρησαν τοῖσ ἁπάντων δόγμασιν ἀντιβαίνειν.

Λακεδαιμόνιοι μὲν γὰρ καὶ Ἀθηναῖοι, διὰ πάντων περὶ τῆσ ἡγεμονίασ διαφιλοτιμούμενοι, παρεχώρουν ἀλλήλοισ, οἱ μὲν τῆσ κατὰ γῆν, οἱ δὲ τῆσ κατὰ θάλατταν ἀρχῆσ ἄξιοι κρινόμενοι.

διόπερ τὴν ἐκ τρίτου προσώπου ἀναφερομένην ἡγεμονίαν χαλεπῶσ ἔφερον, καὶ τὰσ κατὰ Βοιωτίαν πόλεισ ἀπέσπων τῆσ τῶν Θηβαίων συντελείασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 38

(디오도로스 시켈로스, Library, book xv, chapter 38)

상위

목록

SEARCH

MENU NAVIGATION