헬라어 문장 검색 - Αρριαν́Αναβασί1́22́

(아리아노스, Anabasis, book 1, chapter 21)

Οὐ πολλαῖσ δὲ ἡμέραισ ὕστερον δύο τῶν Μακεδόνων ὁπλῖται ἐκ τῆσ [ὕστερον] Περδίκκου τάξεωσ ξυσκηνοῦντέσ τε καὶ ἅμα ξυμπίνοντεσ αὑτόν τε καὶ τὰ αὑτοῦ ἑκάτεροσ ἐπὶ μέγα τῷ λόγῳ ἦγεν. ἔνθα δὴ φιλοτιμία τε ἐσπίπτει αὐτοῖσ, καὶ τι καὶ ὁ οἶνοσ ὑπεθέρμαινεν, ὥστε ὁπλισάμενοι αὐτοὶ ἐπὶ σφῶν προσβάλλουσι τῷ τείχει κατὰ τὴν ἄκραν τὴν πρὸσ Μύλασα μάλιστα τετραμμένην, ὡσ ἐπίδειξιν τῆσ σφῶν ῥώμησ μᾶλλόν τι ἢ πρὸσ πολεμίουσ μετὰ κινδύνου τὸν ἀγῶνα ποιησόμενοι. καὶ τούτουσ κατιδόντεσ τινὲσ τῶν ἐκ τῆσ πόλεωσ δύο τε ὄντασ καὶ οὐ ξὺν λογισμῷ προσφερομένουσ τῷ τείχει ἐπεκθέουσιν.

οἱ δὲ τοὺσ μὲν ἐγγὺσ πελάσαντασ ἀπέκτειναν, πρὸσ δὲ τοὺσ ἀφεστηκότασ ἠκροβολίζοντο, πλεονεκτούμενοι τῷ τε πλήθει καὶ τοῦ χωρίου τῇ χαλεπότητι, ὅτι ἐξ ὑπερδεξίου τοῖσ πολεμίοισ ἡ ἐπιδρομή τε καὶ ὁ ἀκροβολισμὸσ ἐγίνετο. καὶ ἐν τούτῳ ἀντεκθέουσί τινεσ καὶ ἄλλοι τῶν τοῦ Περδίκκου στρατιωτῶν, καὶ ἀπὸ τῆσ Ἁλικαρνασσοῦ ἄλλοι καὶ ξυμπίπτει μάχη καρτερὰ πρὸσ τῷ τείχει·

καὶ κατακλείονται αὖθισ πρὸσ τῶν Μακεδόνων εἴσω τῶν πυλῶν οἱ ἐπεκδραμόντεσ. παῤ ὀλίγον δὲ ἦλθε καὶ ἁλῶναι ἡ πόλισ. τά τε γὰρ τείχη ἐν τῷ τότε οὐκ ἐν ἀκριβεῖ φυλακῇ ἦν καὶ δύο πύργοι καὶ μεσοπύργιον ἐσ ἔδαφοσ καταπεπτωκότα οὐ χαλεπὴν ἂν τῷ στρατεύματι, εἰ ἅπαν προσήψατο τοῦ ἔργου, τὴν ἐσ τὸ τεῖχοσ πάροδον παρέσχε, καὶ ὁ τρίτοσ πύργοσ κατασεσεισμένοσ οὐδὲ οὗτοσ χαλεπῶσ ἂν ἠρίφθη ὑπορυσσόμενοσ·

ἀλλὰ ἔφθησαν γὰρ ἀντὶ τοῦ πεπτωκότοσ τείχουσ ἔσωθεν πλίνθινον μηνοειδὲσ ἀντοικοδομησάμενοι οὐ χαλεπῶσ ὑπὸ πολυχειρίασ. Καὶ τούτῳ ἐπῆγε τῇ ὑστεραίᾳ τὰσ μηχανὰσ Ἀλέξανδροσ·

καὶ ἐκδρομὴ αὖθισ γίγνεται τῶν ἐκ τῆσ πόλεωσ ἐπὶ τῷ ἐμπρῆσαι τὰσ μηχανάσ. καὶ μέροσ μέν τι τῶν πλησίον τοῦ τείχουσ γέρρων καὶ ἑνὸσ τῶν πύργων τῶν ξυλίνων κατεκαύθη, τὰ δὲ ἄλλα διεφύλαξαν οἱ περὶ Φιλώταν τε καὶ Ἑλλάνικον, οἷσ ἡ φυλακὴ αὐτῶν ἐπετέτραπτο· ὡσ δὲ καὶ Ἀλέξανδροσ ἐπεφάνη ἐν τῇ ἐκδρομῇ, τάσ τε δᾷδασ, ὅσασ ἔχοντεσ ἐκβεβοηθήκεσαν, ἀφέντεσ καὶ τὰ ὅπλα οἱ πολλοὶ αὐτῶν ῥίψαντεσ εἴσω τοῦ τείχουσ ἔφευγον. καίτοι τά γε πρῶτα τῇ φύσει τε τοῦ χωρίου, ὑπερδεξίου ὄντοσ, ἐπεκράτουν καὶ οὐ κατὰ μέτωπον μόνον ἠκροβολίζοντο ἐσ τοὺσ προμαχομένουσ τῶν μηχανῶν, ἀλλὰ καὶ ἐκ τῶν πύργων, οἳ δὴ ἑκατέρωθεν τοῦ ἐρηριμμένου τείχουσ αὐτοὶ ὑπολελειμμένοι ἐκ πλαγίου τε καὶ μόνον οὐ κατὰ νώτου παρεῖχον ἀκροβολίζεσθαι ἐσ τούσ τῷ ἀντῳκοδομημένῳ τείχει προσάγοντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 1, chapter 21

(아리아노스, Anabasis, book 1, chapter 21)

상위

목록

SEARCH

MENU NAVIGATION