헬라어 문장 검색 - ΑτηενάΤηεΔειπ

(아테나이오스, The Deipnosophists, Book 2, book 2, chapter 24)

ὅτι τοῖσ προπίνουσιν ἐπιτεταμένωσ οὐκ οἰκείωσ διατίθεται ὁ στόμαχοσ, ἀλλὰ μᾶλλον κακοῦται καὶ πολλάκισ φθορὰν τῶν ληφθέντων παρασκευάζει. δεῖ οὖν τὸν ὑγιείασ ἀντιποιούμενον καὶ συμμέτροισ γυμνασίοισ χρᾶσθαι διὰ τοὺσ πολλοὺσ ἱδρῶτασ καὶ λουτροῖσ, ὡσ διᾶναί τε τὸ σῶμα καὶ μαλαχθῆναι· μετὰ δὲ ταῦτα προπίνειν ὕδωρ ὡσ χρηστότατον, ἐν μὲν χειμῶνι καὶ ἐάρι θερμὸν ὡσ μάλιστα, ἐν δὲ τῷ θέρει ψυχρόν, ὡσ μὴ προεκλύειν τὸν στόμαχον προπίνειν δὲ σύμμετρον τῷ πλήθει, χάριν τοῦ προαναληφθῆναι τοῦτο εἰσ τὴν ἕξιν καὶ μὴ ἀκέραιον ἀναδίδοσθαι τὴν ἀπὸ τοῦ οἴνου δύναμιν μηδὲ τοῖσ πέρασι τῶν ἀγγείων προσπίπτουσαν ἐπιδάκνειν. ἐὰν δὲ τισ ἡμῶν τοῦτο δυσκόλωσ ποιῇ, γλυκὺν ὑδαρῆ θερμὸν προλαμβανέτω, μάλιστα δὲ τὸν καλούμενον πρότροπον τὸν γλυκὺν Λέσβιον ὄντα εὐστόμαχον. καὶ ὁ γλυκάζων δ’ οἶνοσ οὐ βαρύνει τὴν κεφαλήν, ὡσ Ἱπποκράτησ ἐν τῷ περὶ διαίτησ φησίν, ὅ τινεσ μὲν ἐπιγράφουσι περὶ ὀξέων νόσων, οἱ δὲ περὶ πτισάνησ, ἄλλοι δὲ πρὸσ τὰσ Κνιδίασ γνώμασ. λέγει δέ·

"ὁ γλυκὺσ ἧσσόν ἐστι καρηβαρικὸσ τοῦ οἰνώδεοσ καὶ ἧσσον φρενῶν ἁπτόμενοσ καὶ διαχωρητικώτεροσ τοῦ ἑτέρου κατ’ ἔντερον. Ου’ δεῖ δὲ προπίνειν καθὰ τοὺσ Καρμανούσ φησι Ποσειδώνιοσ· τούτουσ γὰρ φιλοφρονουμένουσ ἐν τοῖσ συμποσίοισ λύειν τὰσ ἐπὶ τῷ προσώπῳ φλέβασ καὶ τὸ καταρρέον αἷμα μιγνύντασ τῷ πόματι προσφέρεσθαι, τέλοσ φιλίασ νομίζοντασ τὸ γεύεσθαι τοῦ ἀλλήλων αἵματοσ, μετὰ δὲ τὴν προσφορὰν ταύτην συγχρίεσθαι τὴν κεφαλὴν μύρῳ, μάλιστα μὲν ῥοδίνῳ, εἰ δὲ μή, μηλίνῳ, εἰσ τὸ ἀποκρούεσθαι τὰ ἀπὸ τοῦ πότου καὶ μὴ βλάπτεσθαι ἀπὸ τῆσ τῶν οἴνων ἀναθυμιάσεωσ· εἰ δὲ μή, ἰρίνῳ ἢ ναρδίνῳ.

οὐ κακῶσ οὖν Ἄλεξίσ φησιν ἐναλείφεται τὰσ ῥῖνασ· μέγιστον ὀσμὰσ ἐγκεφάλῳ χρηστὰσ ποιεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 2, book 2, chapter 24

(아테나이오스, The Deipnosophists, Book 2, book 2, chapter 24)

상위

목록

SEARCH

MENU NAVIGATION